Соопштенија
Отворени две нови единици на Меѓународниот балкански универзитет

Меѓународниот балкански универзитет официјално ги отвори двете нови единици – Факултетот за дентална медицина, со програма за академски студии за дентална медицина; и Високата медицинска школа, со програми за стручни студии за медицинска сестра и акушерка. Наставната програма на овие две нови единици се спроведува од искусни предавачи и еминентни имиња во медицината од земјата и странство.
„Отворањето на овие две нови единици претставува нова ера за Меѓународниот балкански универзитет, но и за висоокобразовниот систем во нашата држава. Ова е значаен чекор во едуцирање нов квалитетен кадар и во вложување во квалитетни здравствени услуги, а со тоа и придонесот на МБУ кон здравствениот сектор во земјата. Со ова уште потврдуваме дека сме на страна на нашите студенти овозможувајќи им квалитетно стручно образование во областа на денталната медицина, медицинските сестри, акушерство и обезбедувајќи им перспективна кариера. Нашите студенти имаат можност да го стекнат своето знаење во средина што нуди квалитетен професорски кадар, врвна технологија и современ пристап кон изучување на една од најстарите и најблагородни науки“, истакна Ајдован Адемоски, претседател на Управниот одбор на Меѓународниот балкански универзитет.
На официјалното отворање на новите единици на Универзитетот беа присутни претседателот на Големото народно собрание на Република Турција, проф. д-р Мустафа Шентоп, и министерот за здравство, д-р Венко Филипче.
Со цел обезбедување сеопфатна квалитетна едукација на новиот кадар, Меѓународниот балкански универзитет соработува со Универзитетот „Аџибадем“ во Истанбул – Турција и со болницата „Аџибадем Систина“ во Скопје, а во делот на спроведување практична настава на студентите на овие две единици разви соработка со јавните здравствени установи, ГОБ „8 Септември“, Универзитетскиот стоматолошки клинички цетар „Св. Пантелејмон“ и со „Здравствниот дом“ – Скопје.
Факултетот за дентална медицина и Високата медицинска школа со почетокот на академската 2021/2022 година ги примија и првите генерации студенти во нов објект во рамките на универзитетскиот кампус, опремен со најсовремени лаборатории и кабинети, со професионален академски кадар, кој на идните генерации ќе им понуди светски стандард на образование во медицинските и здравствените науки во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
Стил, технологија и слобода во едно, дигитални аксесоари за секојдневно плаќање

Секојдневниот живот веќе одамна не го мериме во чекори, туку во секунди. Брзото станува норма, а едноставното, неопходност. Луѓето денес бараат слобода, движење без прекини, рутини што не ги забавуваат, туку ги следат. Во таков контекст, сè помалку имаме простор за непотребно. Паричниците и документите сè повеќе се претвораат во дигитални решенија кои живеат во уреди, наместо во џебови.
Секој технолошки напредок што ни ја олеснува секојдневната логистика не е само иновација, туку природен одговор на новиот начин на живеење. А токму ваквите мали промени, најчесто носат најголемо ослободување.
Кога часовникот станува паричник
GarminPay е систем за дигитален паричник што им овозможува на корисниците на Garmin паметните часовници да плаќаат бесконтактно и брзо, директно од својот уред. Преку мобилната апликација Garmin Connect, корисниците ги дигитализираат своите дебитни и кредитни картички од Visa и Mastercard, издадени од Халкбанк АД Скопје, и ги поврзуваат со својот часовник.
Плаќањето се врши на сите ПОС терминали што поддржуваат NFC технологија, со едноставно доближување на часовникот до терминалот, претходно внесувајќи лозинка и избирајќи ја картичката со која ќе се плати. Апликацијата Garmin Connect е достапна за преземање од Google Play и App Store, што овозможува лесна и сигурна активација на дигиталниот паричник.
Откако ќе се дигитализираат картичките, корисниците можат да плаќаат брзо и безгрижно, користејќи го единствено својот Garmin паметен часовник.
Кога стилот има функција
Со FidesmoPay, пак, прстените, алките и привезоците се претвораат во дигитални аксесоари за бесконтактно плаќање. Овој модерен и практичен начин на плаќање ви овозможува слобода да се движите без паричник или телефон, носејќи го со себе само стилскиот аксесоар што ве претставува.
Преку мобилната апликација Fidesmo Pay, вашата Mastercard картичка издадена од Халкбанк лесно се дигитализира и се поврзува со избраниот уред, овозможувајќи ви брзи и безбедни плаќања на сите ПОС терминали што поддржуваат NFC технологија.
