Македонија
Љупчо Јаневски кандидат за градоначалник на ДОМ и ЛДП за општина Ѓорче Петров
Граѓанското движење на ДОМ и ЛДП денеска во паркот во општината Ѓорче Петров го претстави кандидатот за градоначалник, д-р Љупчо Јаневски.
Целта на граѓанското движење е, како што велат од таму, општините да ги направи вистински дом на сите луѓе.
„Нашата визија е за оддежлив зелен развој на секоја општина, ставајќи крај на бетонизирањето на јавниот простор. Нам ни е потребен чист воздух, чиста вода за здрав и квалитетен живот“, истакна претседателката на зелената партија ДОМ, Маја Морачанин.
Јаневски нагласи дека како кандидат за градоначалник на Ѓорче Петров нуди програма за прва зелена општина во нашата земја.
Како што кажа тој, дел од Зелениот план за Ѓорче содржи:
– урбано хумано планирање
– три нови паркови
– паркови за домашни миленичиња
– велосипедски паркинзи
– велосипедски патеки
– инвестиции во зелена економија
– дигитализација на општината
– хоризонтални зелени sидови
– мерни станици за аерозагадување
– отворена општина за младите
– развој на руралниот туризам
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарни, гласале и за претседател, вели претседателот на ДИК, Александар Даштевски.
„На неколку места се појавени технички проблеми, кои во меѓувреме се решаваат, таму гласањето ќе продолжи на стар начин со УВ ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, во Куманово, во Тетово и во Гази Баба.
Како што дополнува, има доставено и 15 приговори за избирачко право, и само три од нив се одбиени.
Во однос на излезноста на парламентарните избори, до 9:00 часот, по обработени податоци од 1033 изборни места, гласале 4,45%. Според податоците на ДИК, најголема излезност има во Пробиштип, а најмала излезност за парламентарните избори има во Боговиње (1,43%).
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавците не треба да извршуваат дејност со исклучок на оние каде што работните процесите поради својата природа не може да се прекинат.
Поради првиот круг од претседателските избори, неработен беше и 24 април. Според одлуката на техничката Влада, двата неработни дена нема да се одработуваат.