Македонија
Активни повеќе пожари во Македонија, затворени се неколку патишта
Низ Македонија активни се неколку пожари, а на терен се силите на Армијата, противпожарни екипи, а помош дава и месното население.
Во продолжение интегрално го пренесуваме соопштението на Центарот за управување со кризи со состојбата со пожарите до 19 часот:
Штипски Регион
Пожарот кој започна на 2.8.2021 година во атарот на с.Нов Истевник, маало Пасјак сè уште и е во дијаметар од 15 км. До овој момент опожарена се околу 800 ха борова шума и нискостеблести растенија. Пожарот го зафати маалото Балабанци с.Нов Истевник, каде што зафати и 3 куќи, а истиот брзо се шири и ја зафати и Курачка Маала каде досега изгореа 3 плевни.
Поради големиот пожар регионалниот патен правец Делчево – Пехчево е затворен за сообраќај. Екипите за гасење пожар се на терен од раните утрински часови од 4:00 часот. Интервенираат 200 припадника на АРСМ; 25 вработени во ШС Голак – Делчево со 4 теренски возила; ТППЕ Делчево со 13 пожарникари, 2 цистерни и теренско возило; 5 припадника на Гранична полиција со 5 теренски возила; 3 припадника на ПС Делчево со 1 теренско возило; ЈПКД Брегалница со 10 вработени со 2 ровокапачи, теренско возило со 1 тон вода и 1 џип; РЦУК Делчево со 1 вработен, ТППЕ Македонска Каменица со 4 пожарникари со теренско возило; ЈП Камена река – Македонска Каменица со 10 вработени и 1 комби; и дел од ПП екипата од Р.Бугарија. Волонтери од Црвени Крст Делчево се на терен и доставуваат вода за пиење на ангажираните сили. Во гаснењето на пожарот ангажирани се и 4 хеликоптери.
На територијата на општина Пехчево, кај м.в.Бајаз Тепе сè уште е активен и се шири кон селата Робово, Умлена и Чифлик. Поради силината на ветерот пожарот го префрли регионалниот пат Берово – Делчево и се движи накај селото Црник. Патниот правец е забранет за движење. Опожарена е високостеблеста дабова и борова шума, нискостеблести растенија, смрека, стрништа и пасишта. Интервенираат хеликоптери, 100 припадници на АРСМ, 20 Ренџери, дел од екипата од Р Бугарија; ШС Равна Река – Пехчево со 30 вработени со 2 теренски возила со цистерни и 4 возила за превоз; ШС Малешево – Берово со 15 вработени со 2 теренски возила со цистерни и 2 теренски возила за превоз; ТППЕ Берово со 3 ПП возила и 7 пожарникари; ТППЕ Скопје, Штип и Струмица со по 2 пожарникари со 1 ПП возило; ДЗС со 1 теренско возило со цистерна и 4 вработени; РЦУК Берово со 1 вработен; ЕВН со 6 теренски возила за превоз; 35 луѓе од месното население; Како и ПП екипите од Словенија кои се распоредени во атарите на селата Црник и Негрево.
Во 15:10 часот пожар на отворен простор помеѓу с.Тработивиште – с.Вирче. м.в.Дштица, каде што гори бор и бука. Интервенира ТППЕ Делчево со 1 теренско возило и 2 пожарникари.
Во 15:15 часот пожар во атарот на с.Дулица е пријавен пожар на отворен простор каде што горело сува трева и каде интервенираат ТППЕ Македонска Каменица со 1 ПП возило и 2 пожарникари.
Пожарот на потегот Костин Дол – Ново Село (опш.Кочани и опш.Македонска Каменица) е под контрола.
Интервенирале ТППЕ Кочани со 15 пожарникари; ШС Осогово – Кочани со 10 вработени; Водостопанство – Кочани со 20 луѓе; и МЗШВ со 5 лица. На терен останала екипа од ШС Осогово.
