Свет
Стигна налог авганистанскиот воздушен простор да се избегнува за меѓународни летови
Авганистанската агенција за цивилно воздухопловство (АЦАА) на својата веб-страница објави дека воздушниот простор во Кабул е препуштен на војската и дека се препорачува пренасочување за авионите во транзит.
„Јунајтед ерлајнс“, „Бритиш ервејс“ и „Вирџин Атлантик“ веќе престанаа да го користат авганистанскиот воздушен простор откако бунтовниците ја окупираа претседателската палата во Кабул, додека силите предводени од САД заминаа, а западните земји се обидуваат да ги евакуираат своите граѓани.
„Луфтханза“ соопшти дека нејзините авиони веднаш почнале да го избегнуваат авганистанскиот воздушен простор.
„Сите компании на групацијата Луфтханза ги суспендираат прелетувањата над Авганистан до понатамошно известување“, соопшти портпаролот на компанијата.
AЦAA посочи дека транзитите низ воздушниот простор на Кабул нема да бидат контролирани.
Веб-страницата за следење летови FlightRadar24 објави на „Твитер“ дека летот на „Ер Индија“ од Чикаго до Делхи го сменил правецот и излегол од авганистанскиот воздушен простор набргу по влегувањето, додека летот на „Тера Авиј“ од Баку до Делхи исто така е пренасочен.
Авиокомпаниите и владите почнаа да посветуваат поголемо внимание на ризиците од летање над конфликтните зони во последниве години по два смртоносни инциденти со ракети земја-воздух кога во 2014 година над источна Украина беше соборен авион на „Малезија ерлајнс“, а во 2020 година иранската војска собори авион на „Украина интернешнл ерлајнс“.
Во двата случаја загинаа сите патници и членови на екипажот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.