Македонија
ВМРО-ДПМНЕ: Ковачевски постави декани на раководни позиции во СДСМ, тоа е спротивно на законот

„Пиунот Ковачевски го компромитира УКИМ, челници на факултети спротивно на закон поставени на раководни позиции во СДСМ.
Пиунот Ковачевски, по стапките на Заев од прв ден почна да крши закони. Ковачевски го погази Законот за високо образование со назначувањето на Мишко Ралев, декан на факултетот за архитектура и дизајн за член на ИО на СДСМ, но и со назначувањето во истото тело на Ана Данева Маркова, која е продекан на медицинскиот факултет.
Ралев и Маркова Данева според закон не смеат да имаат функција во политичка партија, бидејќи функцијата декан и продекан не се споиви со партиска функција, тие се челници на факултети и треба да бидат гарант за независноста и автономноста на факултетот.
Ако намерата на Ковачевски, Ралев и Маркова Данева била искрена тие ќе си поднеле оставки од функциите на факултетите пред да бидат назначени во СДСМ, бидејќи и Ралев и Маркова Данева знаеле и морале да знаат дека тоа што го прават е незаконски. Самиот факт што не го направиле тоа говори дека тие ги злоупотребуваат позициите на факултетите во политички цели.
Ралев и Маркова Данева да си дадат оставки на позициите веднаш и да не ги злоупотребуваат раководните позиции во своите матични факултети во политички цели.
Тоа е политиката на Ковачевски. Злоупотреби и кршење на закони уште од прв ден“.
Соопштение на ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна комуникација со Канцеларијата на Ппретседателот на Владата, ја искористиле можноста и доставиле свои барања и предлози, соопштија од Владата.
Од таму велат дека тоа покажува дека оваа телефонска линија дава резултат и дека Владата е отворена за секаква сугестија и идеја.
„Како Влада преку низа на мерки помагаме за помош на повредените и нивните семејства. Ова е заедничка борба и нема да отстапиме од неа, бидејќи секој граѓанин има право на соодветна здравствена заштита и медицинска нега, токму поради тоа како Влада донесовме одлука за рехабилитација во Пониква на повредените лица кои се во стабилна здравствена состојба, но им е потребна дополнителна медицинска услуга. Тим на лекари од 10 јуни до 20 август во рехабилитацискиот центар Пониква на сите лица ќе им пружат дополнителна медицинска грижа, но и психолошка поддршка“, велат од Владата.
Од таму ги повикуваат и ги охрабруваат сите повредени лица кои се засегнати да се јават на телефонскиот број 070/355-526 и да ги изразат своите барања и потреби.
Македонија
Сончево време, попладне локален дожд

Времето денеска ќе биде сончево со мала до умерена облачност. Попладне ќе има услови за локален развој на нестабилна облачност со пороен дожд и грмежи. Ќе дува слаб ветер од променлив правец. Минималната температура ќе биде во интервал од 12 до 20, а максималната ќе достигне од 26 до 35 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 17, а максималната ќе достигне до 34 степени.
Од денеска следува период на стабилно и сончево време со мала до умерена локална облачност. Дневните температури ќе бидат без значителни промени.
Македонија
Мурал од балкански рис исцртан на фасадата на Театар Комедија

Со мурал од балкански рис и мала прослава, Македонското еколошко друштво вчера го прослави Светскиот ден на рисот.
„Конечно најдовме дом за муралот, најдовме и артист кој го нацрта, и најдовме човек кој има визија и кој е отворен за соработка, а тоа е директорот на Театар Комедија – Дарко Спасов. Целта ни е со овој мурал да ја подигнеме јавната свест, не само на рурално туку и на урбано ниво. Кога работите ќе згуснат ни треба секаква поддршка, од секоја популација“, изјави раководителот на Програмата за закрепнување на балканскиот рис, Диме Меловски.
Тој се заблагодари на поддршката од Театар Комедија и директорот Дарко Спасов.
„Велат исти птици во исто јато летаат“, вели директорот Спасов, кој го изрази своето задоволство од соработката со Македонското еколошко друштво.
Освен муралот на фасадата на Театар Комедија, пред објектот поставена е и инфо табла со основните податоци за рисот, како и QR код кој води до новата интернет страница посветена на балканскиот рис: balkanlynx.com.
По поздравните обраќања, присутните членови и соработници на МЕД, се упатија кон Бистро Комедија каде што во неформална атмосфера имаа прилика да поразговараат за досегашните постигнувања, но и да разменат идеи и предлози за идни активности.