Македонија
Министерот Спасовски со студентите од Факултетот за безбедност на академско онлајн кафе дружење
Денеска министерот за внатрешни работи Оливер Спасовски традиционално го испи академското кафе заедно со студентите од Факултетот за безбедност, со деканот проф. д-р Никола Дујовски и со професорите од овој факултет.
,,Пандемијата со Ковид-19 и изминатава година во голема мерка го детерминираше начинот на кој живееме и функционираме, како приватно, така и професионално. Да бидам искрен, секогаш со големо задоволство учестувам на сите настани организирани од Факултетот за безбедност, па така и денеска и на овој начин имаме простор со почитуваните професори и со вас, студентите, да поразговаме на сите теми кои заеднички нѐ засегаат, како што се актуелните теми во областа на безбедноста, криминалот, реформите во полицијата, развојот и кариерата на студентите и, впрочем, сѐ она што е ваш предмет на интерес. Со вака добро друштво, убаво избрани теми и ова онлајн кафе, сигурен сум дека ќе имаме пријатно и квалитетно поминато време. Зад нас оставаме уште една тешка година, исполнета со активности во еден дел креирани поради нужност, како одговор во менаџирањето на глобалната пандемија со Ковид-19, но и година во која успеавме да реализираме голем број проекти и активности од институционален и професионален план кои директно влијаат врз квалитетот на животот и безбедноста на сите наши граѓани“, рече министерот Спасовски.
Министерот Спасовски ја искористи можноста да ги информира студентите за сите реализирани проекти и активности од институционален и професионален план изминатиов период, кои директно влијаат врз квалитетот и безбедноста на животот и безбедноста на нашите граѓани, како и да ги запознае одблизу со плановите за Новата 2022 година.
,,Со Факултетот за безбедност низ годините изградивме и имаме исклучително добра и квалитетна соработка во креирање на безбедносните стратегии, обука на персоналот на министерството на сите нивоа што, пак, претставува добра основа за креирање на квалитетни кадри од областа на безбедноста, кои во голем дел ги реализираат своите професионални амбиции во Министерството за внатрешни работи, давајќи општествен придонес во развојот на нашата држава. Затоа, дозволете ми да го заокружам моето обраќање пред вас, честитајќи ви ја Новата година да ви посакам, пред сѐ, добро здравје вам и на вашите семејства, со желба вашата посветеност кон науката и професионалната надградба да бидат проткаени со успешно совладување на новите предизвици, бидејќи успехот сам по себе никогаш не е случајност. Успехот е производ на макотрпна работа, посветеност, но најмногу од сѐ – љубов кон она што сте одлучиле да биде ваша животна определба, ваша професија, бидејќи иднината им припаѓа на оние кои веруваат во своите соништа“, порача во своето обраќање министерот Спасовски посакувајќи им и на професорите успех на личен и на професионален план, со верба дека и во иднина Факултетот за безбедност, како врвно етаблирана институција, ќе продолжи да создава кадри од областа на безбедноста со кои државата ќе се гордее.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Случајот со писмото на Битиќи до компаниите е сличен на „Траекторија“, вели Мицкоски
Шокантно, самобендисано, претенциозно и криминално. Ќе го потсетам господинот Битиќи но и Обвинителството дека за нешто слично се водеше судски процес во минатото наречен „Траекторија“, вака претседателот на ВМРО-ДПМНЕ, Христијан Мицкоски одговори на новинарско прашање во врска со писмото коешто го испратил вицепремиерот Фатмир Битиќи до компанииите кои добиле помош од државата и во коешто бара поддршка за изборите.
„Јас го повикувам Обвинителството да нема двојни аршини и да постапи исто и со господинот Битиќи. Ако не постапи, тогаш се потврдува нашата теза дека имаме работа со октруирано обвинителство, партизирано обвинителство, но наскоро и тоа ќе го ослободиме“, додаде Мицкоски.
Мицкоски исто така додаде дека ова што го направил Битиќи е кршење на членот 353 од КЗ, бидејќи ја злоупотребува положбата со цел да прибави политичка корист.
„Јас ви гарантирам дека истражните органи ќе отворат истрага за ова што го прави Битиќи. Тој во својство на вицепремиер испраќа писма до компании каде што наведува дека, внимавајте јас како вицепремиер ви дадов пари, а сега треба мене да ме гласате на овие избори. Тоа е кршење на членот 353 од КЗ, односно злоупотреба на службена положба и овластувања за прибавување корист, а таа корист е политичка“, рече Мицкоски.
Тој уште еднаш го повика обвинителството да постапи, бидејќи во спротивно ќе се потврди тезата на ВМРО-ДПМНЕ дека Обвинителството е октруирано и партизирано и дека е потребно целосно распуштање на Судскиот совет, на советот на обвинители и проверка на нивните имоти и на нивните семејства.
