Македонија
(Видео) Талевски: СДСМ ја покачи минималната плата на 18.000 денари – лекција за ВМРО-ДПМНЕ
Пратеникот на СДСМ Миле Талевски од собраниската говорница истакна дека и во услови на пандемија Владата не ги запре капиталните инвестиции во патната инфраструктура и обезбеди раст на платите.
Во време на светска економска и здравствена криза, обезбедивме раст на платите тоа е лекција по економски патриотизам за ВМРО-ДПМНЕ, истакна Талевски, додавајќи дека 80.000 работници од 1 први април ќе земат мартовска плата од најмалку 18.000 денари, што е во просек 45 евра повеќе евра за секој.
Талевски нагласи дека ова е двојно покачување во однос на 2016 година година и го повика ВМРО-ДПМНЕ да одговори зошто упорно ја држеше плата на 8.900 денари и не сакаше да слушне за покачување.
Го слушаме Трајко Славески дека ќе имало штрајкови низ целата земја, ако се покачеле платите, замислете граѓаните ќе штрајкуваат против зголемена плата, кој апсурд, но ако мислел на партиски протести тоа не е за изненадување, само партија како ВМРО-ДПМНЕ може да протестира за зголемување на платите, рече Талески.
Тој рече дека за покачувањето на минималната плата се обезбедени субвенции за околу 130.000 граѓани кои ќе земаат повисоки плати во своите фирми преку покривање на придонесите и нагласи дека нашата држава предничи со уделот на висината на минималната плата во просечната плата.
Сето ова ги потврдува заложбите против сиромаштијата и поддршка за животниот стандард на граѓаните, и во исклучително тешка година, Владата останува посветена на финансиската поддршка на граѓаните, порача пратеникот на СДСМ Миле Талевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.