Забава
Мајк Ричардс го напушта квизот „Џепарди“по реакциите за навредливи коментари дадени во минатото
Мајк Ричардс во петокот соопшти дека повеќе нема да биде водител на култниот ТВ-квиз „Џепарди!“ среде реакции за навредливи коментари што ги дал во минатото.
Претходно овој месец Ричардс, извршен продуцент на најпопуларниот американски квиз, беше назначен да го замени легендарниот водител Алекс Требек, кој почина во 2020 година по повеќе од три децении во квизот.
„Болно е што овие минати инциденти и коментари фрлија сенка врз ‘Џепарди’ во период кога започнуваме ново поглавје”, вели Ричардс во интерна белешка до вработените, до која дојде агенцијата „Ројтерс“.
Ричардс наведува дека ќе поднесе оставка, која ќе стапи во сила веднаш. Телевизијата „Сони пикчрс“, продуцент на квизот, ќе ја продолжи потрагата по постојан водител, а во меѓувреме ќе ги врати гостинските водители да продолжат со продукцијата на новата сезона, се вели во соопштението на Ричардс.
Претходно минатата недела омаловажувачки и сексистички коментари на Ричардс кога бил водител на поткастот The Randumb Show (2013-2014), се појавија во напис на интернет-публикацијата The Ringer.
„Сакам да му се извинам на секој од вас за несаканото негативно внимание што предизвика конфузија и доцнења”, напиша Ричардс во писмото. Свесен сум дека ми претстои многу работа за да ја вратам вашата доверба.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Никола Роквиќ Велигден го помина во Македонија, се огласи на 14. ден од подвигот
Српскиот пејач Никола Роквиќ веќе 14 дена патува пеш до Грција. Крајната дестинација на пејачот е манастирот Нектариј Егински, каде пејачот ќе се поклони и ќе го заврши подвигот кој го почна за хуманитарни цели.
Никола Велигден го помина во Македонија. Пејачот веќе објави фотографии и видеа на кои покажа како е пречекан во Куманово и Свети Николе.
„Стигнав на денешната дестинација. Голема радост е со мене, на местото Свети Николе, во храмот Свети Никола. Нашите драги домаќини ми кажаа дека ова место е токму местото каде што св. Никола му го вратил видот на Стефан Дечански. Вечерва овде ќе го славиме Велигден, многу сум среќен“, рече Никола.
Забава
Марко Новески објави прва фотка со близначињата: „Мојата дупла среќичка“
Водителот Марко Новески на својот Инстаграм профил објави прва фотографија со новородените близначиња Веда и Вања.
Новески, на 23 април 2024 откри дека заедно со сопругата станале родители и тогаш на неа и се заблагодари на сопругата што му го остварила најголемиот сон.
View this post on Instagram
10-тина дена по раѓањето, Марко објави фотографија, а во прегратка му се двете дечиња.
„Мојата дупла среќичка“, напиша тој,
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.