Македонија
Заев на Самитот за Запaден Балкан: Да за регионална соработка, но и за целосна европска интеграција
																								
												
												
											Премиерот Зоран Заев денес учествуваше на Самитот на земјите од Западен Балкан.
Самитот го отвори германската канцеларка, Ангела Меркел, која во своето обраќање се заблагодари на целиот регион, на политичките лидери, како и на сите меѓународни институции, Европската комисија и земјите членки на ЕУ кои го потпомагаа овој процес во изминатите седум години.
Покрај Заев, на Самитот говореа и премиерите од земјите членки на Западен Балкан, премиерите на Грција, Хрватска, Словенија, Италија, Бугарија како и францускиот претседател, Емануел Макрон и австрискиот канцелар, Себастијан Курц.
Премиерот Заев во своето обраќање посочи дека лидерите на земјите од Западен Балкан досега имале седум Самити на Берлинскиот процес и порача дека сите тие ја докажале и продлабочиле посветеноста за регионална соработка.
„За сите нас е несомнено јасно дека само со интегриран и поврзан регион може да се движиме постојано кон нашата основна цел – членство во ЕУ“, посочи Заев додавајќи дека регионот презел како товар многу иницијативи и процеси, но исто така испорачал и резултати.
Сепак, премиерот посочи дека за лидерите на земјите од регионот, проширувањето на ЕУ претставува стратешка цел.
„Без сомнение, целосната интеграција на Западен Балкан во европското семејство треба да биде природен исход на реформскиот пат на регионот и столб за долгорочен мир и стабилност. Се согласивме дека регионалната соработка е основен фактор, а не замена за Западен Балкан на нивниот пат кон членството во ЕУ“, нагласи Заев.
Според него, Берлинскиот процес успеал да го придвижи Западен Балкан во вистинската насока.
„Особено во врска со регионалната економска соработка. Во овој контекст, гледајќи наназад, кога пред две години решивме да ги намалиме цените на роамингот во регионот, никој не помислуваше дека ќе имаме регион со нула такси за роаминг. Овој историски успех дојде како резултат на долгите преговори, олеснети од Советот за регионална соработка и Европската Унија. Сега тоа е завршена работа. Ние сме регион без роаминг и им доставивме опипливи резултати, кои произлегуваат од заедничкиот регионален пазар, на нашите граѓани“, рече премиерот.
Тој истакна и дека целта е да се зголеми привлечноста на регионот за странските инвеститори и да се овозможи поголем прилив на инвестиции преку заедничко задржување на инвестициите.
„Со регионално усогласување на политиките за инвестиции и подобро координирана промоција на проценките, ќе им дадеме јаки страни на нашиот значителен потенцијал за економиите од Западен Балкан да ја зголемат нивната привлечност за странско директно инвестирање“, објасни Заев.
Тој изрази увереност дека сите 6 земји од Западен Балкан ќе останат целосно посветени на понатамошното спроведување на резултатите за овој Самит во секоја клучна област.
„Исто така, сакам да им оддадам почит на сите експерти и претставници од администрацијата од мојата земја, од сите други земји на Западен Балкан и од регионалните институции/секретаријати, кои се и ќе продолжат да бидат ангажирани во работните групи и преговарачки тимови во подготовката на документите и другите бенефити кои произлегуваат од овој самит. Сите тие завршија одлична работа и заслужуваат целосно признание“, кажа премиерот и нагласи дека иницијативите за унапредување на регионалната интеграција во согласност со стандардите на ЕУ ќе продлжат и со тоа, како што рече, ќе се направи пореално ЕУ-инклузивното проширување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Македонија
Без струја делови од Сопиште, Петровец и Гази Баба
														Од ЕВН Македонија АД известуваат дека денеска без електрична енергија ќе останат:
· од 08.00 до 14.00 часот, дел од корисниците од дел од с.Долно Соње.(Општина Сопиште)
· од 08.30 до 11.30 часот, корисниците од с. Горно, Средно и Долно Коњари. (Општина Петровец)
· од 08.30 до 11.30 часот, корисниците од с. Чифлик. (Општина Сопиште)
· од 08.30 до 11.30 часот, корисниците од с. Катлановска Сушица. (Општина Петровец)
· од 09.00 до 12.00 часот, корисниците од ул. Вера Вучкова Жежељ, во нас. Хиподром. (Општина Гази Баба)
Македонија
Променливо облачно со повремени локални врнежи од дожд
														Променливо облачно со повремени локални врнежи од дожд, особено претпладне. Ќе дува умерен, вдолж Повардарието засилен северен ветер. Минималната температура ќе биде во интервал од 6 до 11, а максималната ќе достигне од 10 до 16 степени.
Во Скопје, променливо облачно претпладне со повремен слаб дожд. Ќе дува умерен, повремено засилен ветер од северен правец. Минималната температура ќе се спушти до 10, а максималната ќе достигне до 14 степени.
Времето во наредните денови
Во среда и четврток ќе преовладува претежно стабилно време, а нови локални врнежи од дожд повторно се очекуваат во петок и во деновите од викендот.
Македонија
Во Битола по 67 пат одржана традиционалната Ноќна атлетска трка
														Во рамките на одбележувањето на 4 Ноември, денот на ослободувањето на Битола, на Широк Сокак се одржа традиционалната Ноќна атлетска трка, во организација на Сојузот на спортови на Битола, со поддршка на Општина Битола.
Оваа манифестација, која се одржува по 67-ми пат е најстарата спортска манифестација во Битола. Годинава учествуаа над 700 учесници, основци, средношколци, студенти, граѓани и ветерани. Натпреварите се одвиваа во 24 категории, во машка и женска конкуренција.
Дел од наградите на најдобрите натпреварувачи им додели градоначалникот на Општина Битола, Тони Коњановски, кој истакна дека манифестацијата претставува симбол на спортскиот дух и заедништвото на битолчани.
„Горд сум што во очи денот на ослободувањето на Битола можеме да ја прославиме спортската традиција на нашиот град. Ноќната трка е симбол на упорност, младост и љубов кон Битола. На сите учесници им честитам на храброста и ентузијазмот, а на победниците им посакувам уште многу успеси,“ рече Коњановски.

