Свет
Џонсон и Путин разговараа за Украина – каков било упад ќе биде погрешен и трагичен

Британскиот премиер, Борис Џонсон, му рекол на рускиот претседател, Владимир Путин, дека каков било упад во Украина би бил трагичен и погрешен, соопштија од кабинетот на Џонсон за време на нивниот денешниот телефонски разговор.
„За време на разговорот со рускиот претседател, премиерот изрази длабока загриженост поради актуелната непријателска активност на Русија на украинската граница“, изјави портпаролот на британската влада, пренесува „Ројтерс“.
Како што е наведено, Џонсон укажал на потребата да се најде начин напред што ќе ги почитува и територијалниот интегритет на Украина и правото на самоодбрана.
Британскиот премиер исто така нагласи дека секој натамошен упад на Русија на украинска територија би било трагична погрешна пресметка.
„Лидерите се согласија дека влошувањето не е во ничиј интерес. Премиерот ги истакна важноста на дијалогот и дипломатијата, како и потребата да се вклучи Украина во преговорите.
Џонсон и Путин ја поздравија неодамнешната билатерална комуникација за прашања, како што се климатските промени, Иран и Авганистан, и се согласија да го применат овој дух на дијалог на актуелните тензии со цел да се најде мирно решение, се вели во соопштението на кабинетот на британскиот премиер.
Пред повикот, кој требаше да се одржи на почетокот на оваа недела, но беше одложен затоа што Џонсон се бори против повиците на домашната политичка сцена да поднесе оставка, портпаролот на Кремљ гои исмеваше британскиот лидер и глупавоста и незнаењето на британските политичари, според „Ројтерс“.
Официјален Путин потврди и дека Путин и Џонсон во текот на денешниот разговор детаљно размениле мислења за внатрешната украинска криза, пренесува ТАСС.
„Путин, меѓу другото, ги разгледа клучните пристапи на Русија по ова прашање, а особено беше истакнато дека Киев хронично ги саботира договорите од Минск“, се наведува во соопштението на Кремљ.
За време на разговорите со британскиот премиер, рускиот претседател ја забележал и неподготвеноста на НАТО адекватно да одговори на загриженоста на Москва во однос на безбедносните гаранции, соопшти прес-службата на Кремљ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Грозоморната сцена покажува колку била ужасна несреќата: автобус излета од патот во близина на Чачак, има загинати

Рано утрово, околу 6:40 часот, на државниот пат I Б, на делницата помеѓу Чачак и Краљево, во близина на местото Бресница, се случила тешка сообраќајна несреќа во која загинал еден маж, додека две лица се тешко повредени, известуваат српските медиуми.
Според првичните информации, во несреќата учествувале автобус и патничко возило. Според неофицијални информации, несреќата се случила кога автобусот, откако се судрил со автомобил, излетал од патот и удрил во столб од далновод.
Едно лице почина на местото на настанот, додека две лица беа тешко повредени и префрлени во Општата болница во Чачак. Лекарите моментално вршат дијагностика, а еден од повредените е на скенер, објави српски Телеграф.
Снимките од местото на настанот покажуваат дека несреќата била ужасна.
фото: принтскрин
Европа
(Видео) Поранешен сојузник на Путин: Рускиот претседател му даде сигнал на Трамп дека е подготвен да ја заврши војната

