Забава
Индијката Харназ Санду крунисана за Мис универзум
Мис Индија ја презеде круната на 70. избор на Мис универзум што се одржа во израелскиот туристички град Ејлат на Црвеното Море доцна ноќта во неделата.
Речиси 600 милиони гледачи се приклучија да го гледаат величествениот настан, еден од најконтроверзните натпревари за убавина допрен од политиката и пандемијата, коментираат светските медиуми.
Харназ Санду (21), боливудска актерка, победи 79 други натпреварувачки за титулата и беше крунисана од претходната, односно актуелната мис универзум, Андреа Меза од Мексико.
Боливудската ѕвезда ја победи мис САД Ел Смит, која се најде во првите десет на натпреварoт погоден од пандемиски неволји и политички бојкот.
Мис Јужна Африка, една од многуте натпреварувачки, под притисок од нејзината влада да го бојкотира контроверзниот натпревар во знак на протест против односот на Израел кон Палестинците, беше прогласена за втора придружничка.
Оумдесет девојки се натпреваруваа за дијадемата на меѓународниот натпревар. Но, на крајот останаа три – мис Јужна Африка Лалела Мсване, мис Парагвај Надија Фереира и мис Индија Харназ Санду.
Натпреварот, чиј водител беше Американецот Стив Харви, вклучуваше традиционални прикази на национални носии, костими за капење и низа прашања за интервју во кое се тестираат вештините за јавно говорење на натпреварувачките.
Кога боливудската актерка беше прогласена за победничка, таа не можеше да ги задржи солзите радосници пред да ја направи својата прва прошетка на сцената како мис универзум.
21-годишната носителка на титулата рече дека се чувствува „преплавена од емоции бидејќи поминаа 21 година откако Индија ја доби круната Мис на универзумот – а тоа се случува токму сега“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.