Свет
Инвалид го преживеал цунамито во Тонга – пливал 24 часа до соседниот остров
Приказната за граѓанин на Тонга, кој бил зафатен од цунамито и кој пливал меѓу островите повеќе од 24 часа, е една од првите што излегла од оваа островска држава.
Лисала Фолау, пензиониран столар и инвалид, изјави за тонганската радиостаница Broadcom FM дека отпливал од својот остров Атат до два други ненаселени острова и, конечно, стигнал до главниот остров Тонгатапу, кој е на 13-ина километри, пренесува британскиот весник „Гардијан“.
Вели дека се скрил со семејството во источниот дел од куќата бидејќи брановите доаѓале од запад.
По тоа, со внуката се качил на дрвото, а брат му истрчал да побара помош. Но, кога во еден момент брановите стивнале, токму тогаш удрил поголем бран.
„Кога бранот пукна на копното веднаш под нас, јас и внука ми Елисива немавме за што да се држиме и паднавме во морето. Ова беше во 19 часот“, изјави Фолау.
Тој додаде дека после тоа, пливал и дека во еден момент, источно од островот Токио, видел полициски патролен чамец по кој мавтал, но тие не го виделе.
Потоа се обидел да стигне до островот Поло, до кој во неделата пливал од 10 до 18 часот, но таму немало никој, тврди тој, по што решил да се упати кон Сопа, кој се наоѓа на главниот остров Тонгатапу.
Околу 21 часот Фолау стигнал до куќа во Сопа.
Британски „Гардијан“, сепак, не успеа да утврди што се случило со синот и внуката на Фолау со кои бил во Атат.
Сепак, потврдено е дека по цунамито, загинале само три лица, од кои ниту едно не било од Ата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Американците објавија снимка од пресретнувањето на руските авиони, за малку ќе дојдеше до несреќа
Северноамериканската воздушна и вселенска одбранбена команда (НОРАД) објави видео од ескадрила ловци пресретнувачи Ф-16Ц, кои доживеаја инцидент на небото во близина на Алјаска минатата недела.
Имено, пар борбени авиони Ф-16Ц полетале за оперативно да пресретнат пар руски стратешки бомбардери Ту-95 и нивната борбена придружба.
На снимката се гледа дека во еден момент рускиот борбен авион Су-35 изведува маневар на многу кратко растојание од американскиот борбен авион Ф-16Ц, пресекувајќи му го патот.
“On Sept 23, 2024, NORAD aircraft flew a safe and disciplined intercept of Russian Military Aircraft in the Alaska ADIZ. The conduct of one Russian Su-35 was unsafe, unprofessional, and endangered all – not what you’d see in a professional air force.” – Gen. Gregory Guillot pic.twitter.com/gXZj3Ndkag
— North American Aerospace Defense Command (@NORADCommand) September 30, 2024
Порталот „Воена зона“ пишува дека ова е најблиската средба меѓу руските и американските пилоти откако стратешкиот бомбардер Б-52 доживеа сличен инцидент со Русите во 2020 година над Црното Море.
Свет
По ураганот Хелен бројот на загинати се искачи на 130 во шест американски сојузни држави
Уште два смртни случаи беа потврдени во Тенеси како резултат на ураганот Хелена, со што бројот на загинати се искачи на 130 во шест американски сојузни држави.
Градоначалникот на Вашингтон ја потврди најновата вест, но и додаде дека во тој дел од земјата се уште се трага по 17 лица.
Според моментално достапните информации, најмногу жртви на ураганот има во Северна Каролина (56), потоа Јужна Каролина (30), потоа Џорџија (25), Флорида (11), Тенеси (6) и две лица во Вирџинија.
Поразителните бројки велат дека во Ешвил, Северна Каролина, дури 600 луѓе се водат за исчезнати.
Потрагата ја отежнува и тоа што градот е поплавен, а изгубен е и опсегот на мобилни телефони, но и струјата.
– Има уште многу луѓе до кои треба да дојдеме, така што тоа е приоритет. Но, ние сме, исто така, во ситуација кога немаме вода и струја во повеќето области, и ни требаат ресурси како што се вода за пиење и храна и други предмети за домаќинството и личните предмети што им требаат на луѓето“, рече градоначалникот на Ешвил, Естер Манхајмер.
Според извештаите, американскиот претседател Џо Бајден треба да го посети тој град за да го види степенот на ужасот што го донесе ураганот со себе.
Свет
(Видео) Снимен моментот кога Израелците го нападнаа Либан
Политичкото раководство во Тел Авив во ноќта меѓу понеделникот и вторникот донело одлука израелската копнена армија да влезе во Либан во операција која, како што велат, е временски и обемно ограничена и нема намера да го окупира јужен Либан.
Операцијата „Северна стрела“ беше одобрена од безбедносниот кабинет, а израелската армија синоќа почна, како што тврдат, „локализирани и насочени напади“ врз цели на Хезболах во јужен Либан.
Објавено е видео од самиот почеток на влегувањето на ИДФ во Либан.
Целите се наоѓаат во селата во близина на границата и „претставуваат непосредна закана за израелските заедници во северен Израел“, се додава во соопштението на ИДФ.