Уредите може да ги набавите преку официјалните партнери Tapster и Paycelet, а при купување може да искористите попуст со кодот halkbank10 за Tapster и Halk20 за Paycelet.
На овој начин, технологијата и стилот одат рака под рака, носејќи ја иднината на плаќањето директно кај вас.
Сигурност што не прави компромиси
И Garmin Pay и Fidesmo Pay користат напредна технологија со високо ниво на заштита. Во случај на губење на уредот, со неколку клика во апликацијата може веднаш да се паузира или избрише дигиталната картичка. Корисниците дополнително имаат можност да активираат СМС известувања за секоја трансакција, со што се обезбедува постојана контрола.
Во случај на сомнеж за злоупотреба, картичката може да се блокира преку електронско банкарство, во филијала или преку контакт центарот Help24 на Халкбанк.
Иднината не е тренд, туку веќе реалност
Овие решенија не се само модерни, тие се функционални одговори, на новата реалност. Плаќањето станува лично, флуидно и без прекини. Со Халкбанк, бесконтактното секојдневие е тука , прецизно, сигурно и прилагодено на вашиот животен стил.
Следниот пат кога ќе излезете од дома, запрашајте се дали го носите часовникот или прстенот. Картичката? Веќе не ви е потребна.
(ПР)
Соопштенија
АЛКАЛОИД со извоз од 108,4 милиони евра, инвестиции од 10 милиони евра и вкупни консолидирани продажби од 164,2 милиони евра во периодот јануари – јуни 2025

Приходи од продажби
Според единечниот биланс на успех, во периодот јануари – јуни 2025 година продажбите достигнуваат 6.754.023.385 денари, што е за 1 % повеќе во споредба со истиот период од минатата година. Вкупните консолидирани продажби, пак, достигнуваат 10.113.230.177 денари, што е за 7 % повеќе во споредба со истиот период од минатата година.
Во 2024 година остваривме импресивен раст од 15%, што значително ги надмина нашите првични проекции и претставуваше речиси двојно зголемување во однос на планираното за 2024 година. Ваквиот исклучителен резултат во 2024 година постави висока основа за тековната година, при што моменталниот раст е умерен, но е во согласност со предвидената динамика.
Во споредба со планираните продажби за првата половина од 2025 година реализираните се поголеми за 2 %.
Продажби според региони
Консолидираните продажби остварени на домашниот пазар се зголемени за 19 % во споредба со првите шест месеци од минатата година. Како докажан партнер на јавното здравство, компанијата активно учествува во обезбедувањето на најсовремени ретки и специфични терапии преку застапување на производите на светски реномирани фармацевтски производители, обезбедувајќи значајна поддршка за здравствениот систем во земјава. И
ако профитабилноста на овие програми е ограничена, тие значително го зголемуваат учеството на домашниот пазар во вкупните консолидирани продажби. Од вкупните консолидирани продажби 34 % се остварени на домашниот пазар, додека, пак, 66 % се остварени на странските пазари.
Гледано според региони, во земјите од Југоисточна Европа се остварени 28 %, во земјите од Источна Европа (ЗНД, УКР…) се остварени 19 %, а во земјите од Западна Европа (ЕУ и ЕФТА) се остварени 19 % од вкупните консолидирани продажби.
Најголем пораст кај извозните пазари, во споредба со минатата година, бележат продажбите остварени во Холандија, кои се зголемени 6,6-пати; потоа во Австрија, каде што се зголемени 5,3-пати, во Шведска, каде што се зголемени 4-пати, на Јужна Африка, каде што се зголемени 3-пати, како и во Финска каде што продажбите се зголемени 2,8 пати. Потоа следуваат оние во Ирска (раст од 66%), Грузија (раст од 45%), Ерменија (раст од 23 %), во Грција (раст од 17 %), Босна и Херцеговина (раст од 14 %), Германија (раст од 14 %), во Словенија (раст од 10 %), Србија (раст од 10 %), Хрватска (раст од 9 %) итн. Во периодот што следува очекуваме кумулативните пласмани на странските пазари да ги надминат минатогодишните.
Продажби според групи производи
Гледано според групи производи, во структурата на вкупните консолидирани продажби најголемо учество заземаат производите од сегментот фармација, и тоа 91 %. Од нив поголем удел имаат антибиотиците со 23 %, препаратите ОТЦ со 16 %, невролошките препарати со 13 %, кардиолошките препарати со 12 % од вкупните консолидирани продажби итн. Сегментот хемија, козметика и билкарство учествува со 9 % во вкупните консолидирани продажби, поточно хемија учествува со 2 %, козметика со 6 %, а билкарство учествува со 1 %.
