Свет
Потенцијално опасен астероид во сабота во орбитата на Земјата

Огромен „потенцијално опасен“ астероид, поголем од Ајфеловата кула, ќе влезе во орбитата на Земјата на 11 декември, објави американската вселенска агенција НАСА.
Астероидот во облик на јајце наречен „4660 Nereus“, долг 330 метри, ќе влезе во орбитата на Земјата со брзина од 23.700 километри на час.
Се очекува астероидот да помине на одредено растојание од Земјата, но сепак ќе биде поблиску отколку што биле некои астероиди во последните 20 години.
Нереус, именуван по старогрчкиот бог на морето, најстариот син на персонификацијата на Земјата, божицата Гаја, ќе биде оддалечен околу 3,86 милиони километри, што е околу 10 пати повеќе од растојанието помеѓу Земјата и Месечината, пишува порталот “Наука во живо“.
Иако звучи како многу голема оддалеченост, тоа е по космички стандарди, на чекор од нашата планета.
НАСА го опишува секој вселенски објект на оддалеченост од 193 милиони километри од Земјата како „објект блиску до Земјата“ и секој објект што брзо се движи во опсег од седум и пол милиони километри како „потенцијално опасен“.
Астрономите внимателно го следат таквиот обележан објект, барајќи какво било отстапување од предвидената орбита, што би можело да ги доведе до текот на орбитата на Земјата и можен судир.
Според предвидувањата на НАСА, Нереус следно ќе се приближи до Земјата на 2 март 2031 година, потоа во ноември 2050 година и 14 февруари 2060 година, кога би можел да се приближи на речиси 1,2 милиони километри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Милиони Американци би можеле да останат без купони за храна

Околу 42 милиони Американци би можеле да останат без купони за храна во ноември поради тековниот прекин на работата на федералната влада, предупреди министерката за земјоделство Брук Ролинс.
Програмата за дополнителна помош во исхраната (SNAP), позната и како купони за храна, е дел од клучната национална мрежа за безбедност на храната и обезбедува просечен месечен надомест од 188 долари по лице, пишува Си-Ен-Ен.
Ролинс рече дека средствата за програмата ќе бидат исцрпени во рок од две недели и ги обвини демократите за блокадата на финансирањето.
Свет
Десетици илјади евакуирани на Филипините, се приближува ураган

Десетици илјади луѓе на Филипините се евакуирани денеска од своите домови на брегот на Пацификот поради опасност од поплави во момент кога тропската бура „Феншен“ го зафати регионот, јавија светските агенции.
Бурата попладнево со брзина на ветрот до 80 км на час ја погоди општина Губат, на југоисточниот врв на главниот остров Лузон, соопшти државната метеоролошка служба.
Откако жителите беа евакуирани од крајбрежните и другите ризични области, локалните власти соопштија дека нема извештаи за сериозни штети или жртви.
„Имаше обилни дождови и силни налети на ветер, иако не толку силни“, изјави Рајан Естреладо, спасувач во Губат.
Ураганот вечер треба да помине во близина на островот Катандуанес, кој има население од 270.000 жители, со брзина на ветер до 90 км/ч. Се очекува „Феншен“ да се засили пред да стигне до копното по втор пат во централен Лузон, соопшти националната метеоролошка служба.
Свет
Прекинати летовите на главниот аеродром во Бангладеш, избувна пожар

Властите во Дака ги прекинаа сите летови на Меѓународниот аеродром Хазрат Шахџалал, главниот аеродром во Бангладеш, по пожар во товарниот дел. Талха Бин Засим, портпарол на Противпожарната служба и Одделот за цивилна одбрана, изјави дека 32 противпожарни возила биле распоредени за гаснење на пожарот, кој започнал денеска попладне.
Управата за цивилно воздухопловство на Бангладеш ги прекина сите летови веднаш по инцидентот, наведувајќи дека операциите ќе останат запрени до понатамошно известување.
Покрај националната противпожарна служба, единици од Воздухопловните сили и Морнарицата на Бангладеш се придружија на напорите за гаснење на пожарот, според Одделот за односи со јавноста меѓу службите.
Причината за пожарот сè уште не е позната.
Снимките од местото на настанот покажаа црн чад како се извишува над аеродромот.
Како одговор, државната авиокомпанија „Биман Бангладеш ерлајнс“ пренасочи четири од своите летови, кои требаше да слетаат во Дака, кон аеродромите во Силхет и Чатограм.