Забава
Како се вљубуваат: Скорпијата ја „удира гром“, водолијата брзо се вљубува и уште побрзо се одљубува
Секој хороскопски знак сосема различно реагира кога е вљубен.
Кај луѓето родени во знакот на бик се чини дека сè цвета кога ќе сретнат некој што може да го засакаат. Раковите лесно се вљубуваат, но тешко дека ќе го признаат тоа од страв дека другата страна ќе ги повреди.
Овен
Овенот се заљубува брзо, импулсивно. Еден поглед е доволен за да сфатат дали сакаат некого или не. Исто така, ако некој им се допаѓа, не им е грижа дали личноста е добра или не, богата или сиромашна, како општеството гледа на нив… Кога ќе се заљубат, не размислуваат за ништо друго освен за тој момент и страста што ја чувствуваат.
Бик
Припадниците на овој знак имаат најизразени сетила кога станува збор за љубовта и заљубувањето. Се чини дека сè во нив цвета кога ќе сретнат некој што може да го засакаат. Сепак, бикот не е толку импулсивен како овенот и не брза да се заљуби. Прво ќе погледне во потенцијалниот партнер, ќе го процени неговиот карактер и преференции и дури потоа ќе се предаде со целото свое срце.
Близнаци
Близнаците брзо се заљубуваат и се одљубуваат. Тие се способни да бидат вљубени во повеќе луѓе во исто време бидејќи во секого гледаат нешто различно и би биле најсреќни кога би ги споиле сите овие доблести во еден човек, во совршениот партнер. Близнаците често „седат на два стола“.
Рак
Раковите лесно се заљубуваат, но тешко ќе го признаат тоа од страв дека другата страна ќе ги повреди. Припадниците на овој знак се многу воздржани поради лошите искуства од минатото, па не се склони да го направат првиот чекор и отворено да покажат дека се заљубени. Тие имаат тенденција да чекаат долго време за да се уверат дека одредена личност е соодветна за нив.
Лав
Лавовите се склони да го посматраат тој што им се допаѓа долго време и ништо не може да им побегне. Не реагираат импулсивно и не се склони да се заљубат во некого штом го видат. Но, штом ќе го направат првиот потег, ќе ја опсипат својата сакана личност со внимание, подароци, комплименти…
Девица
Родените во овој знак веднаш знаат дали некој им се допаѓа како потенцијален партнер или не. Тие се способни брзо да донесуваат одлуки бидејќи многу добро го оценуваат карактерот и ретко прават грешки. Девиците полека се заљубуваат, понекогаш не се ни свесни дека развиле чувства кон некого. Обично ги привлекуваат луѓе кои се малку нејасни и интересни, на нив гледаат како на предизвик.
Вага
Вагите не се заљубуваат така лесно затоа што генерално имаат проблем со донесување одлуки. Постојано мерат и одмеруваат нешто, и така во круг. Често се преиспитуваат: „Дали е ова љубов или не?“, „Дали сум заљубен во оваа личност ?“. На припадниците на овој знак им треба многу време да сфатат дали имаат вистински чувства кон некого или не.
Скорпија
Љубовта на скорпијата е како молња и гром. Припадниците на овој знак кога ќе се вљубат во некого, се чувствуваат како да ги удрил гром – сè е запрено, како светот да престанал да постои. Скорпиите се многу страсни и интензивни и не ги кријат емоциите. Ако некој многу им се допаѓа, нема да се двоумат туку искрено ќе признаат.
Стрелец
Стрелците се склони кон заљубување и авантури. Со оглед на тоа што припаѓаат на групата огнени знаци, во нивната природа е да бидат променливи во сè, па и во романтични моменти. Тие имаат тенденција да менуваат партнери и да бидат страсно вљубени во секој од нив некое време. Брзо пламнуваат и уште побрзо се гасат.
Јарец
Припадниците на овој знак тешко се заљубуваат, но штом тоа ќе се случи, тие сакаат со целото свое срце до крајот на животот. Сакаат личност која сакаат полека да ја освојуваат. Јарците веруваат дека сè што може да се освои пребрзо, навистина не вреди за трудот, вниманието и времето. Тие повеќе ценат кога треба да се потрудат околу некого.