Струмички Регион
Пожарот кај м.в.Погана, кој започна на 1.8.2021 година е со намален интензитет, односно нема активно горење. Досега опожарени се околу 1.300 ха ниско стеблеста шума (даб, габер, прнар, јасен). Денес до околу 12:00 часот беше спласнат, но со појавата на посилен ветер се прошири према Богданци, непосредно пред ветерниците е активен и посилен и критично за еден дел од зимзелена шума, како ветерниците.
На останатиот терен према населените места Балинци и Брајковци е локализиран. На терен интервенираат: ТППЕ Валандово со 2 ПП возила и 7 пожарникари; ШС Саланџак – Валандово со 14 вработени; ПО ДЗС Валандово со 7 припадника; АРСМ со 30 припадника; ЕВН Битола со 7 вработени, едно теренско возило и 1 цистерна и Здружение од Битола со 9 припадника. Има и 2 трактора за пренос на храна и вода за учесниците во пожарот.
Поради новонастанатата ситуација и активирање на пожарот во непосредна близина кај ветерниците ќе има потреба и за утрeшниот ден помош од армијата и други сили.
Битолски Регион
Во општина Прилеп, пожарот во атарот на с.Ракле – с.Никодин – с.Топлица е активен со јак интензитет. Од с.Ракле евакуирани се две неподвижни стари лица и префрлени во својот дом во Прилеп. Интервенцијата ја спроведе екипа од МВР ПС Прилеп со возило на ПС Прилеп.
Во с.Ракле останати се уште 5 лица од месно население, а интервенираат 7 од ТППЕ Прилеп и 10 лица од месно население.
Пожар на потегот Дрен – Смолани (опш.Прилеп) со кој гори сува трева, смрека, чолија и лисната постелка е со јак интензитет. На истиот локалитет има и еден приземен пожар на м.в.Мањов Дол, каде што гори нискостеблеста дабова шума.
Интервенираат 3 пожарникари на ТППЕ Прилеп и 2 лица од месно население, како и 7 работници на ШС Црн Бор Прилеп.
На пожарите повлечени се припадниците на АРСМ.
За во 18:30 часот свикан е кризниот штаб на ЕЛС Прилеп, а од страна на градоначалникот на ЕЛС Прилеп добиено е и барање за воздушна и армиска подршка.
ТППЕ Прилеп известува дека во 15:50 часот интервенираат на запалена сува трева кај с.Тополчани.
Од 16:25 часот ТППЕ Прилеп интервенира за пожар во пазарот во Прилеп каде што се продава текстил.
ТППЕ Битола, од 12:30 до 14:00 часот, со 3 пожарникари и 1 ПП возило гаснеле запалена сува трева кај с.Жабени.
Во пожарот бил зафатен и еден помошен објект.
Од 11:35 до 13:30 часот, имало пожар на запалена сува трева и отпад од ѓубре на излезот од с.Светомитрани спрема с.Пресил. Интервенирале 3 пожарникари со 1 ПП возило од ТППЕ Крушево, 2 вработени со 1 возило од ЈП „Липа“ Крушево и 2 полицајци со 1 возило. Зафатена површина од 0,02 ха.
Во атарот на с.Лешани (опш.Дебарца) појавен е шумски пожар, на кој се упатени екипи на ШС „Галичица“ Охрид,
ТППЕ Охрид и ЕЛС Дебарца.
Пожарот во атарот на с.Девич (опш.Македонски Брод), во 18:00 часот на ден 4.8.2021 година е ставен под контрола. Од утрово на терен се ТППЕ Македонски Брод со 4 пожарникари и 5 вработени од ШС Македонски Брод заради контрола на просторот.
Тетовски Регион
Пожар на сува трева на локација од с.Реовиќ (опш.Сарај) во правец кон с.Мерово (опш.Желино). За пожарот се известени ШС Лешница –Тетово и ПС Групчин.
ТППЕ Тетово привршуваат со интервенцијата кај фабриката Леар, а дополнително имаат екипа на интервенција кај с.Пирок (опш.Боговиње) за запалена сува трева.
