Свет
Демонстранти од Гвадалупе против задолжителната вакцинација упаднаа во регионалното собрание
Демонстрантите на француската прекуморска територија Гвадалупе на Карибите упаднаа во Регионалниот совет протестирајќи против потврдите за Ковид-19 и задолжителните вакцини.
Претставниците на Гвадалупе и Париз го осудија потегот велејќи дека тој е неприфатлив и претставува закана за демократски избраното тело.
Претседателот на Регионалниот совет, Ари Чалус, се согласил на средба со претставниците на демонстрантите, објави парламентарниот совет на „Твитер“ по упадот во четвртокот.
На фотографиите што локалните функционери ги објавија на интернет, освен соборената елка во собраниската сала, може да се забележат и демонстрантите со транспаренти „Не е задолжително вакцинирањето“ и „’Не’ за санитарната карта“.
Синдикатите и колективот против експлоатација бараат француската влада да се откаже од мерката со која се предвидува суспензија на невакцинираните здравствени работници и неисплата на плати.
Вакцинацијата е задолжителна за сите француски здравствени работници, а потребна е здравствена пропусница за влез во сите ресторани и други јавни места во Франција.
Мерките наидоа на жесток отпор во Гвадалупе и Мартиник, чии жители долго време се огорчени поради нееднаквостите со француското копно.
Бројот на заразени од коронавирусот повторно е во пораст во Гвадалупе, со што беа продолжени и ограничувањата до 6 јануари, кои вклучуваат носење маски на јавни и на отворени места и здравствени пропусници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.