Црна Гора синоќа избра претставник за Евровизија 2025 година.

На интерниот натпревар во „Монтесонг“ беше избрана групата NeonoeN со песната Clickbait.

NeonoeN е алтернативен инди-рок бенд од Подгорица, составен од пејачот Марко Вукчевиќ, гитаристот Илија Пејовиќ, басистот Филип Вулановиќ и тапанарот Милан Вујовиќ. На сцената се од 2012 година, кога бендот го основаа Марко и Илија.

Фановите на Евровизија и дадоа најголеми шанси за победа на пејачката Нина Жижиќ и нејзината песна Welcome. Но, по прогласувањето на победникот, на социјалната мрежа Х беа објавени бројни коментари. Некои не беа ентузијасти за песната што следната година ќе ја претставува Црна Гора во Базел.

„Кој го напиша текстот за оваа песна? Последно место во полуфинале“, „Што ви е?“, „Песната е хаос“, „Оваа песна е како татко што се обидува да биде кул, па користи случајни изрази што ги собрал и нема поим што тие значат“, ова се дел од коментарите на X.

„Црна Гора навистина имаше интересни песни и решија да испратат песна која нема да се истакне (на позитивен начин) штом ќе бидат претставени другите песни“, е друг коментар.

Некои сепак се задоволни од изборот. „Интересен избор“, „Црна Гора може да се гордее со постигнатото. Навистина го очекував најлошото, но многу добро поминаа“, пишуваат корисниците на Х.

Медиумите потсетуваат дека на натпреварот учествуваа 16 изведувачи.

Инаку, Црна Гора по двегодишна пауза се враќа на Евровизија.

Џејми Ли Кертис на Инстаграм објави фотографија на која позира без шминка.

„Селфито „штотуку излезено од туширање“. Навивам за трендот на Памела Андерсон. Само што забележав дека изгледа како да имам маскара, но едноставно не можев да ја тргнам како што треба“, 66-годишната актерката напиша во објавата.

Имено, Памела веќе некое време во јавноста се појавува без шминка и стана заштитно лице на движењето природен изглед. Таа претходно изјави за Elle дека престанала да се шминка откако нејзината долгогодишна шминкерка и пријателкаАлексис Вогел почина од рак на дојка во 2019 година.

Кертис долго време е поддржувач на Памела и претходно изразуваше восхит за нејзината храброст. Актерките работеа заедно на филмот The Last Showgirl, во кој главната улога ја има Памела.

Филмот е сместен во блескавиот свет на Лас Вегас и ја следи Шели, искусна и гламурозна танчерка која мора да планира за иднината кога нејзиното шоу ненадејно ќе се затвори по 30 години настапи. Кертис игра келнерка и посветен пријател на Шели.

Како што пренесува Variety, филмот доби многу позитивни критики во Торонто, а некои критичари сметаат дека Андерсон треба да биде кандидат за Оскар за најдобра актерка. Премиерата на филмот е закажана во Лос Анџелес на 13 декември. The Last Showgirl ќе започне да се прикажува во кината низ САД во јануари 2025 година.

Американскиот култен рок бенд Guns N’ Roses најави голема европска турнеја за 2025 година.

Иако членовите и претставниците на бендот се уште немаат дадено официјална изјава, Live Nation го објавија нивниот распоред на концерти, истакнувајќи дека датумите се уште не се потврдени.

Според овој распоред, популарната рок група ќе одржи 21 настап низ европските градови. Групата треба да настапи, според планираното и во Белград на 18 јули.

Guns N’ Roses е основана од Ексл Роуз во 1984 година. Еден е од најуспешните бендови на сите времиња. Тие оставија неизбришлива трага во музичката историја со хитовите како Sweet Child O’ Mine, November Rain, Welcome to the Jungle, Paradise City и многу други.