Забава
Небесен базен распнат меѓу висококатници само за најхрабрите, но и за оние со длабок џеб
Необичната атракција во лондонскиот резидентен кварт Најн Елмс е лебдење во проѕирна акрилна структура обесена 35 метри над улица. Искуството е навистина уникатно бидејќи луѓето се чувствуваат како да лебдат во воздухот над центарот на Лондон.
Небесен базен со стаклено дно, направен во стил на аквариум со должина од 25 метри, се простира помеѓу десеттите катови на две станбени висококатници во лондонскиот кварт Најн Елмс.
Само среќните жители на двете луксузни згради ќе можат да го користат таканаречениот Sky Pool. Тие уживаат во погледот на центарот на градот додека висат меѓу две висококатници од по 10 ката. Базенот е дел од нивиот резидентен комплекс „Ембаси Гарденс“, каде што еден стан може да чини до 6 милиони долари.
Необичната атракција е лебдење во проѕирна акрилна структура обесена 35 метри над улицата во Лондон.
Sky Pool е прв базен во светот што лебди во воздух. Тој беше отворен на 19 мај.
Длабок е три метри и тежи околу 375 тони.
Oвa e најголем самостоeчка структура на базен во светот и претставува нов проект на луксузниот резидентен комплекс Embassy Gardens, во кој има и барови, ресторани и продавници.
Сместен е покрај американската амбасада близу јужниот брег на Темза. Оние среќници кои го користат небесниот базен имаат прекрасен поглед на главниот град. Можат да ја набљудуваат лондонската панорама, вклучувајќи ги London Eye и Westminster.
Пристап до небесниот базен имаат само жителите на двете луксузни згради и нивните гости.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Заљубениот Ричард Гир не се раздели од сопругата на црвениот тепих
Холивудскиот актер Ричард Гир пристигна со сопругата Алехандра Силва на филмскиот фестивал во Цирих, каде се одржа премиерата на филмот Wisdom for Happiness.
75-годишниот Гир не можел да го сокрие ентузијазмот за неговата сопруга, која е 34 години помлада, со која има два сина.
Фотографите ги снимиле нивните допири и прегратки на црвениот тепих.
Актерот и 41-годишната Алехандра се венчаа во 2018 година. Сопружниците имаат два сина, 5-годишниот Александар и една година помладиот Џејмс, додека Алехандра од претходниот брак го има 9-годишен Алберт, а Гир 24-годишниот Хомер.
Забава
Меланија за првата средба со Трамп: Беше на состанок со друга жена и ми го побара бројот
Меланија Трамп се присети на нејзината прва средба со Доналд Трамп во своите мемоари. Таа призна дека Трамп бил на состанок со друга жена кога ја забележал и почнал да флертува со неа.
Меланија во книгата објаснила дека била на забава на Модната недела во 1998 година со пријател кога Доналд им пришол и покрај тоа што бил во друштво со друга жена.
„Здраво. Јас сум Доналд Трамп – рече човекот кога дојде до мојата маса“, напиша таа. Иако го препознала името, таа не знаела ништо за Доналд.
Ја пружи раката кон неа и започна разговор. „Неговите очи беа исполнети со љубопитност и интерес. Ја искористи можноста, седна на мојата маса и започна разговор. Ме праша за времето поминато во Њујорк, мојот дом во Словенија и моите патувања низ светот“, се сеќава Меланија.
Иако тоа беше кратка средба, Меланија вели дека оставила траен впечаток.
„Од моментот кога започна нашиот разговор, ме плени неговиот шарм и леснотија. Имаше толку многу раздвижена активност околу нас, но неговата намера да се фокусира на нашата интеракција ме натера да се чувствувам како да сум во центарот на неговиот свет“, пишува поранешната прва дама на САД.
„Тоа беше освежувачки одмор од вообичаениот површен разговор и се најдов себеси привлечена од неговата енергија“, додаде таа.
Сепак, Доналд тогаш не бил сам, туку бил придружуван од друга жена. „Кога таа замина за момент, ми го побара бројот на мобилниот телефон“, рече таа. Меланија го одбича, што го изненадило. Наместо тоа, Меланија побарала од Доналд да и го даде својот број, што тој со задоволство го прифатил под еден услов.
„Ќе ти го дадам мојот број ако ветиш дека ќе се јавиш“, ѝ рекол тогаш, се сеќава Меланија.
Забава
Додека за Бијонсе се шири морничава теорија на заговор, таа ужива на црвениот тепих со мајка си
Иако деновиве се шири морничава теорија на заговор за Бијонсе, по апсењето на раперот Шон Диди Комбс, според која таа е стравот и трепет на музичката индустрија, тоа не ја спречи да ужива на социјален настан.
Таа присуствуваше на наградите Glamour Women of the Year во Њујорк. Бијонсе беше придружувана од нејзината мајка Тина Ноулс и нејзината најдобра пријателка и поранешна колешка од бендот Destiny’s Child, Кели Роланд.
Судејќи по фотографиите, таа не е загрижена што зборува јавноста за неа. Уште повеќе, таа блескаше од среќа, облечена во светло жолта маица со кратки ракави и златно здолниште. Аутфитот го комплетираше со соодветен ремен, неутрална шминка, проѕирни ракавици и долга бунда.