Свет
Обилни дождови во Мадагаскар – десет лица загинаа

Обилните дождови во Мадагаскар предизвикаа поплави во делови од главниот град Антананариво, во кои загинаа 10 лица, а уште 12.000 луѓе останаа без покрив над главата, соопштија денеска властите на таа земја.
Надлежните предупредија на потенцијални одрони во главниот град, со оглед на тоа што се очекува да продолжат врнежите, како и можен циклон кој се приближува до островот во Индискиот Океан, пренесува агенцијата АП.
Претседателот Андри Рајоелина свика итен состанок поради поплавите, соопштија од неговиот кабинет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Русија: Украина го нападна нашиот брег на Црното Море

Русија во петокот објави дека Украина го нападнала нивниот брег на Црното Море во близина на Сочи со ракети и беспилотни летала.
Градоначалникот на Сочи, туристичка дестинација на источниот брег на Црното Море, објави дека украинскиот напад е запрен.
Tourists in Sochi spent the night sheltering in basements and car parks as waves of unknown drones hit the area, reportedly targeting a nearby oil refinery near Adler, the southern district of Sochi close to the Abkhazian border.
The mayor claims a missile attack was repelled,… pic.twitter.com/yxdGxmAGLI
— Shaun Pinner (@olddog100ua) October 17, 2025
Жителите на градот, кој беше домаќин на Олимписките игри во 2014 година, објавуваа на социјалните мрежи за тревогите и експлозиите. Градоначалникот ги повика луѓето да ги избегнуваат плажите и крајбрежните области и да побараат засолниште.
Локалните медиуми објавија дека сообраќајот на меѓународниот аеродром во Сочи е привремено запрен. Нема непосредни извештаи за штети.
Руското Министерство за одбрана соопшти дека 32 украински дронови биле пресретнати над Кримскиот полуостров.
Burning oil depot in #Hvardiyske – view from the highway near #Simferopol 🔥🔥🔥 pic.twitter.com/X4z4t82WLK
— Aurora Borealis 🤫 (@aborealis940) October 17, 2025
Службениците изјавија дека немало штета на електраните или прекини во снабдувањето со електрична енергија.
Германската новинска агенција ДПА цитираше непотврдени извештаи и видеа на социјалните мрежи дека голем објект за складирање нафта во Симферопол, Крим, бил погоден.
фото: принтскрин
Европа
(Видео) Експлозија во станбена зграда во Букурешт: две лица загинаа, 12 се повредени

Силна експлозија потресе осумкатна станбена зграда во Букурешт.
Bucharest, Romania, Now pic.twitter.com/1a4cNKXVlY
— Musat Sorin Mihai (@sorinmihaimusat) October 17, 2025
Според првичните извештаи од властите во романската престолнина, две лица загинаа, а 12 други се хоспитализирани, објави Ројтерс.
An explosion occurred in a residential building in Bucharest, destroying several apartments on the 5th and 6th floors.
Authorities in the Romanian capital confirmed that two people were killed, while another 12 were hospitalized, according to preliminary reports. pic.twitter.com/rxPsE1wIaM
— NEXTA (@nexta_tv) October 17, 2025
Експлозијата искрши прозорци во блиското средно училиште и уништи неколку станови на петтиот и шестиот кат од зградата.
фото: принтскрин
Свет
Марочко: Украинците масовно дезертираат

Околу 160.000 украински војници ги напуштиле бојните полиња во 2025 година, тврди руски експерт.
Според Андреј Марочко, украинската армија се обидува да го реши проблемот со дезертерството со регрутирање млади „високо мотивирани граѓани“ од украинските националистички батаљони.
Од приближно 30.000 војници кои секој месец ги пополнуваат редовите на вооружените сили на Украина, 98% се убиени во рок од неколку месеци служба или добиваат сериозни повреди, а евидентирано е и масовно дезертерство, изјави за ТАСС воениот експерт Андреј Марочко.
Само во септември, околу 20.000 украински војници ја напуштиле воената служба, рече тој, осврнувајќи се на украинските војници активни на социјалните медиуми.
„И има уште една бројка: од почетокот на оваа година имало 160.000 случаи на дезертерство“, додаде тој.
Оние кои се присилно мобилизирани, додаде Марочко, генерално не преживуваат на линијата на конфликтот – 98% од нив се сериозно повредени или убиени на фронтовските линии во првите месеци од службата, повикувајќи се на податоци од спротивната страна.
Исто така, украинските трупи се пополнети со странски платеници „кои немаат никакви морални или етички принципи“ и безусловно ги извршуваат наредбите на своите команданти, додаде експертот.
Фото: принтскрин