Исто така има и падната електрична бандера во село Боговиње за што се известени ЕВН Македонија и ПС
Боговиње, а на неколку наврати интервенираат и за паднати дрва како последица од силниот ветер.
Паднати дрва на повеќе локации во општините Брвеница, Јегуновце ,Боговиње и Тетово.
До 17:05 часот имало пожар на сува трева во с.Теново (опш.Брвеница) каде што интервенирале просторни сили од ЕЛС Брвеница со механизација од цистерна од 6 тони, два багери и 12 лица од просторни сили од општината, како и 2 жители на село Радиовце. Пожарот е локализиран.
Во општина Гостивар, до 16:30 часот во регион засега има пријавено шумски пожари во село Куново во 15:50 часот, каде е е упатена екипа на ШС „Шар“ Гостивар, а известени се и ТППЕ Гостивар.
Исто така повторно е активиран пожарот кај Пожаране во 15:45 часот, за кој известени се ЈП Македонски шуми Шар Гостивар и ТППЕ Гостивар.
Кумановски Регион
ТППЕ Куманово со 4 пожарникари и 1 ПП возило, од 7:00 часот интервенираат на запалена сува трева во атарот на с.Јачинце.
Од градоначалникот на Општина Куманово побарано е ангажирање на војската за гаснење на пожарите кои се на 8 нови локации и тоа кај селата Зубовце, Сопот, Четирце, Нагоричане, Зебрњак, Лојане, Орашац и Долно Довезенце.
ТППЕ Старо Нагоричане известува дека во атарот на с.Жељудино испратени се 6 пожарникари со 1 ПП возило и 2 теренски возила, 10 вработени во ШС Куманово со 2 теренски возила и 4 граѓани.
Во општина Ранковце – Крива Паланка, од страна на ЕЛС Ранковце, доставено е барање за употреба на хеликоптер и војска за гаснење на пожар на територијата кај с.Гулинци кое е отсечено од пат (патиштата се ураснати со нискостеблеста шума и однесени од дождови и е непристапно за противпожарни возила на ТППЕ Ранковце). Според барањето пожарот претставува опасност да се прошири во останатите села како Пклиште, Отошница, Станча во општина Ранковце и Дренок, Осиче и Дејлповце од општина Старо Нагоричане кои исто така се отсечени од пристапни патишта од кај страната на општина Ранковце.
Во 15:52 часот од ТППЕ Ранковце известиле дека екипа од ТППЕ Ранковце ќе излезе на терен во с.Гулинци поради проверка на состојбата со пријавениот пожар од Градоначалникот на Општината.
Велешки Регион
Во општина Кавадарци има пожар во шума на м.в.Свети Петре, помеѓу селата Мрежичко и Рожден. Гори мешана нискостеблеста шума од даб и јасен. Интервенираат ТППЕ Кавадарци со 4 пожарникари и 1 ПП возило, ШС „Бор“ Кавадарци со 5 вработени и 1 возило и Еуро Никел со 7 вработени и 2 возила. Теренот е каменит и непристапен и дува силен ветер. Изгорена површина до пристигнување на екипите е околу 10 до 15 декари.
Во општина Росоман, од 13:25 до 15:55 часот, во близина на с.Сирково имало пожар на сува трева и грмушки. Интервенирале ТППЕ Кавадарци со 3 пожарникари и 1 ПП возило.
Во општина Свети Николе, од 16:15 часот има пожар на Богословски Рид, каде што гори сува трева. Интервенираат ТППЕ Свети Николе со 11пожарникари со 2 ПП возила и 2 ПП возила од ДППД Свети Николе.
Скопски Регион
На територијата на Град Скопје има 18 активни пожари од кои повеќето помали интервенции за запалена сува трева и ѓубриште со помал ризик.
Покрај овие регистрирани се и следните пожари:
БППЗ известува за пожар во реонот Буковиќ – Раовиќ (опш.Сарај) кој е од поголеми размери. Интервенираат БППЗ, но истите бараат помош во луѓе од АРСМ.
Помеѓу с.Добри Дол и с.Ракотинци на поголема неутврдена површина гори сува трева и нискостеблеста шума. На пожарот интервенира екипа на БППЗ.
