Македонија
Бочварски: Браната Отиња се гради според предвиденото темпо
Градежната агенда во реализација на капиталните проекти продолжува со силна динамика. Подигнувањето на квалитетот на живот на нашите граѓани останува приоритет на Владата, изјави министерот за транспорт и врски, Благој Бочварски, кој денеска изврши увид во изградбата на браната Отиња во Штип.
Овој капитален проект, за кој инвестираме 306 милиони денари, а чија изградба започна во јули 2021 година, е еден од многуте кои преку Министерството за транспорт и врски во овој момент се реализираат во источниот регион од земјата.
Министерот Бочварски оствари средба со изведувачот кој го запознаа со деталите на процесот при изградба на оваа брана.
„Можам со големо задоволство да констатирам дека изградбата на овој голем проект за Штип и Штипјани тече со посакуваното темпо. Наближува денот кога браната ќе ја отвориме за нашите граѓани, кога ќе се исполни сонот на многу генерации Штипјани. Дури и во зимски услови, градежната компанија активно и навремено ги извршува своите градежни активности. Физичката реализација на терен изнесува над 10 проценти, а рокот за нејзино завршување е до крајот на 2023, почетокот на 2024 година и уверени сме дека ќе биде завршена според предвидениот договор.“ – изјави министерот Бочварски.
Средствата за овој проект се обезбедени преку буџетот на Министерството за транспорт и врски.
До крајот на овој месец, исто преку буџетот на Министерството, ќе започне изградбата на водоводна мрежа, доводен и потисен цевковод, пумпна станица и електрични инсталации во населбите Блок 77 и Каваклија во Штип.
„Договорите со компанијата изведувач и компанијата за надзор се веќе потпишани. Очекуваме во текот на наредната недела да бидат воведат во работа, со што овој значаен проект за жителите на населбите Блок 77 и Каваклија ќе почне да се реализира на терен. Инвестициската вредност на проект изнесува 8,5 милиони денари и истиот треба да биде завршен во текот на летните месеци оваа година.“ – изјави Бочварски.
Во однос на реконструкцијата на патната инфраструктура во градот Штип, преку Министерството за транспорт и врски годинава ќе се реконструираат улиците 5-ти
Конгрес, Браќа Даневи и улицата Солидарност, од проектот за Поврзување и санација на локални улици и патишта во општините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.