Забава
(Видео) „Дневник за Џордан“ – животни лекции на татко за својот син пренесени на филмското платно
Оскаровецот Дензел Вашингтон се враќа на режисерското столче за драмата A Journal for Jordan („Дневник за Џордан“), приказна за љубов и животни лекции базирана на мемоарите на добитничката на Пулицеровата награда, Дејна Каниди.
Со Мајкл Б. Џордан и Шанте Адамс во главните улоги, филмот говори за тоа како, откако свршеникот на новинарката бил убиен во војната во Ирак, дневникот што го пишувал за нивниот син таа го преточила во есеј, а подоцна и во книга.
Драмата се фокусира на врската помеѓу наредникот Чарлс Монро Кинг и новинарката Дејна Каниди, чиј мемоар „Дневникот за Џордан: Приказна за љубов и чест“ – добитник на Пулицеровата награда за 2008 година – обезбедува материјал за филмот.
Мемоарот е, всушност, дневник од 200 страници напишан од нејзиниот свршеник, наредникот Кинг, за нивниот син. Кинг бил убиен во Багдат еден месец пред завршувањето на неговата должност во Ирак.
Тој заминал на Блискиот Исток пред да се роди Џордан. Водел дневник за својот ангажман во Ирачката војна (2006) – со пораки за синот Џордан, кој имал седум месеци кога починал татко му.
Филмот ги прикажува советите што Кинг му ги напишал на тогашното бебе Џордан и љубовната приказна на парот.
„Го прочитав сценариото и си реков: Има нешто овде, јас ќе го режирам ова“, изјави Вашингтон во едно интервју за „Ројтерс“.
„Сакам луѓето да ја сфатат пораката на овој филм дека… преку љубовта сè е можно“.
„Дневник за Џордан“ доаѓа во кината во САД на 25 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како изгледа денес Роуз од „Два и пол мажи“ која го демнеше Чарли
Хит серијата „Два и пол мажи“ се емитуваше од 2003 до 2015 година, а во главните улоги беа Чарли Шин, Џон Крајер и Ангус Т. Џонс.
Улогата на композиторот и женкар Чарли ја толкуваше Чарли Шин, се до кавгата со продуцентите кога беше заменет со Ештон Качер, а многумина се сеќаваат и на Роуз која со сите сили се трудеше да го освои неговото срце.
Улогата на Роуз ја толкуваше актерката Мелани Лински, која се прослави по оваа улога. Актерката минатата година постигна голем успех во кариерата со улогата во серијата “Yellowjackets”, но и покрај тоа се бореше со „стандардите за убавина“.
Таа изјави за „Њујорк Тајмс“ дека нејзината кариера првично се засновала на сценарија за „дебела пријателка“ или „смешна дебела жена“.
„Луѓето кои ја оценуваат мојата тежина и здравје се приказна за мојот живот уште од премиерата на “Yellowjackets”, напиша таа на мрежата „Х“ и додаде дека „да се биде слаб не секогаш значи да се биде здрав“.
Нејзиниот сопруг ја поддржал, пишувајќи на мрежата „Икс“: „Ако некој има несакани коментари за нечиј изглед, слободно нека ги напише со трајно мастило на челото и нека излезе директно на сонце“.
Забава
Луѓето родени во овие два хороскопски знаци не сакаат да готват
Готвењето е уметност – барем за некои луѓе. Меѓутоа, други секогаш ја избегнуваат кујната и често може да ги фатите како нарачуваат храна од ресторани. Тие луѓе можеби се родени во овие хороскопски знаци.
Водолија
Водолиите се современи визионери, а нивната имагинација често ги надминува секојдневните задачи како што е готвењето. Наместо да поминуваат време на сечкање зеленчук, тие веројатно се зафатени со создавање револуционерни идеи кои ќе го променат светот. Кујната е едноставно преполна и премногу рестриктивна за нив; тие попрво би откриле нови светови отколку да мешаат сосови.
Стрелец
За Стрелците светот е нивна авантура, а кујната е како темнина која едноставно не сакаат да ја истражуваат. Тие се премногу зафатени со мечтаење за нивната следна дестинација или планирање авантури, па кујната често ја нема на нивната мапа. Стрелците ја сакаат слободата и слободата на движење, а готвењето често ги спречува да истражат се што може да понуди светот.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.