Протераниот руски олигарх, Михаил Ходорковски изјави дека Владимир Путин му сигнализира на Доналд Трамп дека е подготвен да постигне договор за Украина, но предупредува дека цената на таков мир може да биде отстапување територија на Русија, објави Скај њуз.
Појавувајќи се во емисијата „Sunday Morning with Trevor Phillips“, Ходорковски рече дека верува оти секој договор може да вклучува отстапување територија на Русија.
Exiled Russian oligarch Mikhail Khodorksky tells Sky's @TrevorPTweets he believes Putin has signalled to Trump he's ready for Ukraine deal.
Watch the full interview on Sunday Morning with Trevor Phillips at 8:30am
📺https://t.co/ScTAmfw8BG
Read more: https://t.co/61I7PcdgKb pic.twitter.com/HUgn57m7iG— Sky News (@SkyNews) October 19, 2025
„Имам впечаток дека Путин му испратил сигнал на Трамп дека е подготвен за договор“, рече тој.
„Путин сака да го добие целиот Донбас, оние делови што сè уште не ги окупирал“, рече тој, но исто така предупреди дека рускиот претседател можеби сака да обезбеди територијални придобивки во источна Украина со цел да „дестабилизира ситуацијата“ во остатокот од земјата.
„Веќе почнав да се сомневам во Путин, но…“
Ходорковски, исто така, изрази сомнежи за способноста целосно да се разберат стратегиите на американските и руските лидери, среде шпекулациите за претстојната средба меѓу Трамп и Путин во Унгарија.
„Веќе почнав да се сомневам во разбирањето на Путин и што тој навистина сака“, рече тој, додавајќи дека „никогаш немал поим“ за Трамп, ниту се обидел да го разбере.
Ходорковски, поранешен шеф на нафтениот гигант Јукос, кој помина повеќе од една деценија во руски затвор, а сега живее во Лондон, исто така упати остра критика за дипломатската способност на Велика Британија да одговори на маневрите на Кремљ.
Тој тврдеше дека Министерството за надворешни работи ја изгубило својата длабока експертиза за Русија, оставајќи ја Велика Британија неспособна да влијае врз Москва или да ја поддржи руската опозиција.
„Она што денес ѝ недостасува на Велика Британија е експертизата за Русија што ја поседуваше пред околу 30 години“, рече тој. „Би имало смисла Велика Британија да се вклучи и во дијалог со луѓе кои имаат знаење и експертиза и кои се природни сојузници на британската влада“. Тој ја повика министерката за надворешни работи Ивет Купер да ја зајакне улогата на Велика Британија не само во поддршката на Украина, туку и во активното ангажирање со руските дисиденти како стратешка лост против Путин.
На прашањето колку долго рускиот претседател би можел да остане на власт, Ходорковски одговори: „Мислам дека со вршење психолошки притисок врз Путин, со создавање низа проблеми што Путин мора сам да ги реши… а консолидацијата на опозицијата е еден од тие проблеми – сето ова е всушност можност да се изврши притисок врз клучната точка на овој конфликт. А клучната точка е самиот Путин.“
Ходорковски рече дека ризикува доживотен затвор ако се врати во Русија, додавајќи дека Кремљ неодамна поднесе дополнително обвинение против него, за кое верува дека „може да значи и насилство употребено против мене надвор од Русија“.
И покрај ризиците, тој останува фокусиран на прекинување на војната во Украина. „Запирањето на оваа војна… би било многу поважно отколку да се чека уште неколку години Путин да ја напушти сцената“, заклучи тој.
фото: принтскрин
Свет
Америка предупредува на „неизбежен“ напад на Хамас врз цивилите во Газа

Американскиот Стејт департмент денес предупреди за „неизбежен“ напад од страна на исламистичката милитантна група Хамас врз палестинските цивили во Газа.
„Овој планиран напад врз палестинските цивили би претставувал директно и сериозно кршење на договорот за прекин на огнот и би го поткопал значајниот напредок постигнат од медијаторите“, соопшти Стејт департментот.
САД соопштија дека ги информирале покровителите на мировниот план за Газа за „веродостојни извештаи“.
Прва фаза од прекинот на огнот
Во тек е првата фаза од мировниот план, посредуван од САД, меѓу Израел и Хамас, која се состои од прекин на огнот и размена на заложници и затвореници.
„Доколку Хамас нападне, ќе бидат преземени мерки за заштита на луѓето од Газа и зачувување на интегритетот на прекинот на огнот“, соопшти Стејт департментот.
фото: принтскрин