Забава
Кан: Aктерката Леа Седу позитивнa на Ковид-19
Француската актерка Леа Седу може да го пропушти Канскиот филмски фестивал по позитивниот тест за Ковид-19.
Sвездата на Џејмс Бонд – која е двапати вакцинирана и асимптоматична – се појавува во четири филма на најпознатиот филмски фестивал во светот.
Настанот се одржува на француската ривиера, при што организаторите инсистираат на тоа дека имаат строги протоколи за да се избегнат инфекции.
Дури и да е така, кружат шпекулации за можен „кански кластер“.
Ваквите шпекулации силно беа демантирани од директорот на фестивалот Тиери Фремо.
„Вчера направивме повеќе од 3.000 тестови (на посетители на фестивалот) и немаме позитивни случаи”, рече тој во саботата. „Ние мора да го кажеме ова за да покажеме дека шпекулациите за канскиот кластер се неосновани “.
Седу (36) допрва требаше да пристигне на фестивалот кога откри дека има позитивен тест. Претставници на актерката велат дека таа ќе патува само доколку лекарите ѝ дадат зелено светло.
Сите четири филмови во кои глуми ќе се прикажуваат следната недела. Прв е „Францускиот диспечер“ на славниот американски режисер Вес Андерсон, кој беше неколку пати одложуван поради пандемијата, но светската премиера ќе ја има в понеделник.
Втор е Deception чија премиера е во вторниk, The Story of My Wife в среда и France на Бруно Думонт в четврток.
Француската актерка Леа Седу e добитничка на наградата за најдобра женска улога на Канскиот филмски фестивал во 2013 година, a позната e и како една од Бонд-девојките.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Камала Харис пиеше пиво во ТВ емисија
Ако Камала Харис победи на изборите во САД, едно е сигурно: таа ќе биде првиот претседател на Белата куќа по осум години која ужива во пиво, како што покажа во вторникот вечерта во забавната емисија кога подели шише пиво со водителот Стивен Колберт.
За разлика од претходните двајца станари на Белата куќа, заколнатите антиалкохоличари Доналд Трамп и Џо Бајден, демократската кандидатка призна дека понекогаш сака пиво.
Харис откри дека последен пат пиела пиво со сопругот Даг Емхоф за време на бејзбол натпревар.
Забава
2 милиони лајкови: Ријана позираше во оскудно издание, воодушеви од промената на имиџот
Ријана објави серија фотографии на Инстаграм на кои позира во оскудно издание за најновата кампања на нејзиниот бренд Savage x Fenty и Diesel и ги воодушеви фановите со промена на имиџот.
36-годишната пејачка позираше во црвена долна облека, а комбинацијата ја комплетираше со црвено здолниште и сина бунда.
Вниманието на обожавателите го привлече нејзината црвена боја на коса, која ја имаше во 2010 година, кога го издаде својот петти студиски албум наречен Loud.
Нејзината објава собра повеќе од 2,1 милиони лајкови за само 24 часа.
„Сензационално! Изгледаш совршено во црвено“, „Совршенство“, „Таа се надмина себеси“, „Немаш конкуренција“, се дел од коментарите на фановите.
Забава
Прогласена е за една од најубавите жени на светот, ретко кој се сеќава како изгледаше пред операциите
Бела Хадид беше прогласена од научниците пред неколку години за жена со најубаво лице на светот. Тие се воделе од теоријата на златниот пресек и ги анализирале и најмалите детали на лицето, како што се големината и положбата на усните, носот, брадата, образите и вилицата. Со пресметка заклучиле дека има совршени пропорции.
Оваа година таа беше меѓу првите 10 најубави жени според пресметките на британскиот пластичен хирург Џулијан Де Силва, кој го предводи Центарот за напредна козметичка и пластична хирургија на лицето во Лондон.
Деновиве таа се врати на модната писта по двегодишна пауза. Таа носеше ревија за Сен Лоран на модната недела во Париз, каде што беше претставена женската колекција за пролет/лето 2025 година Нејзиното враќање беше дочекано со ентузијазам.
Сепак, малкумина се сеќаваат како изгледала на почетокот на кариерата, кога сè уште не беше подложена на бројни пластични операции.