Македонија
Стојкоски: Никогаш нема да си дозволам да одам со наведната глава поради нереализирани ветувања
Никогаш нема да си дозволам да одам со наведната глава поради нереализирани ветувања, рече Александар Стојкоски, кандидатот за градоначалник на Ѓорче Петров од ВМРО-ДПМНЕ на вечерашниот митинг.
Посочи дека ги чул сите поплаки и проблеми, има решенија и ќе ги спроведува од првиот ден кога ќе влезе во општината. Стојкоски се претстави како еден од жителите на Ѓорче, кој го живее истиот живот со истите проблеми, а за кои е дециден дека ќе бидат минато.
„Имам силно чувство дека ние сите сакаме да победиме за подобра иднина и на 17 октомври ние ќе победиме. Ќе победиме за идните поколенија. Се познаваме меѓу нас. Ме знаете како еден од вас и јас сум еден од вас. Овде се образовав, израснав, створив семејство, живеев, живеам и создавам. Се обидувам цело време да го направам Ѓорче подобро место за живеење. Ѓорче Петров е силна емоција, енергија, место што заслужува да биде подобро за живеење. Ги знам сите убави места на Ѓорче Петров, но ги знам и проблемите на жителите бидејќи и јас ги живеам. Со мојот тим поминавме во сите населени места. Речиси во сите улички. Од вас ги разбрав проблемите, знам дека ви пречат многу работи во Ѓорче. Ви пречи што треба да патувате по еден час да дојдете во своите домови бидејќи некој доцна се разбудил и разбрал дека е градоначалник. Знам дека ви пречи депонијата. Јас знам дека по секој дожд, вашите улици се претвораат во реки. Знам дека имате проблеми со канализацијата, како што знам дека Кучково остана без вода среде лето, а вода нема сѐ уште. Како што знам дека Орман нема канализација, а беше ветувана цели четири години. И нека не ве лажат ако во последниве 50 дена прават привид дека нешто работат, дека ви решиле некој проблем. Не може да ги нема на улиците четири години, а сега да се појават. Време е да заминат во минатото и никогаш да не ни се повтори. И ќе замине“, рече Стојкоски.
На митингот посочи само некои од проектите што ќе ги реализира за во Ѓорче да има достоинствен живот, општината да биде модерна и урбана. Убеден е дека ќе ја добие довербата на граѓаните, кои на 17 октомври ќе гласаат за него поради понудата што ја има, но и поради, како што рече, неговата чесност и искреност кон нив.
„Гарантираме изградба на две нови детски градинки, дограба и проширување на постојните. Сакаме Ѓорче Петров да биде без листи за чекање. Ветуваме реновирање на дотраените спортски сали, изградба на три мултифункицонални сали, гарантираме нови воншколки програми за странски јазици и ИТ-вештини. Мојата цел е да создадеме силни индивидуи. Младите ќе добијат и место во културниот центар. Општината ќе обезбеди средства за талентираните. Ќе ги поддржиме учениците и нивните ментори. Гарантираме и подгнување нови паркови, целосна реконструкција на паркот во срцето на Ѓорче. Гарантираме и целосно санирање на дивата депонија во Ново Село и нови зони за спорт и рекреација во општината. Ќе направам сѐ што е во мојата моќ да го подигнеме стандардот на жителите. Да создадеме нови инвестиции. Со реконструкција на постојните и изградба на нови урбани месни заедници повторно ќе ги отвориме нивните врати за да бидат пристапни со цел полесно да си ги решат проблемите. Стојам пред вас и ви кажувам. Гарантирам дека нема да го има проблемот со кал на улиците, тоа е носечки проект. Со Данела разговаравме како го гледаме Ѓорче. Тоа е урбано и модерно, во согласност со сите светски текови. Ќе покажеме како се решава проблемот со Лепенец. Сообраќајниот хаос во Ѓорче ќе го решиме со два кружни тека. Ќе ја продолжиме улицата Лука Геров кон Стопански Двор и Ново Село. Не, јас не сум човек што може да си дозволи да ветува проекти што не може да ги реализира. Никогаш нема да си дозволам да одам со наведната глава поради нереализирани ветувања. Сакаме да победиме и ќе победиме. На 17 октомври излезете и заокружете го бројот 7, ќе победиме за подобра иднина за сите“, додаде Стојкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.
Македонија
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија и судска постапка. Палевски е првоосомничен за двојното убиство на Вања Ѓорчевска и Панче Жежовски.
Во писмото, тој се обраќа до министерот за правда Кренар Лога за кој вели дека „лаже“, и дека токму Палевски барал кратка и брза екстрадиција, без противење.
„Многу важно, го прашав судијата колку време трае БРЗАВА, КРАТКАВА ЕКСТРАДИЦИЈА, добив одговор дека целиот процес е 40 дена од денот на хапсење. На 22 декември бев во Баликесир на повисокиот суд каде за разлика од Првиот, Понискиот Суд, ме прашаа дали постои опасност од МАЧЕЊЕ и УБИВАЊЕ во Македонија. За прв пат почувствував СРАМ за мојава држава и од ИНАТ ако ништо друго дадов изјава: „НЕ, инсистирам на КРАТКА и БРЗА ЕКСТРАДИЦИЈА во Македонија за да се бранам во ИСТРАГАТА.“ Сѐ ова после 5-6 писанија до обвинителот, го добив на коректен Англиски со печат и потпис од Судот. Од тогаш, од минатата година до денес, едни други курветини, „НАТО Прогресивци“, но кои на ЕРДО се клањаат, Министер за Правда, колега на малоумниов Кренар Лога го држат ПАЛЧО во „ЕКСПРЕС“ БРЗА ЕКСТРАДИЦИЈА“, пишува наводно Палчо.
Претходно министерот за внатрешни работи, Панче Тошковски кажа дека добил информација од Секторот за меѓународна полициска соработка дека е одобрена екстрадицијата за Љупчо Палевски Палчо, со тоа што македонските полициски службеници се во комуникација со турските колеги.
Македонија
Мојсоска: На 8 мај младите ќе стават крај на истрошените елити кои немаат што да понудат
Левица како нова генерација млади политичари на овие избори настапува со радикална антикорупциска платформа. Битола од економски гигант во време на криминалната приватизација стана рекордер на невработеност. Младите паметат како нашите родители остануваа на улица додека се богатеа поединци, изјави Јована Мојсоска, генерален секретар на Левица
– Се бориме за донесување Закон за потекло на имот на сите носители на јавни функции од почеток на транзиција до денес. На овој начин мора да се стави крај на криминогените партии кои ја уништија иднината на младите генерации. Наместо амнестија која ја видовме во Собранието, нашата автентична програма се залага за незастарливост на криминалот извршен од јавни функционери. На 8-ми мај младите ќе се обединат околу идејата на Левица за да стават крај на владеењето на корумпираните и истрошени политички елити кои немаат веќе што да понудат – вели Мојсоска.