Македонија
„Екосвест“ со анализа: Системот на субвенционирање на малите хидроцентрали некомпатибилен со европските правила
Во земјата 96 пуштени мали хидроцентрали и уште 25 што набргу ќе почнат со работа прават сериозни штети на животната средина и на пристапот до вода за населението. Една од причините зошто оваа технологија продолжува да е атрактивна за инвеститорите е системот на субвенционирање со повластени тарифи, кој кај нас сѐ уште постои иако веќе неколку години се напушта во ЕУ, покажа анализата на државната помош за обновливи извори на енергија во Република Севеверна Македонија.
Анализата беше направена од страна на експерти од Центарот за економски анализи – ЦЕА, преку која апелираат до Владата да се придржуваат кон ЕУ-регулативите и со тоа да се либерализира енергетскиот пазар и да се овозможи поголем продор на други модерни технологии, кои се помалку штетни за средината.
„Од воведувањето на повластените тарифи за субвенционирање на искористувањето на обновливите извори на енергија во 2007 година до крајот на 2020 година пуштени се во употреба 96 мали хидроелектрани што користат повластени тарифи, а во блиска иднина треба да се пуштат уште 25. Поради нивниот голем број и изградба во предели со природни богатства, како и заштитени подрачја, сѐ почести се случаите кога тие се во сериозен конфликт со заштитата на природата или со пристапот до вода на луѓето, што ја доведува во прашање оправданоста тие да се поддржани со фиксни тарифи“, истакна извршната директорка Ана Чоловиќ-Лешоска од „Екосвест“.
Од ЦЕА велат дека поддршката на обновливите извори треба да се префрли кон премии доделени со аукција, а не преку фиксни повластени тарифи, како што е во моментот.
„Според ЕУ-регулативата за државна помош, поддршката на обновливите извори треба речиси целосно да се префрли од фиксни повластени тарифи кон премии доделени со аукција. Премиите ги изложуваат обновливите извори на енергија на сигналите на пазарот бидејќи некои технологии за обновлива енергија, како што се малите хидроцентрали, достигнаа фаза на зрелост, што бара нивна интеграција на пазарот. Со оглед на тоа дека во моментот кај нас некои технологии сѐ уште добиваат само повластени тарифи, може да се заклучи дека не е извршено целосно усогласување на националното законодавство со ЕУ-легислативата“, вели Весна Гарванлиева од Центарот за економски анализи.
Здруженијата доставиле жалба до Енергетската заедница и очекуваат одговор на нивните барања за да се либерализира енергетскиот пазар.
„Сметаме дека моментната поставеност на националната регулатива ги фаворизира малите хидроцентрали за што имаме доставено и жалба до Енергетската заедница. Додека во ЕУ гледаме диверзификација на производството и намалување на уделот на хидроенергијата во енергетскиот микс, кај нас сѐ уште поддржуваме зрели и конкуретни технологии со субвенции. Владата и ресорните министерства мора што побргу да овозможат транзиција на сите технологии од тарифи кон премии за да овозможиме вистинска либерализација на енергетскиот пазар, но и максимална заштита на природата од штетни проекти, кои инаку не се конкуретни на пазарот“, додава Давор Пехчевски од „Екосвест“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Сарај и Карпош денеска без струја
Од ЕВН Македонија АД известуваат дека денеска без електрична енергија ќе останат:
· во периодот од 09:00 до 14:00 часот, дел од корисниците од село Буковиќ, горниот дел (општина Сарај);
во периодот од 09.00 до 12.00 часот, корисниците на улицата Струшка (општина Карпош).
Македонија
Апасиев: Следната недела ќе закажам посебна седница за трагедијата во „Пулс“
„Како претседател на Постојаната анкетна комисија за заштита на слободите и правата на граѓанинот во Собранието на РМ, следната недела планирам да ја закажам посебната комисиска седница на која ќе се разгледува добиената Претставка од „Здружението 16 Март“ на родителите од Кочани, на која ќе се расправа за изнесените наводи поврзани страшната трагедија во дискотеката „Пулс“. На седницата официјално ќе бидат поканети и претставници на подносителите“, напиша на социјалните мережи пратеникот и лидер на Левица, Димитар Апасиев.

За време на саботниот „Марш на ангелите“ во Скопје, семејствата на загинатите во „Пулс“ побараа пратениците да иницираат надзорна расправа и посебна анкетна комисија за целосно и независно испитување на случајот.
Македонија
Претежно облачно со повремени локални врнежи од дожд
Претежно облачно со повремени локални врнежи од дожд. Наместа врнежите ќе бидат пообилни (над 30 l/m² за 24 часа), локално со услови за невреме со засилен ветер (над 60 km/h) и појава на ретки грмежи. Ќе дува умерен до засилен ветер од јужен правец. Минималната температура ќе биде во интервал од 6 до 11, а максималната ќе достигне од 13 до 18 степени.
Во Скопје, облачно со повремени врнежи од дожд, во делови од котлината повремено пообилни. Ќе дува умерен, во делови од котлината повремено засилен јужен ветер. Минималната температура ќе се спушти до 8, а максималната ќе достигне до 14 степени.
Времето во наредните денови
Под влијание на серија влажни воздушни бранови до крајот на седмицата следува период на променливо облачно и релативно топло време со повремени локални врнежи од дожд. Наместа врнежите ќе бидат пообилни, локално со услови за невреме со засилен ветер (над 60 km/h) и ретки грмежи. Во текот на 24 часа се очекува да наврне поголема количина дожд (над 30 l/m2). Ќе дува умерен до засилен ветер од јужен правец.

