Свет
Хакери ја нападнаа најголемата компанија за преработка на месо во светот: можен недостиг и скок на цените
Најголемата светска компанија за преработка на месо, ЈБС, беше цел на софистициран кибернапад, поради што нејзините погони во Австралија, Канада и САД беа привремено затворени, објавија американските власти. Компанијата верува дека нападот го извршила криминална група која најверојатно се наоѓа во Русија, објави Белата куќа.
Компјутерските мрежи на ЈБС биле нападнати, нарушувајќи ја работата на илјадници работници, објави Би-би-си. Нападот може да доведе до недостиг на месо или пораст на потрошувачките цени.
Во ваков вид напади, хакери влегуваат во компјутерска мрежа и се закануваат дека ќе ги нарушат или избришат датотеките доколку не добијат пари.
Белата куќа соопшти дека Федералното биро за истраги го истражува нападот.
„Белата куќа директно соработува со руските власти во врска со ова и ја пренесува пораката дека одговорни држави не им даваат прибежиште на криминалци кои уценуваат“, изјави портпаролот на Белата куќа, Карин Жан-Пјер.
ЈБС објави дека остварил „значителен напредок“ во решавањето на овој кибернапад и дека се надева дека повеќето од фабриките ќе профункционираат веќе утре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Борел: Западен Балкан има историска можност да ја поврзе својата иднина со ЕУ
Високиот претставник за надворешна и безбедносна политика на ЕУ, Жосеп Борел, по повод 20-годишнината од најголемото проширување на ЕУ, изјави дека работата за повторно обединување на Европа не е завршена и порача дека Западен Балкан има историска можност цврсто да ја врзат својата иднина со Европската унија.
„Западен Балкан, Турција, Украина, Молдавија и Грузија имаат историска можност цврсто да ја врзат својата иднина со ЕУ. Проширувањето на ЕУ е трансформативна политика која ја подобрува безбедноста, правдата и демократијата, истовремено подигнувајќи го животниот стандард на Европејците“, се вели во соопштението на Борел.
Тој додаде дека ЕУ и земјите кандидати соработуваат на полето на безбедноста и одбраната со цел подобро да се соочат со повеќе геополитички предизвици заедно. Борел изјави дека од идните земји-членки се бара да ги зајакнат своите демократски институции и да ги поддржат човековите права и основните слободи, додека ЕУ работи на нејзината реформа и денес се подготвува за „Унијата на утрешниот ден“.
Тој подвлече дека целта не е само за поголема ЕУ, туку и за посилна, „способна да ги зачува и проектира нашите заеднички вредности низ целиот свет“.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.