Македонија
(Видео) Арсовски: Заев по секоја цена сака да се изгласа Законот за марихуана
Зоран Заев свесен дека ја губи власта и дека ќе биде сменет, повторно почна со личните фамилијарни агенди на нарко-картелот Заеви, обвини денеска портпаролот на ВМРО-ДПМНЕ, Димче Арсовски.
Според него, премиерот веќе и самиот е убеден дека неговата партија ќе ги изгуби локалните избори, па сега по секоја цена со европско знаменце сака во Собранието да го изгласа Законот за марихуана.
„Предложен пред само неколку дена од страна на Владата, нормално од најверниот претставик кој го брани до крај криминалот на Зоран Заев и власта, Венко Филипче, како ресорен министер на министерството за здравство.
По ниту едно поглавје, по ниту еден критериум и интерес на европското семејство и ЕУ не може да се стави овој закон за марихуана или канабис да биде изгласан со европско знаменце.
Тоа е закон кој е единствено од интерес на нарко-мафијата, односно на картелот Заеви кои ја предводат таа мафија.
Тоа е закон кој треба да го легализира она за кое што е уапсен шоферот на Трајче Заев и командирот на прилепската полиција, кои беа уапсени за шверц на марихуана. Овој закон треба да го легализира тоа и овие луѓе да бидат на слобода“, посочи Арсовски и порача дека ВМРО-ДПМНЕ ќе остане одлучна до крај и нема да го прифати овој закон кој е само инструмент за лично богатење на Зоран Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на патниот правец Битола – Демир Хисар
Во 19.35 часот сообраќајот на патниот правец Р1305 Битола – Демир Хисар е нормализиран, извести АМСМ.
Од 18:50 часот поради случена сообраќајна незгода, беше во прекин сообраќајот на Р1305 Битола – Демир Хисар, во двата правци.
Македонија
Поради несреќа, прекин на сообраќајот на патниот правец Битола – Демир Хисар
Од 18:50 часот поради случена сообраќајна незгода, во прекин е сообраќајот на Р1305 Битола – Демир Хисар, во двата правци, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Централниот одбор на ЛДП ќе ги разгледува настапот и резултатите на изборите
Либерално-демократската партија извести дека вечерва ќе се одржи седница на Централниот одбор.
„Како одговорна партија, ЛДП, веднаш по конечното завршување на парламентарните избори ќе го разгледува предлог извештајот за подготовките, настапот и резултатите на Либерално-демкратската партија за претседателските и за парламентарните избори 2024 година.
Анализата за натамошното дејствување ќе ја прават членовите и партиското раководство во сите општински организации во наредниот период.
За извештајот, анализата и сите одлуки, јавноста ќе биде навремено и транспарентно информирана“, соопшти партијата.