Свет
Северна Кореја лансира две балистички ракети
Северна Кореја лансирала две балистички ракети во морето, тврди Генералштабот на Јужна Кореја.
Јапонската крајбрежна стража исто така соопшти дека е лансиран објект што може да биде балистичка ракета од Северна Кореја.
Според соопштението на Генералштабот на Јужна Кореја, двете балистички ракети се лансирани денеска од локација во централниот дел на Северна Кореја кон водите на источниот брег на Корејскиот Полуостров.
Јужна Кореја го анализира лансирањето заедно со американските власти.
Лансирањето се случува откако Северна Кореја соопшти дека успешно тестирала нова крстосувачка ракета со голем дострел минатиот викенд нарекувајќи ја „стратешко оружје од големо значење“.
Тоа е термин што се користи за нови проектили што имаат потенцијал да носат нуклеарни бојни глави, велат експертите.
Соединетите Американски Држави и Јужна Кореја одржаа заеднички воени вежби во август, што предизвика жестоки критики од Пјонгјанг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.