Свет
Заклучоци на Европскиот совет: Русија ќе одговара за своите постапки
Европскиот совет остро ја осудува неиспровоцираната и неоправдана воена агресија на Руската Федерација против Украина.
Со своите незаконски воени дејства Русија грубо ги крши меѓународното право и принципите на Повелбата на ОН и ги поткопува европската и глобалната безбедност и стабилност.
Европскиот совет нагласува дека ова го вклучува правото на Украина да ја избере својата судбина.
Русија сноси целосна одговорност за овој чин на агресија и сето уништување и загуба на животи што ќе ги предизвика.
Таа ќе одговара за своите постапки.
Европскиот совет бара Русија веднаш да престане со воените дејства, безусловно да ги повлече сите сили и воена опрема од целата територија на Украина и целосно да ги почитува територијалниот интегритет, суверенитет и независноста на Украина во нејзините меѓународно признати граници.
Европскиот совет ги повикува Русија и вооружените формации поддржани од Русија да го почитуваат меѓународното хуманитарно право и да престанат со нивната кампања за дезинформации и сајбер-напади.
Европскиот совет изразува жалење за трагичната загуба на животи и човечки страдања предизвикани од руската агресија. Ние стоиме во солидарност со жените, мажите и децата, чии животи беа погодени од овој неоправдан напад. Ги повикуваме Русија и вооружените формации поддржани од Русија да обезбедат безбеден и непречен хуманитарен пристап и помош на сите оние на кои им е потребна.
Европскиот совет исто така силно ја осудува вмешаноста на Белорусија во оваа агресија против Украина и ја повикува да се воздржи од таква акција и да се придржува до нејзините меѓународни обврски.
ЕУ реагира бргу и решително на руското признавање на самопрогласените сепаратистички ентитети на Украина и распоредувањето на нејзините вооружени сили со усвојување рестриктивни мерки како одговор.
Европскиот совет денеска се согласува за дополнителни рестриктивни мерки, кои ќе наметнат огромни и тешки последици врз Русија за нејзините дејства, во тесна координација со нашите партнери и сојузници.
Овие санкции ги опфаќаат финансискиот, енергетскиот и транспортниот сектор, стоките со двојна употреба, како и контролата на извозот и финансирањето на извозот, визната политика, дополнителните списоци на руски поединци и новите критериуми за вклучување.
Советот без одлагање ќе ги усвои предлозите подготвени од Комисијата и високиот претставник.
Европскиот совет повикува на итна подготовка и усвојување натамошни пакет-индивидуални и економски санкции, во кој ќе биде вклучена и Белорусија.
Европскиот совет ја повторува својата непоколеблива поддршка за независноста, суверенитетот и територијалниот интегритет на Украина во нејзините меѓународно признати граници.
Ги повикуваме сите земји да не ги признаваат двата самопрогласени сепаратистички ентитета и да не им помагаат на кој било начин.
ЕУ е обединета во својата солидарност со Украина и ќе продолжи да ги поддржува Украина и нејзиниот народ заедно со нејзините меѓународни партнери вклучувајќи дополнителна политичка, финансиска, хуманитарна и логистичка поддршка и меѓународна донаторска мрежа.
По одлуката на шефовите на држави или влади на ЕУ во декември 2016 година, Европскиот совет ги признава европските аспирации и европскиот избор на Украина, како што е наведено во Договорот за асоцијација.
Европскиот совет цврсто верува дека употребата на сила и принуда за промена на границите нема место во 21 век.
Тензиите и конфликтите треба да се решаваат исклучиво со дијалог и дипломатија. ЕУ ќе продолжи да соработува тесно со своите соседи и ја повторува својата непоколеблива поддршка и посветеност на суверенитетот и територијалниот интегритет на Грузија и Република Молдавија.
Ќе ја продолжи силната координација со партнерите и сојузниците во рамките на ОН, ОБСЕ, НАТО и Г7.
Европскиот совет повикува на континуирана работа и подготвеност на сите нивоа и ја повикува Комисијата особено да претстави итни мерки, вклучително и оние поврзани со енергетиката.
Европскиот совет ќе продолжи да се занимава со ова прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Укинат притворот за петмина осомничени за смртта на 16 лица на железничката станица во Нови Сад
Апелациониот суд во Нови Сад го укина притворот на петмина осомничени во истрагата за фаталното уривање на настрешница на железничката станица во Нови Сад на 1 ноември, кога загинаа 16 лица, објави судот.