Вкупните продажби бележат пораст кај сегментот фармација, додека во Сегментот хемија, козметика и билкарство бележат намалување во споредба со остварените во истиот период од 2024 година. Сегментот фармација бележи раст од 8 %, хемија раст од 15 %, козметика пад од 7 %, а билкарство намалување од 17 %.
Намалувањето на продажбите во сегментите козметика и билкарство во голема мера се должи на намалените и ограничени цени и маржи на речиси целото портфолио во Македонија и во Црна Гора.
Инвестиции
Вкупните инвестиции во основни средства во периодот јануари – јуни 2025 година изнесуваат 615.183.731 денари.
Резултати од работењето
Единечната добивка пред финансиските трошоци, даноците и пред амортизацијата (ЕБИТДА), која изнесува 1.614.311.178 денари, бележи зголемување од околу 10 %, додека, пак, единечната нето-добивка изнесува 941.846.091 денари и е зголемена за 7 %. Консолидираната добивка пред финансиските трошоци, даноците и пред амортизацијата (ЕБИТДА) достигна 1.699.523.384 денари и бележи раст од 9 %, додека, пак, консолидираната нето-добивка во износ од 855.738.395 денари е зголемена за 4 %.
При извршувањето на оперативните активности АЛКАЛОИД АД Скопје ангажираше повеќе од 1.000 домашни добавувачи.
Вработени
Во периодот јануари – јуни 2025 година во АЛКАЛОИД АД Скопје се реализирани 21 ново вработување во РС Македонија.
Со одлука на Управниот одбор на АЛКАЛОИД АД Скопје, во март 2025 година е одобрен и исплатен регрес во висина од 44.500 денари нето-износ за користење годишен одмор за вработените во компанијата. Групацијата АЛКАЛОИД брои 3.027 вработени, од кои 2.269 се во земјава, а 758 се вработени во капитално поврзаните друштва во странство.
Податоци за акциите
Акциите на АЛКАЛОИД АД Скопје котираат на официјалниот пазар на Македонската берза за хартии од вредност од 2002 година и важат за едни од најтргуваните и најликвидните акции на Берзата.
Цената на акцијата во периодот јануари – јуни 2025 година се движеше од 24.000,00 до 31.099,00 денари или просечно 28.140,53 денари за една акција, што претставува раст од 39 % во споредба со просечната цена на акцијата во истиот период од 2024 година. Движењето на цената на акцијата е во рамките на трендот на просечниот годишен раст и се должи на редовното и транспарентно објавување позитивни резултати од работењето на компанијата, позитивното јавно мислење, на довербата во нашите производи, управувањето со Друштвото и на генералниот тренд на движење на глобалните и на регионалните берзи.
На 30.06.2025 година акциите на АЛКАЛОИД АД Скопје беа во сопственост на 6.270 акционери, физички и правни лица, a пазарната капитализација на компанијата изнесуваше 39,7 милијарди денари. На 1 април 2025 година, на Годишното собрание на акционерите, е одобрена пресметка и исплата на бруто-дивиденда за 2024 година во износ од 901.752 илјади денари. Во согласност со дивидендниот календар, во мај 2025 година започна исплатата на дивидендата во износ од 630 денари бруто, односно 567 денари нето за една акција.
Дивидендата од акција за 2024 година е поголема за 16,67 % во однос на исплатената дивиденда од акција за 2023 година.
Бизнис-план за 2025 година
Бизнис-планот за 2025 година, донесен со одлука на Управниот одбор на АЛКАЛОИД АД Скопје на седницата одржана на 27.12.2024 година, предвидува инвестирање на околу 8 % од консолидираните приходи од продажби во материјални и во нематеријални средства, раст од 8 % на консолидираните продажби во однос на реализираните во 2024 година, како и раст од 7 % на консолидираниот профит пред оданочувањето во однос на 2024 година.
Бизнис-планот за 2025 година е базиран на очекувањата, проекциите и на можностите на тековните и на новите пазари и производи достапни за компанијата во моментот на изготвување на Планот.
Околностите и настаните во 2025 година, а со тоа и остварените резултати може да варираат во однос на прикажаните во Бизнис-планот.