„Ќе ве потсетам, случајот „Траекторија“ токму за нешто вакво слично се водеше и го повикувам јавниот обвинител, овој новиот, го повикувам него или тие надлежните коишто се, да отворат веднаш истрага. Во спротивно ќе се потврди нашата теза дека имаме работа со октруирано и партизирано Обвинителство и уште еднашка ќе се потврди нашата заложба за целосно распушатање на Судскиот совет, на советот на обвинители и проверка на нивните имоти и на нивните семејства, бидејќи навистина не може македонија понатаму да се развива со вакви луѓе ако тие не постапуваат согласно закон“, нагласи Мицкоски.
Македонија
ДУИ: Изет, на линија со Силјановска и ВМРО, му се заканува на Али Ахмети
„Изет Меџити и албанската опозиција на линија со Гордана Силјановска од ВМРО. Впрочем, истите ја презедоа улогата на „маша“ на Мицкоски против се што е албанско. Недалеку од денеска, губитникот на изборите на 24 април, Изет и неговите партнери се осмелуваат и им се закануваат на Албанците и на лидерот на ДУИ, Али Ахмети, обидувајќи се да внесат страв и неизвесност во пресрет на 8 мај, исто како што тоа го прават Силјановска и Мицкоски“, велат од ДУИ.
„ДУИ и Европскиот фронт изразуваат загриженост за валканиот речник на Изет и албанската опозиција, а истовремено ги повикуваат граѓаните да не станат плен на мрачните и дестабилизирачки агенди со центар во Белград и Москва.
Им ставаме до знаење на Изет и неговите следбеници, дека Северна Македонија е веќе полноправна членка на НАТО и наскоро членка на Европската Унија.
Трасираниот пат и демократските институции не можат да се уништат со полициски закани, а тоа најдобро ќе го дознаете на 8 мај, кога Европскиот фронт ќе освои +20 пратеници.
Во оваа прилика ги повикуваме граѓаните на 8 мај масовно да го заокружат бројот 4 и да го спречат враќањето на полициската држава и истовремено да ја заверат длабоката историска победа на ДУИ и Европскиот фронт“, се наведува во соопштението на ДУИ.
Македонија
Изет Меџити: ДУИ сака да ги повлече Албанците во бездна
„Во страв од поразот кој несомнено ги чека, ДУИ веќе го загуби компасот! Така, нивната единствена цел сега е да предизвикаат политичка криза за да ги спасат корумпираните во нивните редови, обидувајќи се да продолжат со техничката влада повеќе од 100 дена. Целите на Али Ахмети беа јасни и ВЛЕН ја предупреди јавноста од моментот кога со кандидатурата на Бујар Осман, ДУИ умислено ја елиминираше можноста Арбен Таравари да влезе во вториот круг од претседателските избори“, рече Изет Меџити.
„Затоа, денес јавно го прашуваме Али Ахмети:
Дали е вистина дека им наредивте на општинските организации да организираат бојкот на вториот круг од претседателските избори, иако се сретнавте со Стево Пендаровски и му ветивте поддршка? Ако ова е вистина, кажете ѝ на јавноста зошто не ги бојкотиравте претседателските избори во 2019 година? Што се смени од тогаш? Дали стравот од неуспех ви го заматува видот? Или по наредба на руските центри на власта сакате да спречите новото парламентарно мнозинство да обезбеди уставни промени во рок од 6 месеци по формирањето на новата влада?
Зошто работите против интересите на ЕУ и САД? Доволно создадовте магла, одговорете на овие прашања кои се од витално значење за иднината на државата.
Сега кога ќе дојде време да преземете одговорност за корупциските скандали, вие подмолно се обидувате да го злоупотребите целиот албански народ како штит, но и помалите етнички заедници кои ги користите како заложници. Овие трикови веќе видени, не поминуваат.
По 8ми мај ќе има Влада со ВЛЕН како единствен легитимен политички претставник на Албанците, ќе има и мнозинство на Бадентер, ќе се обезбедат основите на Охридскиот рамковен договор и ќе има одговорност за сите што работеа спротивно на законите. Не можете и не смеете заминувањето на ДУИ во опозиција да го претставите како проблем за опстанок на државата. Ова е крајно неодговорно и кукавичко.
Затоа, ве повикуваме да престанете да ги срамите Албанците и славните борци на УЧК. Не е крај на светот ако одиш во опозиција. Како легалисти и демократи со нашиот политички кредибилитет гарантираме дека нема да има реваншизам, туку одговорност ќе има само кога тоа ќе се докаже во правилни судски постапки“, изјави Изет Меџити.