Водолија
Како и стрелецот, така и водолијата брзо се вљубува и брзо се одљубува. Во сето тоа најмногу ги привлекува освојувањето на нешто ново, откривањето, возбудата од заведувањето и самиот почеток на врската. Кога тоа ќе помине, тие губат интерес и бараат нова авантура. За нив, одржувањето длабоки чувства кон некого е речиси невозможна мисија.
Риба
Рибите се постојано вљубени, но не само во партнерот, туку и во други работи кои го прават животот убав и пријатен – добра музика, пријатна средина, патувања… Припадниците на овој знак лесно стануваат зависни од љубовта, тоа ги држи некое време, па се вљубуваат во друг. Рибите се еден од понестабилните знаци на зодијакот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) „Уништен сум, сакам помирување со семејството“ – Принцот Хари откако го загуби спорот
Принцот Хари вели дека сака помирување со остатокот од кралското семејство, во емотивно интервју, во кое рече дека е уништен што ја изгубил правната битка за неговата безбедност во Обединетото Кралство.
Во интервју за „Би-Би-Си“, тој изјави дека моментално не е во контакт со својот татко, британскиот крал Чарлс Трети.
Принцoт рече дека кралот не сака да разговара со него поради безбедносното прашање, но оти тој не сака повеќе да се бори и не знае уште колку долго ќе живее неговиот татко.
Принцот Хари зборуваше за Би-Би-Си откако го загуби случајот за нивото на обезбедување на кое тој и неговото семејство имаат право додека се во Обединетото Кралство.
„Имав многу несогласувања со некои членови од моето семејство, но им простив“, рече тој.
Принцот сакаше да ги промени правилата за неговата безбедност кога ќе дојде во Велика Британија, кои беа воведени кога тој се повлече од кралското семејство и се пресели во Соединетите држави.
Рече дека се чувствува изневерено и го опиша судскиот пораз како „старомоден установен план“ и го обвини Кралското домаќинство за влијание врз одлуката за намалување на неговата безбедност.
На прашањето дали побарал од неговиот татко да интервенира во безбедносниот спор, принцот Хари рече: „Никогаш не барав од него да интервенира – го замолив да се тргне од патот и да ги остави експертите да си ја завршат работата“.
Поразот на суд и тоа што безбедносното прашање за него и неговото семејство нема да се промени значи дека во моментов не може да го донесе семејството во Велика Британија, изјави тој за Би-Би-Си.
„Во овој момент не можам да замислам да ги донесам сопругата и децата во Велика Британија“, вели принцот Хари.
За одлуката рече: „Се чувствувам уништен – не толку од губитокот колку од луѓето кои ја донесоа одлуката, кои сметаат дека ова е во ред. Дали ова е победа за нив?“
Тој продолжи: „Сигурно има некои луѓе таму, веројатно најмногу оние кои ми посакуваат штета, кои ја сметаат оваа одлука за голема победа.“
Принцот Хари рече дека одлуката да му се одземе безбедноста има влијание на него секој ден, и го оставила во ситуација каде што може безбедно да се врати во Велика Британија само ако биде поканет од Кралското семејство – бидејќи во тие околности ќе добие доволно обезбедување.
Тој рече дека промените во неговиот безбедносен статус во 2020 година не влијаеле само на него, туку и на неговата жена, а подоцна и на неговите деца.
Продолжи: „Сите знаеја дека не ставаат во ризик нас во 2020 година и се надеваа дека знаењето на тој ризик ќе не’ натера да се вратиме.“
„Но кога сфаќаш дека тоа не функционира, дали не сакаш да не’ чуваш безбедни?“
„Без разлика дали си влада, Кралско домаќинство, дали си мој татко, моето семејство – без разлика на сите наши разлики, дали не сакаш да се осигураш за нашата безбедност?“, рече принцот.