Очекувања за претстојниот период Т
рендот на работење во отежнати економски услови, кои беа актуелни во изминатите неколку години, сосема е извесно дека ќе продолжи и во 2025 година. Доминанти предизвици беа инфлацијата и порастот на каматните стапки, кои, сепак, според сите очекувања, би требало да влезат во зоната на стагнација, а можеби и на благо опаѓање.
Секако, глобалните безбедносни кризи ги отежнуваат економскиот амбиент и предвидливоста, што секогаш може да повлијае и врз цените на енергенсите, да создаде тешкотии во синџирите на испораки, но и да повлијае врз достапноста на одредени материјали. Дополнително, потенцијалниот ризик од глобална трговска војна може да предизвика нови покачувања на цените на суровините и да доведе до зголемени трошоци во работењето.
Внимателно го следиме развојот на настаните и преземаме мерки за ублажување на овие потенцијални ефекти. Очекуваме во 2025 година да продолжиме по патеката на континуираниот раст базиран на можностите од нашите тековни инвестиции во нови производствени капацитети и опрема и од вложувањата во развојно-истражувачки проекти, на тој начин создавајќи конкурентно портфолио и можности за ширење на пазарите. За остварување на овие цели ќе продолжиме и со нови вработувања во земјава, но и на странските пазари, притоа континуирано вложувајќи во подигнувањето и во усовршувањето на нивото на знаења и на вештини на нашите вработени и во градењето таленти.
( ПР)
Соопштенија
„Плазма“ и „Роса“ им посакуваат на првачињата успешен почеток на учебната година со подарок пакетчиња

Министерството за образование и наука и ЗЕЛС потпишаа Меморандум со социјално одговорните компании Бамби и Пивара Скопје, според кој над 21.000 првачиња кои ќе го започнат своето школување на 1 септември, ќе добијат подарок пакетчиња со производи од Плазма и Роса.
На овој начин, ЗЕЛС, Министерството за образование и наука и компаниите со општествена одговорност преку своите брендови им посакуваат успешен почеток на најмладите ученици, одбележувајќи го овој важен момент во нивните животи.
Министерката за образование и наука Весна Јаневска изрази благодарност до општествено одговорните компании за покажаната грижа за првооделенците.
„Почетокот на учебната година е посебен и незаборавен момент за првачињата, за прв пат влегуваат во училиште, се сретнуваат со наставници и нови другарчиња, почнуваат да учат, да откриваат, да соработуваат и да бидат одговорни. Ваквите акции им покажуваат на најмладите дека пошироката заедница ги поддржува и ги охрабрува“, рече министерката Јаневска.
Претседателот на ЗЕЛС, Орце Ѓорѓиевски рече дека грижата за учениците е една од основните обврски на општините, како основачи на училиштата.
„Градоначалниците обединети во ЗЕЛС, но и сите како родители и граѓани, сакаме првооделенците да имаат добри сеќавања за првиот училишен ден. Заедно со компаниите кои инвестираат во заедницата сакаме првачињата да почнат на училиште со радост, и ова е добра порака дека ни се важни“, нагласи Ѓорѓиевски.
Директорката за бизнис развој во Бамби, Милица Шетка, рече дека се радува што Плазма се врати во Македонија по предизвиците со кои се соочуваше поради пожарот во фабриката во Пожаревац, поради кој беше запрено производството.
„За нас во Бамби, поддршката на најмладите секогаш била приоритет. Особено во важни животни моменти, како што е поаѓањето на училиште. Посебно ни е драго што, по предизвиците со кои се соочивме поради пожарот во нашата фабрика во Пожаревац, повторно сме тука – и тоа со иницијатива која носи радост. Сакаме овие подароци да бидат симбол на охрабрување и поддршка за секое дете кое го започнува своето патување во светот на образованието. Нашата цел е оваа акција да прерасне во традиција и во Македонија, како што веќе е во Србија.“
Брендот Роса, посветен на здравото растење, се приклучи на оваа иницијатива.
„Длабоко веруваме дека секое дете заслужува да ја започне учебната година со насмевка, поддршка и внимание. Како компанија која расте заедно со заедницата, свесни сме колку е важно првачињата да ја почувствуваат поддршката од сите нас. Затоа, преку брендот Роса станавме дел од оваа иницијатива — за да покажеме дека веруваме во идните генерации и дека сме со нив на секој чекор,“ изјави Огњен Лазиќ, генерален директор на Пивара Скопје.
Подарок – пакетчињата кои содржат ранец, распоред на часови, мозгалка, Плазма бисквити и шишенце Роса ќе бидат дистрибуирани до сите основни училишта низ државата за да ги пречекаат првачињата на 1 септември.
(ПР)