Свет
Во Велика Британија за прв пат повеќе од 200.000 новозаразени
Премиерот на Обединетото Кралство, Борис Џонсон, на денот кога таа земја забележа повеќе од 200.000 случаи на инфекција со коронавирус, рече дека сега е време за најголема претпазливост и дека секој што мисли дека битката со ковид е завршена многу греши.
Џонсон на прес-конференцијата призна дека болниците ќе се соочат со зголемени приеми на пациенти поради омикронскиот сој на коронавирус, поради што националната здравствена служба се префрли на „воен распоред“.
Во изминатите 24 часа се регистрирани 218.724 случаи на коронавирус и 48 починати од ковид. Тој број, сепак, ги вклучува податоците за Северна Ирска од претходните четири дена, како и податоците за Велс од претходните два дена.
Ова е првпат Обединетото Кралство да регистрира повеќе од 200.000 случаи во еден ден, а претходниот рекорд беше поставен на 31 декември, кога беа потврдени 188.508 нови случаи, објави Sky News.
Британските медиуми јавуваат дека третата доза од вакцината во изминатите 24 часа ја примиле 141.825 лица, а бустерот досега го примиле 34.363.986 лица, што е 50 отсто постаро од 12 години.
Првата доза од вакцината ја примиле уште 19.158 лица, вкупно 51.820.652 лица, додека 29.295 од нив биле ревакцинирани, со што целосно се имунизирани 47.482.789 лица.
Последните податоци покажуваат дека на 3 јануари на болничко лекување имало 14.210 пациенти, од кои 777 на респиратори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.