Свет
„Фокс њуз“: Наредена е евакуација за семејствата на вработените во американската амбасада во Украина
„Фокс њуз“ објави дека на семејствата на персоналот на американската амбасада во Киев им било наредено да почнат да ја напуштаат земјата веќе в понеделник.
Стејт департментот на САД не го потврди тоа.
Портпаролот на Стејт департментот за „Спутник“ изјави дека граѓаните на САД „треба да бидат свесни за извештаите дека Русија планира значителна воена акција против Украина“.
„Ако се донесе одлука да го промениме нашиот однос кон американските дипломати и нивните семејства, американските граѓани не треба да очекуваат евакуација спонзорирана од американската влада. Моментално се достапни комерцијални летови“, изјави портпаролот за Спутник.
Соопштението дојде набргу откако новинар на Фокс њуз објави на Твитер, цитирајќи неименувани американски претставници, дека Стејт департментот „наредува семејствата на персоналот на американската амбасада во Украина да почнат да ја напуштаат земјата в понеделник“.
Според Фокс њуз, исто така се очекува и Стејт департментот да ги охрабри Американците да почнат да ја напуштаат Украина со комерцијални летови, „додека тие се уште се достапни“.
Си-Ен-Ен во петокот објави дека американската амбасада во Украина се обратила до Стејт департментот со барање да им се дозволи на секундарниот персонал да ја напушти земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Путин нареди регрутирање на 133.000 нови војници
Рускиот претседател Владимир Путин нареди да се регрутираат нови 133.000 војници во есенското регрутирање, кое започнува на 1 октомври и трае до крајот на годината, а според шефот на канцеларијата за регрутирање, регрутите нема да одат на боиштата во Украина.
Декретот на Кремљ, објавен во вчерашниот руски државен весник „Росијскаја газета“, повикува на мобилизација на граѓаните „на возраст од 18 до 30 години, кои не се во резерва и се предмет на воена служба во согласност со федералниот закон (…) во износ од 133.000 луѓе.“ .
Шефот на руската канцеларија за регрутирање, вицеадмирал Владимир Цимлјански изјави дека условите за регрутирање остануваат исти – 12 месеци стаж во воените единици во Русија.
„Би сакал да забележам дека регрутите нема да бидат поканети да учествуваат во специјална воена операција во новите региони“, го цитира весникот рускиот вицеадмирал.
Русија ја нарекува војната во Украина, која започна со инвазијата во февруари 2022 година, специјална воена операција. Киев и неговите сојузници тоа го нарекуваат брутална агресија и неиспровоциран, империјалистички обид за заземање на земјата.
Во потег што го осуди поголемиот дел од западниот свет, Русија анектираше делови од југоисточна Украина кон крајот на 2022 година, нарекувајќи ја земјата „нови региони“, потсетува Ројтерс.
Наведувајќи ги зголемените закани на западните граници на Русија, Путин нареди во септември руската војска да се прошири за 180.000 војници на 1,5 милиони активни војници, што ќе ја направи втора по големина во светот по кинеската.
Свет
(Видео) Тројца загинати, 15 повредени во напад со нож во Шангај
Три лица загинаа, а 15 се повредени во напад со нож во супермаркет во Шангај вчера, јави државната новинска агенција Ксинхуа.
Жртвите веднаш биле пренесени во болница, но тројца од нив починале. Напаѓачот, 37-годишен маж со презиме Лин, бил приведен од полицијата која добила дојава за инцидентот во 21:47 часот по локално време.
Истрагата е во тек.
Шанхай хотод нэгэн эр супермаркетад хүмүүс рүү хутга барин дайрч, гурван хүний аминд хүрч, 15 хүн шархадсан тухай орон нутгийн хэвлэлүүд мэдээлжээ.
Хэргийн газарт цагдаа нар ирж сэжигтэн 37 настай Лин гэгчийг баривчилжээ. pic.twitter.com/EqHF5Niyb2— Хүрлээ.Д (@Hurlee2) October 1, 2024
Со текот на годините, Кина бележи зголемување на инцидентите со прободување во јавноста, при што властите честопати обвинуваат за ментална болест, според Ројтерс.
Децата во училиштата често се мета, а во септември 10-годишен јапонски ученик беше смртно избоден со нож на неколку метри од своето училиште во јужниот кинески град Шенжен.
Тој инцидент, заедно со нападот со нож во јуни врз двајца јапонски државјани во Сужоу, голем град во источна Кина, предизвика загриженост за безбедноста кај членовите на јапонската заедница во Кина.
Инцидентите со прободување се ретки во Шангај, но не без преседан. Во 2022 година маж рани 15 луѓе во голема болница, а една година подоцна беше осуден на смрт, потсетува Ројтерс.
Свет
Бајден за инвазијата на Израел врз Либан: Загрижен сум повеќе отколку што знаете, би сакал да престанат
Американскиот министер за одбрана Лојд Остин синоќа разговарал со израелскиот министер за одбрана Јоав Галант, соопшти американското Министерство за одбрана. Според соопштението, тие се согласиле за „потребата да се разбие нападната инфраструктура“ долж границата за да се осигура дека либански Хезболах не може да изврши напади врз северните израелски заедници, како оној на 7 октомври минатата година.
Остин повтори дека е потребно дипломатско решение за да се осигура дека цивилите можат безбедно да се вратат во своите домови од двете страни на границата.
Израелската војска во вторникот потврди дека започнала ограничени, локализирани и насочени напади врз цели на Хезболах во пограничната област на јужен Либан. Војската соопшти дека израелските воздушни сили и артилерија ги поддржуваат копнените сили со прецизни напади врз воени цели. Таа исто така рече дека целите се наоѓаат во селата во близина на границата и претставуваат непосредна закана за израелските заедници во северен Израел.
Минатата недела Израел го отфрли предлогот на САД и Франција за 21-дневен прекин на огнот со цел дипломатско решение што ќе им овозможи на раселените цивили од двете страни да се вратат дома. Американскиот претседател Џо Бајден, кој имаше мал успех обидувајќи се да го спречи Израел да ги нападне Хезболах или Хамас, повика на примирје.
„Загрижен сум повевеќе отколку што можеби знаете и посакувам да престанат“, им рече Бајден на новинарите на прашањето за инвазијата на Израел на Либан. „Сега ни треба примирје“.