Македонија
Шахпаска: Целосната интеграција на Ромите е наш приоритет
Министерката за труд и социјална политика, Јагода Шахпаска, денеска оствари средба со раководителот на Канцеларијата за интеграција на Роми 2020 при Советот за регионална соработка, Орхан Усеин, и експертот за политики, Александра Бојаџиева, при што беше нагласена потребата од продолжување на натамошната соработка, со оглед на тоа што интеграцијата на Ромите е приоритет за Владата.
„Министерството за труд и социјална политика интензивно работи на интеграција на Ромите и останатите ранливи категории граѓани и тоа преку повеќе проекти кои значат директна поддршка за нив. За изградба на социјални станови наменети се 69 милиони евра, потоа во соработка меѓународни партнери обезбедени се 412 илјада евра за проектот за собирање и селектирање отпад, додека 25 милиони евра за Оперативниот план на активни програми и мерки за вработување во кој еден од принципите е инклузивност и диверзитет”, нагласи министерката Шахпаска.
Советот за регионална соработка веќе пет години го спроведува проектот Интеграција на Ромите, поддржан од страна на Европската Унија и Фондациjата Отворено општество.
Целта на овој проект е да се подобри состојбата на ромската заедница и да се премости јазот што постои помеѓу Ромите и останатото население.
„Покрај социјалното домување, програмата за формализација на неформалната работа е една од нашите најважни цели. Одлично е тоа што Република Северна Македонија сериозно се вложува во оваа насока, како преку Оперативниот план, така и преку Мечинг фондовите за претприемништво за Роми ”, оцени Орхан Усеин.
Двајцата соговорници констатираа дека од исклучително значење е да се вложува во развој на дигитални и ИТ-вештини кај Ромите, за да можат полесно и побрзо да стигнат до информации за предвидена помош, да се вклучат во бизнис-секторот, но и кога би имало можност да ги пренасочат своите бизниси во е-бизниси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Кога Лога сака да глуми заштитник на наводната независност на судските институции, да објасни врз основа на кои од двата отсто доверба во судството го темели овој заклучок
„Кога Кренар Лога ќе сака да глуми заштитник на наводната независност на судските институции добро е да објасни врз основа на кои од двата отсто доверба во судството го темели овој заклучок“, реагира ВМРО-ДПМНЕ на фејсбук објавата на министерот Кренар Лога.
„Зошто Лога не беше загрижен кога цело ДУИ и Зајас на Ахмети беше вграден во судскиот систем на државата?
Ислам Абази првиот човек на организиран криминал, Бурим Сејдини, претседателот на Управен суд и Али Ахмети, лидерот на интегративците се родум од кичевското село Зајас.
Претседателите на основните судови во Тетово и Кичево, Хасан Асани и Амдије Зенку се поранешни функционери и активисти на ДУИ. Во Врховниот суд е и Шпенд Деваја, сопругот на поранешната градоначалничка Теута Арифи.
Добрила Кацарска стана Уставен судија откако работата ја заврши со политичките прогони во основниот кривичен суд“, се додава во реакцијата на ВМРО-ДПМНЕ.
Македонија
„Остро ја осудуваме деградирачката реторика, ВМРО-ДПМНЕ да не се однесува како на изборна кампања“, реагира Лога
„Остро ја осудуваме деградирачката реторика на политичката партија која претендира да управува со оваа држава. Нападот врз независните институции е неприфатлив јазик за една земја членка на НАТО и земја која се наоѓа пред пристапување во Европската Унија“, реагира министерот за правда, Кренар Лога на соопштението на ВМРО-ДПМНЕ за претседателката на Уставен суд, Добрила Кацарска.
„Како министер и како министертво сме имале период на дебати и со претседателот и Уставниот суд воопшто, но во ниту еден момент тоа не било причина да се девалвира во јазик на омраза и лични квалификации кои потоа се манифестираат на улица и како закани кон носителите на јавни функции. Сè уште има одлуки на Уставниот суд за кои не делиме исти ставови, но во ниту еден момент истите не смеат да послужат како изговор за оспорување на тие пресуди и деградирачки коментари. Ја повикуваме политичката партија ВМРО-ДПМНЕ да се издигне на висината на задачата што ја чека, и да не се однесува како на изборна кампања. Патот на консолидирање на демократските институции поминува низ почитување од страна на партиите и релевантните институции“, се додава во реакцијата на министерот Лога.
Македонија
Водата во Куманово е исправна и може да се пие, извести Општински штаб за заштита и спасување
По извршениот инспекциски контролен надзор и по добиените резултати од ЦЈЗ – Куманово од испитаните примероци на вода, последователно од 25.05.2024, 26.05.2024 и 27.05.2024, констатирано е дека истите одговараат на законските и стручни прописи во однос на испитаните параметри, согласно Правилникот за безбедност на водата за пиење, издаденото Решение за забрана на водата за пиење е укинато.
„Со ова, ги известуваме граѓаните дека водата во целиот водоснабдителен систем е исправна и може да се користи и како вода за пиење“, извести Општински штаб за заштита и спасување на Куманово.