Забава
Дејвид Бекам: Мојата сопруга секој ден јаде истa храна
Викторија Бекам се придржува кон одреден режим на исхрана веќе 25 години, откри Дејвид, кој се пошегува на сметка на својата сопруга.
47-годишната модна дизајнерка, која е во брак со поранешниот фудбалер Дејвид Бекам од 1999 година и со него ги има Бруклин (22), Ромео (19), Круз (16) и Харпер (10), многу ретко отстапува од диетата со риба и зеленчук.
„За жал, оженет сум со некој што секој ден јаде исто во последните 25 години. Откако ја запознав, јаде само риба на скара и зеленчук на пареа, многу ретко отстапува од тоа“, вели фудбалкската легенда.
Поранешната ѕвезда на „Манчестер јунајтед“ откри дека неговата сопруга, која се прослави како член на култниот поп-бенд „Спајс грлс“ во 90-тите, еднаш ја прекршила својата строга диета кога била бремена со Харпер. Тој ова го опиша како една од неговите омилени вечери.
Говорејќи на поткастот River Cafe Table 4, тој рече: „Единствениот пат кога таа го промени менито беше, всушност, кога беше бремена со Харпер и тоа беше неверојатно вкусно. Тоа беше една од моите омилени вечери. Не можам да се сетам што беше, но знам дека оттогаш не сум ја видел да јаде нешто слично“.
Дејвид потоа откри дека потајно сака да биде сам дома затоа што тоа значи дека може да јаде што сака.
„Неодамна бев во самоизолација пет дена бидејќи се вратив од Италија, родителите на Викторија имаа забава и јас не можев да одам таму. Така, сите беа надвор од куќата и јас потајно уживав“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Безос, еден од најбогатите луѓе во светот, открива како го почнува денот: Не сум толку продуктивен како што мислите
Џеф Безос, основачот на „Aмазон“ и еден од најбогатите луѓе во светот, откри кој утрински ритуал секогаш го следи, а кој му помага да постигне успешен ден.
Безос, чие богатство се проценува на 204 милијарди долари, беше гостин во поткастот на Лекс Фридман во декември 2023 година, каде што размислуваше за својата продуктивност и за начинот на размислување што го доведе до успех.
Милијардерот објасни дека секое утро одвојува малку време да се опушти пред да почне со своите обврски. Тој објасни дека кога станува од креветпт, првин пие кафе и многу бавно се придвижува.
„Не сум толку продуктивен како што мислите. Читам на мојот телефон некое време, го читам весникот некое време, разговарам со Лорен, го пијам првото кафе. Се движам прилично бавно во првите неколку часа“, објасни тој.
Безос објасни дека рано си легнува и рано станува додавајќи дека му требаат осум часа сон за да биде попродуктивен. Инаку, неговата свршеница Лорен Санчез во интервју за магазинот „Пипл“ откри дека омилен дел од денот ѝ е утрото, кое го поминува со Безос, и дека времето го поминуваат во разговор.
Забава
Кралот Чарлс првпат во животот седна на ручек, создадена историска фотографија
Кралот Чарлс воведе нова рутина во своето секојдневие, како што открива „Дејли мејл“, британскиот монарх првпат во животот почнал да одвојува време за ручек откако целиот свој живот го прескокнувал средниот оброк, наводно сметајќи го за луксуз. На интернет се шират фотографии од неговиот наводно прв ручек, а Британците одат чекор понатаму тврдејќи дека тоа е историски момент.
Кралот Чарлс исто така тврдеше дека нема доволно време во својот напорен распоред за да си дозволи време за ручек.
👑 The King has started to incorporate a light lunch into his daily schedule, according to reports
Read more here 👇https://t.co/hovtdXwzZh pic.twitter.com/IP5kavTYow
— Telegraph Royal Family (@TelegraphRoyals) October 6, 2024
По наредба на неговата сопруга, како и на советник и лекар, тој неволно почнал да јаде среде бел ден за да има доволно енергија. Кралот Чарлс, кој закрепнува од рак, инсистира дека за ручек ја има најздравата, но и најмодерна ужина што постои.
„Тој ја прифати препораката да јаде нешто за време на ручекот – всушност закуска. Јаде половина авокадо за да му даде сила. Ова е многу важно, особено ако сте болни“, рекол изворот за „Дејли мејл“.
Познато е дека кралот Чарлс се храни здраво, дека инсистира на органски произведена храна, а особено сака јајца. Тој пред три години за Би-би-си изјави дека два дена во неделата избегнува месо и риба, а во тие денови избегнува и млечни производи.
Том Паркер Боулс, критичар на храна, откри дека кралот има штедлив пристап кон подготовката на оброците.
„Сè се рециклира. Ако нешто остане, ќе се направи нешто друго или ќе се појави на менито следниот ден. Ништо не се фрла“, откри тој.
Во најновата книга за историјата на храната во кралското семејство тој открива дека мајка му, кралицата Камила, јаде каша секој ден, ручекот ѝ е лесен – пилешка супа или чаден лосос, а Чарлс за појадок јаде суво овошје и мед, а претпочита ручек попладне.
„Забавите со чај отсекогаш биле спектакл за нив. Сите се собираат, а на масата нема само колачи и слатки, туку и сендвичи. Можеби ќе добиете дури и поширани јајца“, откри Паркер Боулс.
Забава
Леонардо ди Каприо се одмора во Рим со својата 26-годишна девојка и со мајка му, носел маска во градот
Леонардо ди Каприо е фотографиран со девојката Виторија Серети во Рим.
Двојката се упати кон Италија откако Виторија направи неколку ревии на Модната недела во Париз. Фотографите ги фатија актерот и манекенката како се гушкаат по скалите, а потоа и на романтична вечера во еден од рестораните.
Леонардо и 26-годишната Виторија претходно во Рим ги виделе најголемите знаменитости. Актерот најчесто се шетал на улиците со маска за лице. Мајката на актерот, Ирмелин Инденбиркен, и очувот Дејвид Вард се одмораат со познатиот пар во Рим.
49-годишниот актер веќе некое време престојува во Италија. Многумина веруваат дека тој сака да избега од скандалот што ја тресе Америка.
Ди Каприо, всушност, се најде во фокусот на јавноста поради наводните снимки, кои откриваат дека се дружел со Диди. Се дозна дека Ди Каприо бил омилен гостин на забавата на Диди. Во клип од 2018 година, кој неодамна беше повторно објавен, „Вог“ го праша Диди кој е број еден на неговата листа на гости за неговите „бели забави“. Тој одговори: „Леонардо ди Каприо“.
Објавени се и фотографии од „белата забава“ во 1998 година, на кои актерот се смее и пуши. Сепак, извор близок до Ди Каприо вели дека актерот со години не бил во контакт со Диди, иако има докази дека двајцата заедно присуствувале на Демократската национална конвенција на 29 јули 2004 година и дека актерот бил на забавата на Диди за 50. роденден.