Навреди и закани помеѓу Драган Павловиќ – Латас, и струмичкиот градоначалник од СДСМ Костдин Костадинов, откако новинарот во јавно излагање на поткаст рече дека Костадинов е толку богат, што татко му ја искоцкал куќата и сиот имот, а Костадинов за пет години го вратил тоа, заработувајќи куќа, коли, мотори.

По ова се огласи Костадинов на социјалните мрежи, со објава дека татко му е починат, а кај нив кога некој ќе ја чепне честа на мртов човек, правдата не се моли туку се зема. Неговата објава е насловена „Проглас и аманет до сите родени и неродени Костадинови!“, а во продолжение додава: „И кога ќе ми се роди внук, ќе знаеш дека некој Костадинов некаде знае кој си. И кога ќе шеташ по улица, ќе гледаш преку рамо – бидејќи не знаеш од каде ќе ти дојде наплатата.  Цела фамилија Костадинови те чека. Не за тужба. Не за медиумски циркус. Туку за суд што ние го држиме. Според наши закони. Наши правила. Наши вредности“, се вели во објавата.

По „Фејбсук“ статусот се огласија и од ВМРО-ДПМНЕ од каде што велат: „Најостро го осудуваме повикот за убиство и линч врз новинар од страна на Костадин Костадинов, институциите да реагираат“.

„Градоначалникот на Струмица и близок соработник на Заев, оди по неговите стапки. Едниот живи луѓе јадеше, овој сега се заканува на новинари дека ќе се осветува на свој начин. Матрицата на СДС е таа и нема менување. Позади ваквата нарачка за линч на новинар седат директно Венко Филипче и Зоран Заев. Ова се правите лица на соработниците на Заев и Филипче. Повикуваат на убиства на новинари, ова го нема никаде! Партијата чиј член и градоначалник е Костадинов, молчи и не се оградува од коментарите на Костадинов“, велат од ВМРО-ДПМНЕ.

Го повикаа МВР да реагира и да го повика на распит градоначалникот.

Во пресрет на посетата на Марта Кос на Македонија, Демократскиот сојуз ја повикува Европската Унија да ги деблокира евроинтеграциските преговори на Македонија, бидејќи „тоа е во согласност со геостратешките состојби и во интерес и на Македонија и на ЕУ“.

„Демократскиот сојуз од Еврокомесарката Марта Кос бара да направи мал чекор за деблокадата:

Прво, да предложи Советот на ЕУ да донесе заклучок дека идентитетските, историските и јазичните прашања не можат да бидат основа за блокада на евроинтеграциите.

Второ, Советот на ЕУ да донесе одлука дека Македонскиот јазик, по приемот на Македонија во ЕУ, ќе биде официјален (службен) јазик во ЕУ.

Трето, ЕУ да ја обврзе Бугарија да ги имплементира одлуките на Меѓународниот суд за човекови права од Стразбур, за Македонците во Бугарија да можат да се здружуваат за заштита на своите историски, идентитески и јазични обележја“, велат од ДС.

„Подолго време има изјави од претставници на ЕУ и Бугарија дека внесувањето на Бугарите во Уставот е последно барање, дека Македонскиот јазик е загарантиран, тоа го тврдат функционерите на СДСМ и дека идентитетските прашања не се дел од Преговорачката рамка.

Само да разјасниме, во Преговарачката рамка никаде не е спомнат Македонскиот јазик, освен дека преводот на директивите на ЕУ ќе се врши на Македонски јазик (тоа и досега се прави), а со годишните прегледи (протоколи) кои се дел од Преговорачката рамка, се отвораат идентитетските прашања, како и со договорот за добрососедски односи помегу Македонија и Бугарија .

Деблокадата е можна и зависи од ЕУ, а не од Македонија.

Во Македонија постои и политички и граѓански консензус за полноправно членство во ЕУ. Тоа е наш национален интерес“, се наведува во соопштението на ДС.

„Наследството во образованието што го оставија СДС и ДУИ беше катастрофално, образованието беше во длабок минус, учениците без учебници, наставниот кадар и стручниот персонал без достоинствени примања, а образовната инфраструктура целосно запоставена. За една година Влада предводена од ВМРО-ДПМНЕ, се започна со градење на модерен систем на образование кој ги вклучува сите чинители“, велат од ВМРО-ДПМНЕ.

„За прв пат после 7 години, учебната година 2024-2025 се започна со испорачани учебници. И покрај краткиот рок, над еден милион примероци беа поставени на училишните клупи на првиот училишен ден.

– Испечатени над 100 нови наслови за средното стручно образование

– Изградба на 7 нови училишни објекти

– Реконструкција на 20 училишни објекти

– Изградба на 4 училишни спортски сали

– Студените добија нови згради, се одблокира изградбата на факултетските објекти на ФИНКИ и ФФК, инвестициски циклус од 2 милијарди денари.

Над 12% повисоки плати за наставниот кадар и стручниот персонал во основните и средните училишта, 14% повисоки плати на професорите на факултетите, потпишана согласност за раст на платите до 60% во следните 4 години.

Најголем влог во образованието со досега обезбедени 38 милијарди денари за образованието.

Во науката вложени се 680 милиони денари, така што во буџет за наука во 2025 година двојно повеќе во споредба со 2024 година.

Обезбедени 274 милиони денари за финансирање на иновативни научно – истражувачки проекти на јавните високообразовни и научни установи, МАНУ и компаниите кои соработуваат со академската и научната фела.

Проширен е опсегот на мерката субвенциониран студентски оброк и за сите редовни студенти на додипломски студии кои имаат месечен приход помал од просечната нето минимална плата, но и за постдипломците.

Темелна реконструкција на два студентски дома во Скопје, „Кузман Јосифовски – Питу“ и „Стив Наумов“ во вредност од 17 милиони евра,

– Модернизација на универзитетот „Мајка Тереза“, во вредност од 34 милиони евра,

– Министерството за образование и наука ќе ги покрива трошоците за учество на средношколци на меѓународни научни олимпијади,

– Обезбедени 50 милиони евра за 1570 стипендии за учениците кои ќе се запишат во дуални паралелки во средните стручни училишта.

Владата предводена од ВМРО-ДПМНЕ ќе продолжи да инвестира во образованието со цел поквалитетно и модерно образование, структурирано според потребите на поединецот, пазарот на трудот и заедницата“, се наведува во соопштението на ВМРО-ДПМНЕ.