Свет
Сè поголем притисок врз невакцинираните војници и државни службеници во САД
Американскиот претседател, Џо Бајден, донесе серија мерки за поттикнување на вакцинацијата во САД, вклучително и задолжителна вакцинација за милиони федерални вработени, соопшти Белата куќа во четвртокот.
На федералните вработени кои не се вакцинирани нема да им биде дозволено да ги симнат маските дури и таму каде што циркулацијата на Ковид-19 е слаба и ќе мора редовно да прават тестови, еднаш или двапати неделно.
Тие исто така ќе бидат ограничени во патувањата, се вели во соопштението објавено пред говорот на американскиот претседател.
Ова е голем пресврт во политиката на администрацијата на Бајден, која досега ја отфрлаше секоја мисла за присилна вакцинација, повикувајќи се повеќе на личната одговорност на граѓаните и испраќајќи пораки за охрабрување.
Сојузната држава вработува 4 милиони луѓе, од кои 2 милиони се цивили.
Што се однесува до војската, американскиот претседател бара да размисли како и кога може да се додаде вакцината против Ковид-19 на листата на вакцини задолжителни за војниците.
Џо Бајден, исто така, ги повика локалните власти да плаќаат по сто долари на секој што ќе се вакцинира, за што ќе можат да ги искористат вонредните средства одвоени за борба против пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Валери Залужни назначен за амбасадор на Украина во Велика Британија
Поранешниот врховен командант на украинската армија Валериј Залужни денеска е назначен за украински амбасадор во Велика Британија.
Указот за назначување на Залужни беше потпишан од украинскиот претседател Зеленски, кој претходно во март објави дека ја прифатил неговата кандидатура за функцијата, пренесува UNIAN.
Зеленски на 8 февруари го разреши Залужни од позицијата врховен командант на вооружените сили, наведувајќи го неуспехот на летната офанзива и „стагнацијата“ на ситуацијата на фронтот.
Свет
Поради строгите мерки за штедење во Аргентина, индустриското производство нагло падна
Индустриското производство во Аргентина драстично падна во март, покажаа податоците на заводот за статистика INDEC, што ги одразува последиците од строгите мерки за штедење што ги спроведе новата влада на претседателот Хавиер Мајли.
Во март производството паднало 21,2 отсто во однос на истиот период лани.
Производството на мебел потона повеќе од 40 отсто, на електроника и алати речиси 43 отсто, а на метални производи и машини приближно 33 отсто. Производството на неметални минерали и основни метали е намалено речиси 35 отсто, а на автомобили и транспортни средства 25 отсто, покажуваат податоците на INDEC.
На месечно ниво производството се намали 6,3 отсто, најсилно од мај во пандемијата 2020 година, кога потонаа 26,2 отсто. Во првите три месеци од годината падна речиси 15 отсто на годишно ниво, објави заводот за статистика.
Свет
Две украински хидроцентрали онеспособени во руските напади
Две украински хидроцентрали се онеспособени кога руските вооружени сили ги нападнале, соопшти украинската компанија „Укрхидроенерго“.
„На 8 мај беше направена значителна штета на хидроцентралите. Две хидроцентрали беа онеспособени“, се вели во соопштението на каналот „Телеграм“ на компанијата.
Се додава дека хидроенергетското производство на Украина „претрпело огромни штети“ и дека поправката на уништената опрема ќе бара „голем напор и значителни финансиски средства“, пренесува украинската агенција „Унијан“.