Судот донесе одлука со која делумно ги прифати жалбите на адвокатите на обвинетите во кривичната постапка во врска со трагедијата во Нови Сад, која предизвика бран повеќемесечни протести и обвинувања за корупција и лошо извршување на работите за неодамнешната реконструкција на станицата.
Меѓу првично уапсените, судот веќе претходно го укина притворот на поранешниот министер за градежништво Горан Весиќ, а со нова измена на одлуката, уште петмина обвинети беа ослободени од притвор, против кои ќе се примени електронски надзор и тримесечна забрана за напуштање на станот, како и забрана за користење на телефон, интернет и прием на други лица во станот.
Кон крајот на минатата година, беше поднесено обвинение против 13 лица, но судот го врати на понатамошна истрага.
Меѓу обвинетите се поранешната вд директорка на Српската железничка инфраструктура Јелена Танасковиќ, поранешниот министер за градежништво, транспорт и инфраструктура Горан Весиќ и неговата помошничка Анита Димовски, како и поранешниот генерален директор на Српската железничка инфраструктура Небојша Шурлан.
Тие се обвинети за кривични дела против јавната безбедност и предизвикување јавна опасност. Во обвинението се товарат и неколку инженери, проектанти и лица одговорни за изградба, контрола и надзор.
Свет
Израел укинува некои ограничувања во земјата: „Порака за победа над Иран“
Израелската влада ги одобри препораките на војската за ублажување на домашните ограничувања, што министерот за одбрана Израел Кац ги опиша како „порака за победа“ над Иран. По состанокот со претставници на Израелските одбранбени сили (ИДФ) и Командата за цивилна одбрана, Кац објави дека ограничувањата ќе почнат да се укинуваат почнувајќи од вечерва.
„Со зголемените воени операции против Иран за елиминирање на заканите, ќе ја отвориме економијата повторно, постепено ќе ги укинеме ограничувањата за населението и ќе го вратиме Израел на патот на нормално функционирање и безбедност“, рече Кац. Тој додаде дека одлуката за повторно отворање на економијата е „порака за победа над иранскиот непријател“.
„Тие доаѓаат да предизвикаат штета и да го запрат животот, додека ние ги напаѓаме, го заштитуваме нашето население и во исто време постепено ја отвораме економијата и погодените области, сè во согласност со безбедносните проценки“, рече тој.
Одлуката на Кац доаѓа откако Иран испали околу 30 ракети кон Израел во понеделник вечерта. Овие помали напади ги натераа некои воени аналитичари да заклучат дека израелските напади врз иранските места за лансирање балистички ракети и складишта ја ослабнаа способноста на Иран да изведе посериозен контранапад.
Институтот за проучување на војната, американски тинк-тенк со седиште во Вашингтон, вчера објави дека Израел „веројатно ги намалил капацитетите на Иран за извршување балистички напади“.
Свет
(Видео) Иранците се фалат дека го собориле дронот „Хермес“
Иранската државна телевизија емитуваше снимка на која наводно се гледа соборен израелски дрон „Хермес“ во централната иранска покраина Исфахан.
Iran appears to have finally managed to down its first aircraft with the Israel Air Force, a “Hermes 900” Long-Endurance Tactical Drone, which they claim to have downed last night over the Isfahan Province of Central Iran. Footage from Iranian state-run media appears to confirm… pic.twitter.com/rAgF7tHo6G
— OSINTdefender (@sentdefender) June 18, 2025
Во видеото, новинар стои пред тешко оштетениот дрон. Си-ен-ен не можеше независно да ја потврди снимката.
Израелските одбранбени сили соопштија дека кон беспилотно летало на израелските воздухопловни сили била испукана ракета земја-воздух и дека потоа дронот „паднал во Иран“.
Преспанци ќе добијат можност сами да предложат како да се уредат 30 локации на кои досега на диво трупаа ѓубре
Купишта ѓубре безмалку на секоја улица и силна смрдеа ги пречекуваат и оние малкумина туристи што ќе одлучат да ја...
Нормализиран сообраќајот на патниот правец Маврово – Дебар
Од 15:05 часот сообраќајот на регионалниот пат Р-1202, Маврово – Дебар, кај местото викано „Ростушко анче“ е нормализиран, извести АМСМ....
