Македонија
СДСМ бара од Арсовска да ја преиспита одлуката за прекин на „Бас Рапид Транзит“
Скандалозен е прекинот на проектот за ефикасен и еколошки транспорт, познат како Бас Рапид Транзит, кој се споведуваше со поддршка од ЕБОР, вреден 70 милиони евра, смета владеејачкиот Социјалдемократски сојуз на Македонија.
Од партијата велат дека целосно невистинити и контрадикторни се оправдувањата кои ги даваат Арсовска и Град Скопје дека на тој начин ќе се загрозела животната средина.
„БРТ проектот е систем кој важи за еден од најеколошките начини на јавен превоз. Според проектот, освен што возилата возат на еколошки погон, за двете траси беше обезбедено двојно повеќе зеленило. Предвидени беа и дополнителни 200.000 евра за соодветно пресадување на дрвја каде што е потребно за да не се загрози ниту едно зеленило. Неговата ефикасност ќе го намалеше обемот на сообраќај, што ќе резултираше со намалување на штетните гасови во воздухот. Втората лага е дека со овој проект се загрозува системот за водоснабдување. Напротив, проектот предвидуваше целосна заштита на цевките за вода што минуваат под трасите на движење на БРТ, со соодветни механизми за заштита“, велат од СДСМ преку соопштение.
Владејачката партија порача дека градоначалничката Данела Арсовска треба да ја преиспита одлуката, бидејќи укинувањето на проектот е на штета на граѓаните и на Градот. Истовремено, со нејзината одлука, велат од СДСМ, се урива угледот на Скопје и државата пред меѓународните финансиски институции.
Според новото раководство на Град Скопје, овој проект кој го започна претходниот градоначалник Петре Шилегов, не е добар за животната средина, го загрозува системот за водоснабдување и се заканува со сеча на голем број дрва во градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Денеска без струја делови од Аеродром, Сопиште и Зелениково
Поради планирани прекини во електро снабдувањето денеска, без електрична енергија ќе бидат следните корисници:
– Во период од 09.00 до 15.00 часот дел од корисниците во Тоар, Ново Село, Градовци, Гумалево, Орешани, Смесница, Тисовица, Дејковци, Добрино, Пакошево. (општина Зелениково)
– Во период од 09.00 до 12.00 часот дел од корисниците од село Горно Соње (кај црквата) (општина Сопиште).
– Во период од 09.00 до 14.00 часот во Поликлиника Јане Сандански (општина Аеродром)
Македонија
Времен прекин на вода за жителите на улицата Васил Стефановски 16 во Скопје
Од ЈП Водовод и канализација – Скопје, изветсуваат дека денеска поради изведување на водоводен приклучок ф-80 мм на ул. Васил Стефановски 16, прекинато водоснабдување ќе имаат корисниците на дел од истата улица.
Водоснабдувањето ќе биде прекинато од 09:00 часот до завршување со работните активности, информираат надлежните.
Македонија
Променливо облачно време со сончеви периоди
Времето ќе биде променливо облачно со сончеви периоди. Наместа ќе има услови за слаб локален дожд. Ќе дува слаб до умерен ветер од јужен правец. Минималната температура ќе биде во интервал од 2 до 13, а максималната ќе достигне од 16 до 20 степени.
Во Скопје променливо облачно со сончеви периоди. Ќе дува слаб до умерен ветер од југоисточен правец. Минималната температура ќе се спушти до 8, а максималната ќе достигне до 20 степени.
Во деновите од викендот ќе се задржи променливо облачно и посвежо време со услови за слаб локален дожд. Потоа следува период на стабилно и тивко време со ниски утрински температури. По одделни котлини ќе има услови за појава на утринска магла.