Забава
Порано тоа беа младиот Бред Пит и Ди Каприо, а како изгледа денес совршено згоден маж?
Што го прави мажот убав? Како изгледа физички совршен маж? Во последните децении најпознатите машки икони за убавина во западниот свет беа синооките sвезди од големиот екран, како Бред Пит или Леонардо ди Каприо, но идејата за тоа како изгледа совршениот маж се менува во услови кога светот на филмот и модата прифаќа поголема разновидност.
Во целиот свет идеализираниот стандард на убаво обликуван човек ретко го одразува телото на просечниот човек. Сепак, социјалните мрежи, како „Тик-ток“, помагаат да се промени стандардот за машка убавина претставувајќи мажи што претходно немале шанса.
На пример, британскиот модел, активист и ѕвезда на „Тик-ток“, Бен Џејмс, смета дека е променет начинот на кој гледаме на мажите. Во 2019 година како плус сајз модел тој учествуваше во рекламна кампања за брендот Simply Be, се појави заедно со други модели, а исто така работеше со Тед Бејкер и Асос. Џејмс вели дека неговата работа им нуди утеха и самодоверба на младите мажи, на кои тој им вели дека се барани и ценети.
Сепак, и покрај константниот успех на традиционално згодните, се отвора нова норма за машки стандард за убавина. Постарите модели бележат значително зголемување на популарноста.
Секако, луѓето се навикнати на конвенционално убавите „сребрени лисици“ што го красеа филмското платно, како Пирс Броснан и Џорџ Клуни, но сега постарите машки модели често се користат во рекламни кампањи и на модните писти.
Машкиот модел Орландо Хобечи неодамна изјави за „Гардијан“: „Пред речиси четири години забележав зголемување на побарувачката на постарите модели“.
„Одеднаш се појави интерес за приказните на повозрасните луѓе“, вели тој.
Според Хобечи, подолгиот животен век направил разлика. „Возраста повеќе не е она што беше порано. Во последните 30 години видовме студени млади луѓе како остарени – сега можете да бидете постари, а сè уште да бидете кул“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.