Свет
Поради зимската бура откажани над 2.700 летови во САД
Авиокомпаниите денеска откажаа повеќе од 2.700 летови во САД, поради зимската бура што го погоди источниот брег.
Според сајтот за мониторинг на летови „flightavare.com“, денеска до 12:30 часот по локално време биле откажани над 2.700 влегувања и полетувања од САД, пренесува „Ројтерс“.
Според објавените податоци, повеќе од 1.500 летови се одложени.
„Американ ерлајнс“ има над 600 откажани летови.
Најтешко погоден аеродром во земјата е меѓународниот аеродром во Шарлот, Шарлот Даглас, кој останал отворен до зори, соопштија на брифинг аеродромските власти.
Сепак, повеќе од 1.000 летови до Шарлот денес се откажани, според веб-страницата flightavare.com.
Шарлот е главен воздушен центар во јужниот дел на Соединетите американски држави.
Голема зимска бура со комбинација од силен ветер и мраз го погоди источниот брег на САД, соопшти Националната метеоролошка служба.
Гувернерот на Џорџија, Брајан Кемп, на „Твитер“ напиша дека луѓето треба да избегнуваат патувања кои не се неопходни во областите погодени од невремето.
Гувернерите на Џорџија, Вирџинија, Северна Каролина и Јужна Каролина прогласија вонредна состојба поради снежното невреме.
Десетици илјади корисници останаа без струја во Џорџија, Северна Каролина, Јужна Каролина и на Флорида, објави агенцијата АП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина главниот шеф на пропагандата на Ким Џонг-ун
Почина поранешниот севернокорејски пропагандист Ким Ки-нам, објавија утринава државните медиуми. Имаше 94 години.
Тој почина поради старост и оштетување на органите за кои се лекуваше од 2022 година, објави официјалната агенција КЦНА, а пренесе Би-би-си.
Ким Ки-нам беше водечки пропагандист во Северна Кореја со децении, долго време служеше на владејачкото семејство каде што придонесе за градење на култот на личноста на севернокорејските диктатори.
Севернокорејскиот лидер Ким Џонг-ун присуствуваше на неговиот погреб рано наутро и му оддаде почит на „ветеранот револуционер кој остана безгранично лојален“ на режимот, соопшти КЦНА.
Јужнокорејската новинска агенција Јонхап го спореди со шефот на пропагандата на нацистичка Германија Јозеф Гебелс.
Ким Ки-нам, кој немаше крвно сродство со владејачкото семејство, беше назначен за заменик директор на Одделот за пропаганда и агитација во Пјонгјанг во 1966 година, каде што тесно соработуваше со Ким Џонг-ил, претходникот и таткото на сегашниот лидер Ким Џонг-ун. Ким Ки-нам подоцна дојде на чело на одделот.
Ким Ки-нам наводно бил близок со Ким Џонг-ил, а во 1970-тите бил назначен за шеф на државниот весник Родонг Синмун.
Свет
Масивен ракетен напад врз Украина, Зеленски: „Светот не смее да му даде шанса на новиот нацизам“
Русија рано утринава жестоко ја нападна Украина со проектили и беспилотни летала. Ова го тврди Володимир Зеленски.
„На денот на сеќавањето и победата над нацизмот во Втората светска војна, нацистичкиот Путин изврши масовен ракетен напад врз Украина. Повеќе од 50 проектили и повеќе од 20 беспилотни летала Шахед беа истрелани врз инфраструктурата во Лавов, Виница, Киев, Полтава, Кировохрад, Запорожје и Ивано-Франковск“, објави украинскиот претседател Володимир Зеленски на X.
„Сите служби за итни случаи излегоа на терен и веќе работат на ублажување на последиците од рускиот терор. Цел свет мора да разбере кој е кој. Светот не смее да му даде шанса на новиот нацизам“, порача Зеленски.
Руските воздушни напади утринава првенствено беа насочени кон енергетската инфраструктура низ целата земја, соопштија украинските воени и енергетски претставници.
„Уште еден масовен напад врз нашата енергетска индустрија“, објави на својот канал „Телеграм“ украинскиот министер за енергија Херман Халушенко.
Целите беа објекти за производство и пренос на електрична енергија во регионите Полтава, Кировоград, Запорожје, Лавов, Ивано-Франковск и Виница, додаде тој. Освен регионот Запорожје, сите останати се далеку од линијата на фронтот, која минува низ источниот и југоисточниот дел на Украина.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.