Во 16:30 часот на бул.Борис Трајковски на главен влез на „Охис“ има пожар каде што гори сува трева и интервенира БППЗ со 3 ПП возила.
За сите пожари известена е и ШС Караџица.
Локализирани се следните пожари:
Село Кучково кон село Горно Свиларе, каде на неутврдена површина гори сува трева и нискостеблеста шума.
Село Горно Блаце каде на неутврдена површина гори сува трева и нискостеблеста шума со тенденција да се прошири кон повисоката шума.
Од 16:55 часот, пожар во с.Долно Соње – Скопје, пат кон с.Брзовец, каде што се опожарени сува трева и фолии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ѓорѓиевски: Ќе го завршиме булеварот Борис Трајковски до Драчево
Орце Ѓорѓиевски, кандидат за градоначалник на Град Скопје од ВМРО-ДПМНЕ, се обрати од денешниот народен митинг одржан во Кисела Вода во рамки на изборната кампања со слоган ,,Вистинскиот избор! Твојот човек! Твоето место! За твојата иднина!“, за претстојните локални избори закажани на 19 октомври годинава. Ѓорѓиевски ја претстави својата визија за зелено и модерно Скопје, а наброи и клучни инфраструктурни проекти, решенија за еколошките проблеми со кои градот се соочува, подобрување на јавните претпријатија. Според него, успехот на Кисела Вода е модел што треба да се пренесе.
,,Кисела Вода конечно е добриот пример во Скопје. Доказ дека кога се работи чесно, посветено и од срце, резултатите се тука, видливи за сите! И токму тој доказ, таа наша заедничка победа, е причината зошто стојам денес пред вас. Затоа што моделот на работа, енергија и чесност од Кисела Вода, мора да го пренесеме во цело наше Скопје. Она што го направивме овде, во нашето маало, можеме и мораме да го направиме за целиот наш град. Скопје заслужува да биде водено со љубов, со план и со визија“, вели Ѓорѓиевски.
Тој истакна дека ќе го заврши проширувањето на булеварот „Борис Трајковски“, ќе го реши проблемот со Усјанскиот канал, ќе изгради нова катна гаража на Есенинова, ќе ја создаде најголемата Градска шума во Расадник, општина Кисела Вода.
,,Конечно ќе го завршиме проширувањето на булеварот „Борис Трајковски“ сè до Драчево. Ставаме крај на гужвите и тесните грла еднаш засекогаш. Ќе го решиме и деценискиот проблем со Усјанскиот канал, со негова целосна реконструкција и покривање! Нема повеќе ризици по здравјето на нашите граѓани и поплавени домови како што беше тоа во минатото“, рече Ѓорѓиевски и додаде:
,,Ќе ги поврземе населбите и ќе го олесниме движењето со пробивање на улицата „Есенинова“. Ќе изградиме нова модерна катна гаража на Есенинова за да го решиме проблемот со паркирањето таму. И најважно, нашиот завет кон вас: во Расадник, ќе ја изградиме најголемата Градска шума, мега парк во урбаниот дел на Скопје. Ќе создадеме нови бели дробови за целиот град, токму овде, во срцето на наша. Кисела Вода“.
Ѓорѓиевски додека дека визијата е за поврзано, зелено и модерно Скопје, без сообраќајни проблеми, чист воздух, реформирани јавни претпријатија и обновени културни објекти, со цел Скопје повторно да заживее.
,,Ова, пријатели, е нашата визија. Визија за поврзано, зелено и модерно Скопје. Град со функционален сообраќај, каде ќе ги завршиме сите заглавени проекти како клучката Момин Поток и ќе изградиме нови артерии како булеварите „Хрватска“, „Цветан Димов“ и подземната сообраќајница кај „Лимак“. Град со чист воздух, каде ќе воведеме целосен план за чист воздух, а депонијата Дрисла ќе ја претвориме од еколошка бомба во современ европски центар за третман на отпадот. Град со ред и поредок, каде јавните претпријатија ќе бидат реформирани за да му служат на народот, а не на партиските интереси. Ќе воведеме комунален ред за да го вратиме сјајот на сите наши улици. Град кој се грижи за својата култура, каде конечно ќе ја вратиме во живот Универзалната сала и киното Милениум“, заклучи Ѓорѓиевски.
