Економија
Credissimo на првиот училиштен ден израдува повеќе од 550 првачиња во Македонија

Компанијата спроведе кампања под името „Секогаш биди број 1”, во која раздаде подароци за првачињата во 18 основни училишта низ целата држава.
Општествените активности на водечката „финтек“компанија Credissimo не запираат. Откако на почетокот на годината ги поддржа вработените на Инфективната клиника во Скопје, преку иницијативата „Топол оброк навреме“,компанијата пред неколку недели директно се приклучи во хуманитарна акција за помош на засегнатите граѓани и херои кои учествуваа во гасењето на пожарите, со донирање на огромна количина пакети со храна, пијалак и средства за хигиена. Денес компанијата ја спроведе третата општествена кампања годинава. Credissimo овој пат одлучи да ги изненади и израдува токму најмалите – првачињата,на првиот училиштен ден.
По повод петтиот роденден,компанија реши да раздава подароци, па затоа организира кампања под името „Секогаш биди број 1”,во која се подготвија над 550 подароци за првачињата во 18 основни училишта низ целата држава. Училишниот караван ги посети дел од основните училишта во Скопје (Бутел, Бардовци, Љубанци и Љуботен), а подароци имаше и за првачињата во Валандово, Јосифово, Берово, Маврово и Ростуше. Во основно училиштеза деца со посебни потреби „Д-р Златан Сремец“ во Скопје, на подароците им се израдуваа сите дечиња од училиштето.
„Сметаме дека одговорноста и придонесот кон образованието на младите е одговорност на сите во општество. Токму поради тоа сакаме патот кон напредокот на првачињата да биде поддржан и од нас. Со овие подароци сакаме да ги мотивираме и да ги поттикнеме уште од првиот училиштен ден да го дадат својот максимум, да го искористат својот потенцијал и секогаш да се борат да бидат број 1 во она што го прават. Ова е третаопштествена кампањашто ја правиме оваа година, асо посилно темпо продолжуваме и во следниот период“, изјави Георги Руков, директор на ФД Кредисимо.
Благодарност за кампањата изрази и една од директорките во училиштата.
„Во името на нашето училиште и неговите вработени, како и во името на родителите и пресреќните дечиња, сакаме да искажеме огромна благодарност на Credissimo. Подароците штоги добивме се од големо значење за нашето училиште, а особеноза нашите ученици, бидејќи покрај тоа што училишните пакети ќе им овозможат полесно да ги совладуваат новите работи штоќе ги учат, ова е и мотив плус за да се радуваат на почетокот на годината и со огромен ентузијазам да почнат да чекорат по едукативниот пат. Ова е прекрасна активност и е одличен пример како една успешна компанија дава свој придонес во општеството“, изјави Матилда Бајкова, директорка на училиштето „Аврам Писевски“ во Бардовци.
Од компанијата потврдија дека постојано планираат и подготвуваат нови општествени акции, а за оваа кампања изразија особена благодарност до нивниот партнер Хелоу Пост, кој им помогна сите првачиња да ги добијат своите подароци навреме!
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
МЗШВ: Во четвртиот квартал од 2025 година ќе биде објавен јавниот повик за претприемачите во прехранбената индустрија

Министерството за земјоделство, шумарство и водостопанство ја информира јавноста дека во четвртиот квартал од оваа година ќе биде објавен Јавниот повик 02/2025 за користење на средства од ИПАРД Програмата 2021-2027, мерка 3 – „Инвестиции во основни средства за преработка и маркетинг на земјоделски и рибни производи”.
Оваа мерка претставува исклучителна можност за македонските претприемачи во прехранбената индустрија да ги унапредат своите капацитети и да станат поконкурентни на домашниот и меѓународниот пазар.
Мерката 3 – „Инвестиции во основни средства за преработка и маркетинг на земјоделски и рибни производи”од ИПАРД Програмата овозможува финансиска поддршка за модернизација на преработувачките капацитети, инвестиции за преработка и маркетинг на земјоделски и рибни производи, како и усогласување со европските стандарди. Преку оваа мерка се поддржува зголемувањето на конкурентноста на земјоделското производство и земјоделско-прехранбениот сектор во целина.
Средствата за оваа мерка се обезбедени преку Инструментот за претпристапна помош за рурален развој на Европската Унија (ИПАРД Програмата за периодот 2021 – 2027 година).
Министерството ги повикува сите заинтересирани да започнат со навремена подготовка на потребната документација и да ги следат официјалните објави на Агенцијата за финансиска поддршка во земјоделството и руралниот развој.
Економија
Издадени првите лиценци за батериски систем за складирање на електрична енергија од обновливи извори

Регулаторната комисија за енергетика, водни услуги и услуги за управување со комунален отпад (РКЕ) ги издаде првите лиценци за батериски систем за складирање на електрична енергија од обновливи извори на компанијата ЕНЕРГО СОЛАР СИСТЕМИ.
Станува збор за два батериски системи со вкупна инсталирана моќност од 2 600 kW, што се инсталирани во склоп на две различни фотонапонски електроцентрали кои се веќе изградени и во функција.
„Издавањето на овие лиценци во кои се вклучени батериски системи за складирање на електрична енергија, всушност го означува почетокот на еден нов инвестициски циклус во енергетиката. Воведувањето на батериите во пракса значи забрзана енергетска транзиција преку создавање на одржлив, ефикасен и еколошки енергетски систем во земјава. Во РКЕ очекуваме голем број сопственици на ФЕЦ да поднесат барање за инсталирање на “сториџи“, но исто така очекуваме интерес да појават и компании кои би биле самостојни оператори на складишта само со батериски системи. Употребата на батериите ќе придонесе за сигурно и доверливо функционирање на системите, а едновремено и за економски посигурен и поефикасен енергетски пазар. Истите можат да даваат услуги на операторот на електропреносниот систем за балансирање на истиот, како и одржување на одредени параметри на мрежата во пропишани граници. Складирањето на енергија во периоди кога има вишок и нејзино користење во периоди кога потребите од електричната енергија се зголемуваат се очекува дека ќе влијае и врз намалување на вкупните трошоци во системот.“ посочи Марко Бислимоски, претседател на РКЕ.
Условите, постапката и потребната документација за добивање на лиценца за складирање на електрична енергија се уредена во Законот за енергетика и Правилникот за лиценци, .
Економија
Владата усвои измени: Се укинува ослободувањето од ДДВ за онлајн пратки во вредност до 22 евра

Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања на Законот за данок на додадена вредност, со кои се укинува ослободувањето од ДДВ за онлајн пратки во вредност до 22 евра. Законските измени веќе се во собраниска процедура, а нивното спроведување се очекува да има директни позитивни ефекти врз економијата и работењето на домашните компании.
Со оваа мерка, околу 4 милиони денари месечно, колку што во одредени периоди изнесува прометот кон странските онлајн платформи, ќе се пренасочат кон домашното стопанство. Овие средства ќе придонесат за развој на локалните компании, отворање нови работни места и исплата на повисоки плати на вработените.
Ова претставува значаен чекор во заштита и поддршка на домашната економија, особено во услови на зголемена глобализација и дигитална трговија.
Дополнително, измените ќе помогнат во намалување на сивата економија, имајќи предвид дека досегашниот систем овозможуваше злоупотреби – односно увоз на стоки ослободени од данок кои понатаму се продаваат на домашниот пазар.
Со оваа измена, државата испраќа јасен сигнал на поддршка за домашните компании кои создаваат додадена вредност и вработуваат граѓани во земјата, велат од Министерството за финансии.