Кога беше прашан дали му недостига Велика Британија, тој додаде: „Го сакам мојот дом, секогаш сум го сакал, без оглед на тоа што некои луѓе во таа земја го направиле… и мислам дека е навистина трагично што нема да можам да им ја покажам мојата татковина на моите деца.“
Принцот Хари рече дека нема да бара понатамошен правен предизвик, изјавувајќи дека петочната пресуда „докажала дека не постои начин да се победи преку судовите“.
„Сакам некој да ми го кажеше тоа предходно,“ рече тој, додавајќи дека пресудата била „изненадување“.
Забава
Де Ниро проговори за трансродовата ќерка: „Ниеден родител не е совршен…“
Американскиот актер Роберт де Ниро изрази поддршка за својата трансродова ќерка Ејрин.
Де Ниро изјави за „Дедлајн“ дека го сакал и поддржувал Ејрон како свој син, а сега ја сака и поддржува Ејрин како своја ќерка, објави „Гардијан“.
View this post on Instagram
Наведувајќи дека ниеден родител не е совршен, Ејрин им се заблагодари на Де Ниро и на мајка ѝ, моделот Туки Смит, што ја држеле подалеку од очите на јавноста за да може да има нормално детство.
Eјрин претходно даде интервју за онлајн ЛГБТК-списанието „Дем“, во кое опиша како станала трансродова и дека чувствувала извесен страв и вознемиреност поради реакциите на семејството.
„Дел од мене се плаши дека моето семејство можеби сè уште ме гледа како личноста што бев пред транзицијата“, рече таа.
Забава
Ја тренира Ким Кардашјан, а ова се нејзините пет совети за трансформирање на вашето тело
Откријте пет едноставни совети од жената што ја тренира Ким Кардашјан, а кои може да ви помогнат да го трансформирате вашето тело со вежбање само 5 минути на ден. Идеално за почетници!
1. Почнете со мали чекори, постигнувајте големи победи
Грека истакнува дека фитнесот не е спринт, туку маратон. Таа препорачува почетниците да почнат со пет минути вежбање на ден, без разлика дали станува збор за брзо одење, неколку чучнувања или вежби со телесна тежина. Во поткастот на Џеј Шети таа рече: „Можеби нема веднаш да видите резултати, но тоа е во ред. Пет минути на ден во текот на една недела, а потоа десет минути следната недела – мали, доследни чекори водат до трајни промени и го прават фитнесот подостапен за сите.
View this post on Instagram
2. Навиката е поважна од мотивацијата
Наместо да се потпира на мотивација, Грека ја нагласува важноста на посветеноста.
„Луѓето често мислат: Која е поентата? Но, тие пет минути служат за градење навика“, додава таа. Почнувањето со кратки сесии може да помогне во создавање рутина, што ќе се одржи до времето. Како што се навикнувате, постепено можете да го зголемувате времетраењето на вежбањето.
3. Не постои најдобро време за вежбање
Грека верува дека не постои универзално најдобро време за вежбање. Таа препорачува да изберете време што најмногу одговара на вашиот животен стил и енергија. За почетниците, предлага утрински вежби за да се осигури дека тренингот е завршен пред да ги преземат дневните обврски. Таа исто така забележува дека закажувањето вежбање во исто време секој ден помага да се зајакне навиката.
4. Средината за вежбање е важна
Грека препорачува создавање средина што поттикнува вежбање. Ова може да вклучува подготовка на простор за вежбање дома или подготовка на облека за вежбање претходната вечер. „Тоа елиминира уште еден чекор“, објаснува тој.
5. Искористете го она што го имате
За домашни вежби Грека предлага да ја користите сопствената телесна тежина или предмети од домаќинството како опрема за вежбање.
„Можете дури да ги вклучите и децата како реквизити за вежбање, додаде таа на шега.
Ја убил сопругата, па го фатиле на Табановце
МВР соопшти дека попладнево околу 17 часот на граничниот премин Табановце, полициски службеници го лишиле од слобода Н.А. (38) од...
Од Скопје до Охрид ќе се патува час и половина по новиот автопат од Тетово до Гостивар, ама за две години
За две години ќе биде готов новиот автопат од Тетово до Гостивар, рече директорот на Јавното претпријатие за државни патишта...