Македонија
Лабудовиќ: Во Центар формираме големо семејство, заедно ќе го вратиме животот во нашето Скопје
Петнаесет месеци, ВМРО-ДПМНЕ и ЗНАМ ја водат државата и покажавме дека може поинаку. Кога ја формиравме владата, формиравме семејство. Семејство што го темелиме и негуваме со вистински вредности. Семејство што расте со доверба, со посветеност и со верба дека Македонија заслужува повеќе, им се обрати вечерва на присутните пред Куќата на Мајка Тереза, кандидатот за градоначалник за Центар, Мирослав Лабудовиќ, на митингот што го органзираше коалицскиот партнер ВМРО-ДПМНЕ, а на кој беа претставени кандидатите за советници од оваа партија.
Вечерва, рече Лабудовиќ овде во Центар, формираме уште едно големо семејство. Едно големо срце, едно заедништво, едно чувство дека заедно можеме да го вратиме животот, топлината и гордоста на нашите улици, на нашите маала, на нашето Скопје. Покажавме дека кога има љубов кон народот и чесна намера, може да се работи со срце.
Тој упати посебен поздрав до премиерот Христијан Мицкоски и лидерот на Движењето ЗНАМ – Максим Димитриевски, како што рече, личности кои ја вратиле довербата и надежта кај народот и се негова лична инспирација, за чесност, храброст и доследност.
Лабудовиќ упати поздрави и до, како што го нарече, идниот градоначалник на Скопје Орце Ѓорѓиевски.
Зборувајќи за општината во изминатиот период тој упати серија критики кон актуелниот градоначалник Горан Герасимовски.
„Ветуваше ред, а донесе хаос. Ветуваше нови вредности, а работеше по старите шеми.
Во четири години издаде речиси триста дозволи за градба, а не направи ниту еден нов парк. Триста згради никнаа, ниту едно дрво не засади. Триста нови проблеми создаде, ниту еден не реши. Дебар Маало, Буњаковец, Капиштец – некогаш маала со душа и песна, денес загушени во прашина, бетон и апатија. Го изгубивме воздухот, го изгубивме зеленилото, го изгубивме човекот. Центар го претворија во паркинг за интереси и во полигон за блиски фирми“, потенцираше кандидатот за градоначанилник на Движењето ЗНАМ за Центар.
Лабудовиќ ја најави својата визија за тоа што ќе работи во идните четири годни, откако ќе застане на чело на општината.
„ Мојата визија е едноставна – Центар што дише. Центар каде мајките шетаат спокојно со своите деца, каде старите луѓе седат на клупа и зборуваат дека конечно некој направил нешто за нив, не за себе. Центар каде што културата ќе се врати на улиците, каде што училиштата ќе светат, каде младите ќе имаат причина да останат, не да си заминуваат.
Центар со катни гаражи, со smart паркинг систем, со чисти тротоари и осветлени улици. Центар што ќе го почитува секој граѓанин, не само партискиот пријател.
Знам дека го можеме тоа.
Знам дека со љубов, работа и искреност, Центар повторно ќе стане срце на Скопје – гордо, живо и достоинствено срце. Но за тоа ми треба вашата сила.
Вашиот глас, вашата верба, вашата енергија. Да покажеме дека Центар не е на оние што го узурпираа, туку на оние што го сакаат. Да покажеме дека Центар има свои луѓе, дека Центар знае да каже – доста беше“, порача Лабудовиќ од митингот.
