Свет
Путин ѝ се заблагодари на Меркел за ефикасната соработка
Путин телефонски разговарал со Ангела Меркел, која вчера и официјално ја напушти функцијата германска канцеларка, соопшти прес-службата на Кремљ.
Путин срдечно ѝ се заблагодари на Меркел за нејзината долгорочна ефикасна соработка нагласувајќи го нејзиниот значаен придонес во развојот на руско-германските односи, наведува прес-службата.
Меркел, од своја страна, изрази благодарност до рускиот лидер за заедничката работа. Според Кремљ, таа му посакала на Путин успех во воспоставувањето дијалог со новиот германски канцелар Олаф Шолц.
Во соопштението се додава дека шефот на руската држава во текот на разговорите споменал дека Ангела Меркел секогаш ќе биде добредојден гостин во Русија.
Претседателот на Русија, Владимир Путин, во средата испрати телеграма со честитки до Олаф Шолц по повод неговата инаугурација за германски канцелар.
Путин испрати телеграма и до поранешната германска канцеларка Ангела Меркел. Според прес-службата на Кремљ, Путин во телеграмата со „вие“ ѝ се обратил на Меркел и ја уверил во продолжување на пријателската комуникација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.
Свет
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на Универзитетот Колумбија, окупирана од пропалестински демонстранти, нарекувајќи ги „бесни лудаци и симпатизери на Хамас“.
На митинг за претседателската кампања во Висконсин, Трамп рече дека „Њујорк е под опсада“ и го поздрави апсењето на околу 300 демонстранти, пренесува Ројтерс.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ САД.