Обид за убиство и насилство во кочанското село Тркање
Надворешната канцеларија за криминалистички работи при ОВР Кочани поради постоење на основано сомнение за сторено кривично дело убиство во обид...
Сериозно е нарушена здравствената состојба на Александар Вучиќ
Александар Вучиќ ја откажа планираната посета на САД поради влошување на здравствената состојба и побара медицинска помош веднаш по враќањето...
Вучиќ е префрлен во Военомедицинската академија во Белград, се испитува од што му се слошило
Српскиот претседател Александар Вучиќ пристигна во Белград, а веднаш од аеродромот беше префрлен во Военомедицинската академија (ВМА) во Белград, пренесуваат...
Криминално трио ја ограби касата на казиното во Бутел, на двајца браќа им помогнал вработен
Три лица се осомничени за кражба од казино во Бутел, при што биле одземени 1.460.856 денари, соопшти денеска Основното јавно...
Уапсен е зетот на покојниот Зоки Фаци, ја запалил куќата во која живееле сестрата и внуците
Вчера наутро била избегната трагедија во која можело да настрадат станари во зграда во скопската населба Ново Лисиче откако Тодор...
Две години од масовното убиство во „Рибникар“: Тешка трагедија која Србија никогаш нема да ја заборави
Поминаа две години од страшното масовно убиство кога 13-годишно момче уби девет деца и училишен чувар во ОУ „Владислав Рибникар“....
На Александар Вучиќ ненадејно му се слошило, па ја прекина посетата на САД
Српскиот претседател е на пат кон Белград откако синоќа му се слошило при посетата на САД и побарал медицинска помош....
„Мерцедес“ се заби во група пешаци во Штутгард
Автомобил „мерцедес“ денеска удри во група луѓе на пешачки премин во центарот на Штутгарт, Германија, при што се повредени неколку...
Ахмети вели дека ако излезе на улица нема враќање назад, „Вреди“ со коментар дека улицата е на народот, а не на милионерите
Можно е симпатизерите на ДУИ да излезат на улица, вели Али Ахмети, поради случајот со ексминистерот, Крешник Бектеши, кој се...
Америка се повлекува од мировните преговори меѓу Русија и Украина
САД повеќе нема да посредуваат во мировните преговори меѓу Украина и Русија откога Владимир Путин одби да се согласи на...
Караџов за Коридорот 8: Николоски раскажува македонски приказни пред спиење, каде е да го потпише договорот
Имам чувство дека Николоски раскажува македонски приказни пред спиење, коментира вицепремиерот и министер за транспорт, Гроздан Караџов, во врска со...
Мицкоски: Јавниот и државниот долг најниски во последните 5 години
Премиерот Христијан Мицкоски, денеска, одговарајќи на новинарско прашање во однос на нивото на јавниот и на државниот долг и очекувањата...
Скопската ЗОО од утре може да биде затворена, вработените од вчера се и без здравствено осигурување, а плата немаат 45 дена
Доколку не им биде исплатена платата за март на вработените, веројатно скопската Зоолошка градина од утре ќе биде затворена за...
Осум пациенти се враќаат од лекување од Турција, Бугарија и од Словенија, во странство остануваат хоспитализирани 18
Министерството за здравство информира дека денеска уште осум пациенти од повредените во трагедијата во Кочани се враќаат од лекување, од...
Независниот синдикат на полицијата со најава за полициски протест: „Молчењето нѐ донесе под минималецот“
Независниот синдикат на полицијата со најава за полициски протест. „Како што ветивме после првомајската парада, на 2 Мај го најавуваме...
Разузнавачките служби: Целите на Путин се променија
Нови разузнавачки информации споделени од американски и западни претставници сугерираат дека рускиот претседател Владимир Путин го префрлил својот непосреден фокус...
Македонија со пад од шест места на Индексот за слобода на медиумите
Падот на Македонија за шест места на Индексот за слобода на медиумите за 2025 година, објавен од „Репортери без граници“,...
Венс: Војната во Украина нема да заврши набргу
Американскиот потпретседател Џеј-Ди Венс вчера за „Фокс њуз“ изјави дека војната во Украина нема да заврши набргу, а американскиот државен...