Македонија
Сиљановска-Давкова на средба со судии на Уставниот суд на Косово и судии на македонскиот Уставен суд: разменети експертски мислења
Претседателката Гордана Сиљановска-Давкова денеска ги прими претседателот на Уставниот суд на Република Косово, Неџми Реџепи и уставните судии Јетон Битиќи, Енвер Пеци, Ремзије Истрефи-Пеци, Бајрам Љатифи, Сафет Хоџа и Ветон Дуља, кои се во посета на македонскиот Уставен суд, придружувани од нивните македонски домаќини, претседателот на македонскиот Уставен суд, Дарко Костадиновски и судијката Ана Павлова- Данева.
На средбата, уставните судии ја запознаа со континуираната и плодна соработка на косовскиот и македонскиот уставен суд, денеска крунисана со потпишување на Меморандум за разбирање.
Посетата помина во размена на експертски мислења за современата улога на уставните судови во развојот на косовската и македонската демократија, за компаративното искуство, за научените лекции, како и за уставно-судските предизвици со коишто се соочени двата суда.
Судиите од Косово ја запознаа претседателката со работењето на судот во изминативе 16 години, потенцирајќи ја неговата клучна улога во заштитата на уставноста и законитоста, човековите слободи и права, поделбата на власта, фер и демократските избори. Според нив, врзаноста на Уставниот суд на Косово за директната примена на Европската конвенција за човекови права и судската пракса на Европскиот суд за човекови права, му дава европски карактер, заради отвореноста и заснованоста врз општопознатите меѓународни стандарди и можноста за широка интерпретација на правото. Тие посебно се осврнаа на судската пракса насочена кон гарантирање на родовата еднаквост, во духот на Истанбулската конвенција.
Претседателот Дарко Костадиновски ги презентираше досегашните чекори во соработката, оценувајќи ја како исклучително важна, а судијката, Ана Павлова- Данева изрази став дека релативно кусото косовско уставно-судско искуство, за разлика од долгото македонско искуство, чиј почеток е во 1963 година, не е хендикеп, туку е предност, заради заснованоста на најдобрите уставно-правни практики.
Сиљановска-Давкова, високо ја оцени работата на косовскиот Уставен суд, којшто иако е најмлад во регионот, одигра важна улога во заштитата на Уставот, законите и човековите слободи и права. Таа изрази посебен интерес за уставната пракса поврзана со широката надлежност на судот, во која е вклучена и обврската на претседателот на собранието да го достави амандманот до Уставниот суд , пред да биде усвоен во собранието; оценката на изборите и референдумите, како и на одлуките за вонредна состојба и уредбите со законска сила. Исто така, за неа е позитивно решението со кое во кругот на овластени иницијатори на уставно-судска постапка се вклучени граѓаните, со нивното право да покренат уставна тужба. И уставно загарантираната контрола на одлуките за воведување на вонредна состојба и уредбите со законска сила, е голем демократски чекор, што, за жал, не се случи кај нас по завршувањето на Ковид кризата.
Укажувајќи дека уставната правда е темел на правниот поредок, таа ја истакна потребата од продлабочување на комуникацијата меѓу двата суда, но и нужноста од регионалната уставно- судска соработка, заради унапредување на уставно-судската пракса, подобрувањето на ефикасноста на уставната контрола, како и градење институционална независност преку отпорност на политички влијанија.
На средбата беа разменети мислења и за политиката на проширување на Европската Унија, за македонскиот евроинтеграциски пат низ призма на конститутивните документи на ЕУ, како и за последиците од билатерализација на евроинтеграциите во регионален контекст.
Судиите мора да судат според законот а не според партиски влијанија, време е за ресет на системот, порача Мицкоски
Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во општина Илинден, во рамки на изборната...
(Видео) Трамп: Ја завршивме војната во Газа
Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат...
Владата усвои измени: Се укинува ослободувањето од ДДВ за онлајн пратки во вредност до 22 евра
Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања...
(Фото) Реализирано првото гаѓање со новата артилериска опрема ,,Боран’’ на АП Криволак
Денеска министерот за одбрана, Владо Мисајловски присуствуваше на армискиот полигон „Криволак“ каде беше извршено првото артилериското гаѓање со новите системи...
