Црна хроника
Напад со нож во Чегране поради недоразбирање во сообраќајот
Од страна на полициски службеници од полициското одделение Чегране, рано утрово, околу 6 часот, лишени од слобода биле Н.С. (40) и неговиот малолетен син, двајцата од ова гостиварско село, како и Б.Ф. (41) од тетовското село Церово.
Како што информираат од МВР, за нив посојат основи на сомнение дека околу 5.30 часот во Чегране, по претходна расправија околу недоразбирање во сообраќајот, физички го нападнале и со остар предмет го повредиле Х.И. (39) од гостиварското село Форино.
Х.И. бил пренесен во Општата болница „Ферид Мурат“ за укажување на лекарска помош.
Претходно, од Основното јавно обвинителство информираа дека токму во 5.30 часот утрово, во Чегране се случил обид за убиство на обвинител од Гостивар, со нож.
Тројцата уапсени со кривична пријава во текот на денот ќе бидат изведени пред судија на претходна постапка на Основниот суд Гостивар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.