Свет
Захарова: На Украинците им е потребна територијата на Донбас, не и жителите
На украинските власти не им требаат жителите на Донбас, туку само празна територија со ресурси, изјави портпаролката на руското Министерство за надворешни работи, Марија Захарова.
„Јасно ни е каква опасност би им се заканувала на жителите на тој регион во случај режимот на Киев да го оствари својот сон – тие, едноставно, би биле уништени. Тоа го потврди и претседателот Зеленски кога неодамна рече: „Кој не го сака Донбас, што значи да живее според правилата на Киев, нека си ги спакува куферите и нека си оди“. Не им требаат луѓе што би живееле во една украинска држава, им треба празна територија со ресурси, ослободена од оние луѓе што не дозволија да бидат потчинети“, рече Захарова на редовниот брифинг со новинарите.
Конфликтот во источна Украина трае речиси осум години, а за тоа време, според податоците на ОН, загинале над 13.000 луѓе, а речиси 44.000 биле повредени.
Соединетите Американски Држави и другите земји од НАТО ги подгреваат тензиите во Донбас со снабдување на Украина со оружје и испраќање воени инструктори.
Москва постојано бараше регионот да престане да пумпа оружје бидејќи тоа би можело да го поттикне Киев на воени авантури.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.