Забава
Новиот филм на Кристофер Нолан би можел да биде последен од ваков вид
Амбициозните проекти на култниот режисер Кристофер Нолан честопати изгледаа како прецизно осмислени и одлично режирани, но исклучително скапи проекти, кои понекогаш се граничеа со уметничка мегаломанија, а во исто време постигнуваа огромен успех на киноблагајните.
Неговиот следен филм, историска драма за т.н. уништувач на светови, физичарот Џ. Роберт Опенхајмер, и создавањето на атомската бомба, барем на хартија, не изгледа како блокбастер со астрономски буџет, чија примарна цел е да ја донесе публиката во киносалите и да заработи стотици милиони долари.
Сепак, ќе мора да стане таков бидејќи и покрај големите имиња, овој тип на филм станува загрозен вид, како што го нарече „Вараети“.
Кога 100 милиони не се 100 милиони – имено, првичниот буџет е поставен на 100 милиони долари, но на крајот би можел да чини над 200 милиони, а потоа да заработи двојно повеќе пари за да ги убеди челниците на големите студија во профитабилноста на ваквите проекти.
Вистинска реткост е некое студио да потроши повеќе од сто милиони долари на проекти, кои или не се дел од докажано успешен серијал или не изгледаат како потенцијален серијал што ќе ги врати инвестициите повеќекратно. Реално, пандемијата само неизбежно го забрза она што веќе почна да се случува – големо преместување филмови со среден буџет кон стриминг-услугите. Дури и режисерите, како Скорсезе или Финчер, беа принидени да ги остваруваат своите уметнички ескапади во склоп на „Нетфликс“.
Гледајќи го од перспектива на самите студија, правењето скапи филмови, кои тешко враќаат или воопшто не враќаат, едноставно не е исплатливо.
Потегот на „Јуниверзал пикчрс“ е извонредно храбар бидејќи се потпира на надежта дека добар режисер и добар проект сепак може да ја доведат публиката во киносала за да гледа нешто без суперхерои.
Килијан Марфи ќе го толкува главниот лик, таткото на атомската бомба, во „Опенхајмер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како изгледа денес Роуз од „Два и пол мажи“ која го демнеше Чарли
Хит серијата „Два и пол мажи“ се емитуваше од 2003 до 2015 година, а во главните улоги беа Чарли Шин, Џон Крајер и Ангус Т. Џонс.
Улогата на композиторот и женкар Чарли ја толкуваше Чарли Шин, се до кавгата со продуцентите кога беше заменет со Ештон Качер, а многумина се сеќаваат и на Роуз која со сите сили се трудеше да го освои неговото срце.
Улогата на Роуз ја толкуваше актерката Мелани Лински, која се прослави по оваа улога. Актерката минатата година постигна голем успех во кариерата со улогата во серијата “Yellowjackets”, но и покрај тоа се бореше со „стандардите за убавина“.
Таа изјави за „Њујорк Тајмс“ дека нејзината кариера првично се засновала на сценарија за „дебела пријателка“ или „смешна дебела жена“.
„Луѓето кои ја оценуваат мојата тежина и здравје се приказна за мојот живот уште од премиерата на “Yellowjackets”, напиша таа на мрежата „Х“ и додаде дека „да се биде слаб не секогаш значи да се биде здрав“.
Нејзиниот сопруг ја поддржал, пишувајќи на мрежата „Икс“: „Ако некој има несакани коментари за нечиј изглед, слободно нека ги напише со трајно мастило на челото и нека излезе директно на сонце“.
Забава
Луѓето родени во овие два хороскопски знаци не сакаат да готват
Готвењето е уметност – барем за некои луѓе. Меѓутоа, други секогаш ја избегнуваат кујната и често може да ги фатите како нарачуваат храна од ресторани. Тие луѓе можеби се родени во овие хороскопски знаци.
Водолија
Водолиите се современи визионери, а нивната имагинација често ги надминува секојдневните задачи како што е готвењето. Наместо да поминуваат време на сечкање зеленчук, тие веројатно се зафатени со создавање револуционерни идеи кои ќе го променат светот. Кујната е едноставно преполна и премногу рестриктивна за нив; тие попрво би откриле нови светови отколку да мешаат сосови.
Стрелец
За Стрелците светот е нивна авантура, а кујната е како темнина која едноставно не сакаат да ја истражуваат. Тие се премногу зафатени со мечтаење за нивната следна дестинација или планирање авантури, па кујната често ја нема на нивната мапа. Стрелците ја сакаат слободата и слободата на движење, а готвењето често ги спречува да истражат се што може да понуди светот.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.