Забава
Закерберг се закани дека ќе ги угаси Фејсбук и Инстаграм во Европа
![](https://makfax.com.mk/wp-content/uploads/2022/02/0_Facebook-and-Instagram-could-be-banned.jpg)
„Мета“ може да ги затвори социјалните мрежи Инстаграм и Фејсбук во Европа доколку на компанијата не ѝ се дозволи да обработува податоци на европски корисници на своите сервери во САД, промена која моментално е под лупа на регулаторите.
Според сегашните договори, „Мета“ смее да ги процесира податоците на своите европски корисници во седиштето во САД, но правилата за пренос на податоци се под надзор на Европската Унија и би можеле да се променат.
Медиумите што објавија дека „Мета“ навестува гасење на Инстаграм и Фејсбук во Европа потсетуваат дека штитот за приватност ЕУ-САД беше рамка што ја регулираше трансатлантската размена на лични податоци и им дозволуваше на американските компании полесно да ги добиваат личните податоци на субјектите на ЕУ во склад со правото на ЕУ за приватност. Меѓутоа, Европскиот суд на правдата го прогласи договорот за неважечки во јули 2020 година, но не го запре преносот на податоци додека се развива нова рамка.
Во текот на својот годишен извештај, извршниот директор на „Мета“, Марк Закерберг, предупреди дека ако новата рамка што се развива повеќе не ѝ дозволува на компанијата да ги користи постоечките договори или слична алтернатива, таа „веројатно“ повеќе нема да може да ги обезбедува своите производи и услуги кон регионот.
„Мета“ нагласува дека нејзината способност да споделува податоци меѓу земјите и регионите е од клучно значење за услугите и насоченото рекламирање да бидат оперативни.
Ако компанијата не може да продолжи да пренесува податоци меѓу регионите, ќе мора да ги затвори Фејсбук и Инстаграм во Европа, објави „Еуроњус“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Развод на хоризонтот: Џенифер Лопез ужива во Италија додека Бен го поминува времето со својот син
![](https://makfax.com.mk/wp-content/uploads/2024/06/Screenshot-2024-06-21-080202.jpg)
Додека светските медиуми не престанат да пишуваат за нејзиниот наводен неодамнешен развод, пејачката Џенифер Лопез реши да отпатува во Италија со своите пријатели, оставајќи го дома својот нерасположен сопруг Бен Афлек.
Афлек е фотографиран од папараците како оди без бурма на раката и го поминува слободното време во Лос Анџелес дружејќи се со својот син Семјуел, кого го однел на возење со електричен мотор.
За тоа време Џеј Ло ужива со пријателите во Позитано, Италија, каде е фотографирана како се релаксира на јахта во светло жолт комбинезон.
„На Џени и е доста од се и навистина се обидуваше околу бракот, но не може повеќе. Не станува ништо подобро, само се влошува. Бен е секогаш мрзлив и несреќен, едноставно е невозможно да се живее со него“, рече извор од музичката индустрија за Дејли Мејл и откри дека се откажала од својата турнеја за да го спаси бракот.
Сепак, бракот очигледно не се подобрува, а сега е предоцна за турнејата, па Џеј Ло реши деновите да ги помине во друштво на луѓе кои ќе и го подигнат расположението.
„Тоа е најпаметното нешто што можела да го направи“, „Нејзините постапки треба да ни бидат пример на сите. Таа не треба да трпи никого, дури ни со сопругот“, „Уживајте, кралице“, „Значи, вака изгледа тоа нејзиното ‘ќе поминувам повеќе време со семејството’“, се само дел од коментарите на социјалните мрежи.
Забава
Зошто Роналдо секогаш има црн лак на нозете: постои добра причина
![](https://makfax.com.mk/wp-content/uploads/2024/06/ronaldo-1.jpg)
Кристијано Роналдо објави фотографија на Инстаграм на која позира со својот 13-годишен син Кристијано Џуниор во домашната теретана, а еден детаљ им падна во очи на навивачите. Имено, забележале дека има црн лак на нозете, а за тоа има добра причина.
Роналдо нанесе заштитен слој од специјален лак за да ја намали можноста за појава на габи или бактерии на неговите нокти.
Познатиот фудбалер не е единствениот кој ги бои ноктите на нозете. ММА борците, тркачите и боксерите нанесуваат слој заштитен лак на нозете, но фудбалерите се особено подложни на габични инфекции околу ноктите на нозете бидејќи секојдневно поминуваат часови и часови потејќи се во копачки и се повеќе склони кон повреди на прстите.
Забава
Српскиот херој на мечот против Словенија од трибините го бодреше најубавата Србинка
![](https://makfax.com.mk/wp-content/uploads/2024/06/sofija-milosevic.jpg)
Натпреварот меѓу Србија и Словенија го следеше најпознатата српска жена на фудбалер, Софија Милошевиќ. Партнерката на фудбалерот Лука Јовиќ покажа фотографии од стадионот каде пристигна облечена во неговиот дрес.
Софија многумина ја нарекуваат најубава Србинка, долги години се занимава со манекенство, а денес е сопственичка на моден бренд. Двојката е заедно до 2019 година, а имаат два сина: Теодор и Алексеј. Јовиќ има уште еден син од врската со Анѓела Маниташевиќ.
И токму Јовиќ ги спаси Србите од пораз со гол во последните секунди од играта, со што се израмни на 1:1, па заврши нерешено.