Свет
Серија земјотреси во Италија – „Се тресеше кратко, но многу силно“
Земјотрес со јачина од 4,4 степени според Рихтер ја погоди северна Италија.
Италијанскиот весник „Република“ пишува дека земјотресот бил почувствуван нешто по 11 и 30 часот во Милано. Се треселе зградите, а луѓето излегле на улиците.
Потресот бил регистриран на длабочина од 26 километри, со епицентар во Бонате Сото во провинцијата Бергамо.
Според податоците од Европскиот медитерански сеизмолошки центар (EMCS), по првиот земјотрес, на истото подрачје се регистрирани уште неколку земјотреси со јачина над четири степени според Рихтеровата скала.
Пред супермаркет се случила полесна сообраќајна несреќа која била предизвикана од паника за време на земјотресот. Евакуирани биле ученици од две средни училишта.
Засега не е познато дали има повредени.
Сведоците на земјотресот ги објавија своите искуства на веб-страницата на ЕМЦС. Така, некои наведуваат дека „се тресело кратко, но многу силно“.
„Чувствував како подот се тресе четири или пет секунди. Јас сум на првиот кат. Слично е на чувството што го доживеав кога бев дете, кога тенкови поминуваа низ улицата за време на воени вежби (1970 година)“, изјави еден корисник.
Други пишуваат дека се треселе прозорците, вратите од плакарите, па дури и дека троседот се поместил, а главно сите наведуваат дека потресот траел до пет секунди.
„Бев на вториот кат од мала станбена зграда. Јасно го почувствував земјотресот. Се тресеше подот што никогаш не сум го почувствувал, а имам 29 години. Предметите на масите вибрираа, но не паднаа и не се превртеа. Ми се чинеше дека интензивно траеше четири-пет секунди плус уште неколку секунди слаби потреси“, изјави друг корисник на веб-страницата на ЕМСЦ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонскиот аеродром Кансаи не изгубил ниту еден багаж за 30 години работа
Јапонскиот меѓународен аеродром Кансаи (КИКС) прославува 30 години работа без да изгуби ниту еден багаж, соопштија од аеродромот.
Седмиот најпрометен јапонски аеродром соопшти дека не изгубил ниту еден патнички багаж од отворањето во септември 1994 година, објави Си-Ен-Ен.
На тој аеродром годишно во просек минуваат од 20 до 30 милиони патници.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.