Нова истрага за злоупотреби во РЕК Битола против осум физички и едно правно лице
Основното јавно обвинителство Битола донесе Наредба за спроведување истражна постапка против осум физички и едно правно лице за продолжени кривични...
(Видео) „Избери време и место, избери и новинари, донеси и публика, излези да се соочиме, јас ќе дојдам сам“, му порача Максим Димитриевски на Филипче
Лидерот на Движењето ЗНАМ – за наша Македонија Максим Димитриевски денеска возврати на синоќешната изјава на лидерот на опозицијата Венко...
(Фото) Кривична пријава против две лица за криумчарење мобилни телефони „Ајфон“, случајот откриен на Ново Село
Поднесена кривична пријава против две лица за сторено кривично дело „криумчарење“ мобилни телефони „Ајфон“ во вредност од 355 илјади денари....
Ѓорѓиевски ја вети подземната кај „Лимак“ што ја ветуваа и Арсовска, Шилегов и Трајановски: Ќе ја смени сообраќајната иднина на градот
Проектот за подземната сообраќајница кај„Лимак“ не е само дел од мојата програма туку е вистински пресврт за централното градско подрачје,...
М-НАВ: Македонското небо не смее да се „затвори’“
Менаџерскиот тим на М-НАВ во денешното соопштение до јавноста реагира околу најавите за штрајк и „затворањето на небото“ на 20...
Искршен штаб на СДСМ во Градско, партијата бара Тошковски веднаш да постапи
Синоќа се искршени стаклата на изборниот штаб на СДСМ во Градско. Според партијата, овој насилнички и вандалски чин го покажува...
Едно лице избодено со нож пред стоковна куќа „Мост“ во Скопје, напаѓачот е уапсен
Едно лице е избодено со нож пред поранешната стоковна куќа „Мост“ во Скопје, а полицијата го уапси напаѓачот. Според информациите...
Трамп за договорот за војната во Газа: Неверојатно е, целиот свет се обедини
Претседателот на САД, Доналд Трамп, изјави дека Иран би можел да биде дел од поширок мировен договор на Блискиот Исток...
УНИЦЕФ: Светот ги изневери Палестинците, 20.000 деца се убиени
По објавувањето на првата фаза од прекинот на огнот меѓу Израел и Хамас, во Газа владееше огромно чувство на радост...
Светските лидери му се заблагодаруваат на Трамп за договорот меѓу Хамас и Израел
Светските лидери го поздравија договорот за прекин на огнот меѓу Израел и Хамас, објавен од американскиот претседател Доналд Трамп. Еве...
Израел и Хамас се согласија за прекин на огнот во Газа
Израел и Хамас се согласија за првата фаза од планот на американскиот претседател Доналд Трамп за Газа, договор за прекин...
Филипче до Димитриевски: Со предавници на социјадемократската идеја не дебатирам
Претседателот на СДСМ, Венко Филипче, на трибината „Се бориме за нашиот дом“ од Прилеп, му одговори на Максим Димитриевски. „Слушам...
Мицкоски: Венко и Стевчо тајно во седиштето на СДСМ премерувале како да обезбедат 2.000 гласа за Јакимовски од СДСМ
На денешниот митинг во Карпош во рамките на изборната кампања за локалните избори 2025 година со слоган „Вистинскиот избор! Твојот...
Уапсена сопругата на докторот кој беше застрелан во Куманово, била вмешана во обидот за неговото убиство
Полицијата ја уапси сопругата на докторот кој беше застрелан вчера во Куманово. Тој со повреди беше пренесен во болница, но...
Евакуации во објектите околу плоштадот „ВМРО“ поради куфер оставен на плочникот, полицијата утврди дека е празен
Обезбедувањето на Јавното претпријатие за државни патишта пријавило во полиција дека две лица денес оставиле куфер на плочникот пред нивниот...
(Видео) Филипче до Мицкоски: Или сфати дека си избран да ја водиш државата или да си одиш
Претседателот на СДСМ, Венко Филипче, одговарајќи на новинарско прашање во врска со изјавите на премиерот Мицкоски, порача дека премиерот треба...