(Видео) „Истрагата за Кочани се спроведува неселективно и во целост, а Филипче и ‘шарените’ знаат само да злоупотребуваат трагедии“, вели Манасиевски
„Истрагата за Кочани од страна на МВР е спроведена во целост и без поштедување кого било, како што тоа во...
Новиот министер за хаосот со паркингот на Клинички: Имаме идеи, сè уште немаме решение
Краткорочно имаме идеи, сè уште немаме решение, но работиме на тоа и веруваме дека за кратко време ќе бидете известени,...
(Видео) „Фирмата и сопругата на Салтировски донатори на ВМРО-ДПМНЕ, ете зошто власта ги штити“, вели Кузеска
„Македонија се соочува со најголемата измама и обид за затскривање на вистината за најголемата трагедија која се случи во поновата...
Од денес до петок – пороен дожд, грмежи и засилен ветер
Од денес до петок во попладневните и во вечерните часови ќе биде нестабилно со пороен дожд, грмежи и засилен ветер,...
Шефот на иранската атомска енергија: Нуклеарните централи се во добра состојба и покрај нападите
Иранските државни медиуми денес објавија неколку кратки изјави од страна на службеници задолжени за нуклеарната и за енергетската инфраструктура. Шефот...
Арсовска: Не биди ѓубре, не биди криминалец, не биди Јулијана
Ако се прашувате зошто со месеци и години има проблеми со собирање на комуналниот отпад во Скопје, одговорот е поради...
Евакуирани првите македонски државјани од Израел
Министерството за надворешни работи и надворешна трговија информира дека првата група македонски државјани, кои побараа евакуација од територијата на Израел,...
МОН го зголемува бројот на ученици во средните стручни училишта
МОН го зголемува бројот на упис на ученици во средните стручни училишта. Од речиси 28.000 места во учебната 2025/2026 година...
Филипче за Мицкоски: Слаб говор, лоши пораки
Лидерот на СДСМ, Венко Филипче, оцени дека премиерот Христијан Мицкоски, на 35-годишнината од основањето на ВМРО-ДПМНЕ, имал слаб говор и...
Мицкоски: Сите функционери во нашата партија мора да бидат свесни дека ова што го работиме не е лична игра, туку служба
ВМРО-ДПМНЕ е продолжение на историското ВМРО, основано во 1893 година, кога нашиот народ, иако под туѓи потчинувања и под притисоци,...
Уште еден случај на семејно насилно – скопјанец со возило се обидел да ја прегази сопругата, па ја истепал
Уште еден случај на семејно насилство во Скопје, сопруг се обидел да ја прегази сопругата со автомобил, кога не успеал,...
Трамп: Нема да го убиеме иранскиот лидер, барем не засега
Претседателот на САД, Доналд Трамп, објави низа пораки на социјалните мрежи во врска со Иран, вклучувајќи една во која бара...
Кремљ: Руската понуда сè уште е на маса, но Израел засега не е заинтересиран за мирно решение
Кремљ изјави дека гледа дека Израел не сака посредништво во конфликтот со Иран, кој влегува во својот петти ден по...
40-годишен скопјанец ја истепал мајка си: со тупаници ја удирал по лицето и телото и ја гризел, предложен притвор
Основното јавно обвинителство Скопје поведе постапка против 40-годишен скопјанец за кого постои основано сомнение дека извршил кривично дело – Телесна...
Шефицата на американската разузнавачка служба: Иран не гради нуклеарно оружје; Трамп: Не ме интересира што кажала
На летот при враќањето од самитот на Г7 во Канада американскиот претседател Доналд Трамп повторно инсистира дека Иран е многу...
Опасна најава од Израел: „Ќе видите некои изненадувања што операцијата со пејџерите ќе ви се чини едноставна“
Израел сè уште има некои изненадувања во ракавот во борбата против Иран, изјави израелскиот амбасадор во САД, Јехиел Лајтер. Тој...
Истепал и влечел девојче по улица, кога дошла полицијата, се заканил дека ќе ги нападне со секира и тесла: предложен притвор за 23-годишен велешанец
Основното јавно обвинителство Велес поведе постапка и предложи определување мерка притвор за едно лице осомничено за кривично дело – Насилство...
(Видео) Ако Обвинителството не отвори постапка за Филипче за луксузниот џип, ќе докаже дека работи под негов диктат, вели Мицевски
„Ако ЈО не отвори постапка за Филипче за луксузниот џип, ќе докаже дека работи под негов диктат. Филипче добил луксузен...
