Свет
Словачка се извини за присилната повеќедецениска стерилизација на жените Ромки во земјата
Владата во Словачка официјално се извини за децениската присилна стерилизација на жените Ромки во земјата.
Владејачката словачка коалиција издаде соопштение во кое ги осудува прекршувањата на човековите права што се случувале во текот на годините и им се извини на сите засегнати.
Бројот на стерилизации не може точно да се утврди, но најмалку неколку илјади жени ја поминале процедурата, објави претставник на ромската влада на својата официјална веб-страница.
Според владата, присилните стерилизации се случиле помеѓу 1966 и 1989 година, а со цел да се ограничи бројот на деца родени во ромското малцинство.
Но, според владата, дури и по падот на комунизмот, помеѓу 1990 и 2004 година, Ромките биле незаконски принудувани во клиниките за да се согласат на стерилизација откако ќе имаат деца.
Организациите за човекови права и Советот на Европа со години ја повикуваат Словачка да ги препознае систематските прекршувања на човековите права на Ромите и да ги обесштети жртвите.
Комесарката за човекови права на Советот на Европа, Дуња Мијатовиќ, го поздрави извинувањето на словачките власти како важен прв чекор.
Но, додаде таа, треба што побргу да се воспостави механизам за компензација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.