Забава
Двејн Џонсон: Повикот на Вин Дизел да се вратам во „Брзи и бесни“ е манипулација
И покрај тоа што серијалот „Брзи и бесни“ (Fast & Furious) се приближува до крајот на патот, расправијата помеѓу Двејн (Д’рок) Џонсон и Вин Дизел се чини дека е далелу од завршена.
Двете ѕвезди се во јавна кавга од 2016 година кога се судрија на снимањето на „Судбината на бесните“. Оттогаш двајцата разменуваа коментари еден на друг преку објави на социјалните мрежи и интервјуа.
Некој можеби ќе помисли дека обостраната нетрпеливост станува заморна по неколку години, но имајќи ја предвид објавата на Дизел на „Инстаграм“ и неодамнешното интервју на Џонсон за Си-ен-ен, тие очигледно нема да ги подобрат односите набргу.
Во интервјуто 49-годишниот професионален борач, познат по прекарот Д’рок (Карпата), а сега познат актер и продуцент, рече дека стапил во контакт со Џонсон во една пригода изминатото лето и му рекол на Дизел дека нема шанси да ја повтори својата улога како Лук Хобс во Fast & Furious 10.
Дизел подоцна на својот инстаграм-профил побара од Џонсон да се приклучи на популарната филмска сага, но Џонсон ова го нарече пример за манипулација.
„Бев многу изненаден од неодамнешната објава на Вин. Изминатиов јуни му кажав директно дека нема да се вратам во франшизата. Бев јасен и реков дека секогаш ќе бидам поддршка на актерската екипа и секогаш ќе се залагам за успешна франшиза, но дека нема шанси да се вратам“, објасни Џонсон.
„Неодамнешната јавна објава на Вин беше пример за неговата манипулација. Не ми се допадна што ги вовлекува своите деца во објавата. Остави ги надвор од ова. Мојата цел цело време беше да го завршам моето патување со оваа неверојатна франшиза со благодарност и грациозност. Жално е што овој јавен дијалог ја замати водата“.
Во објавата на „Инстаграм“, Дизел го нарече Џонсон помал брат и рече дека неговите деца го нарекуваат Џонсон вујче Двејн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.