Забава
Не го повлеков чкрапалото: Алек Болдвин низ солзи проговори за фаталниот инцидент
Алек Болдвив со многу емоции и солзи првпат проговори за трагедијата што се случи на снимање на вестернот Rust во Ново Мексико.
Во најавата за телевизиско интервју за „Еј-би-си њуз“, објавена во средата, 63-годишниот актер категорично тврди дека не го повлекол чкрапалото од оружјето што го држел и дека воопшто не знае како е можно вистински куршум да биде присутен на сет.
Болдвин, кој во раката држел пиштол за кој му било кажано дека е безбеден кога пукна и ја уби снимателката, зборуваше во своето прво интервју за фаталниот инцидент на 21 октомври во Ново Мексико.
„Чкрапалото не беше повлечено. Не го повлеков чкрапалото“, му вели актерот на новинарот на телевизијата Еј-би-си, Џорџ Стефанопулос, според извадокот од интервјуто, кое треба да се емитува в четврток.
Значи, никогаш не сте го повлекле чкрапалото?“, праша Стефанопулос.
„Не, не, не. Никогаш не би вперил пиштол кон никого и не би го повлекол чкрапалото. Никогаш“, одговора Болдвин.
Снимателката Халина Хачинс беше убиена, а режисерот Џоел Соуза ранет во она што Болдвин претходно го нарече трагична несреќа на сетот на вестернот што се снимаше во близина на Санта Фе.
Досега не е поднесена кривична пријава. Истражителите кои работат на случајот ги фокусираа своите напори на тоа како боева муниција се најде на сетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.