Свет
Украинската војска: Планираа сѐ да биде завршено за 15 дена, не верувајте им

Украинската армија тврди дека пронашла документи за кои тврди дека се доказ оти Русија однапред планирала дека воената операција во Украина ќе трае 15 дена.
На фејсбук-страницата на операцијата на здружените сили објавени се фотографии од документи, вклучувајќи работни графикони, борбени мисии, табела за повици, табела за контролни сигнали, скриена контролна табела, список на персонал за кој се верува дека припаѓа на руската армија.
„Благодарение на успешните акции на една од единиците на вооружените сили на Украина, руската армија губи не само опрема и сила туку и во паника остава тајни документи. Да, нашиот диспечер ја пронајде планската документација на една од единиците на 810. посебен баталјон на Црноморската морнарица на Руската Федерација.
Врз основа на добиените информации, познато е дека документите планирани за војната со Украина биле одобрени на 18-22 јануари, а операцијата за окупација на Украина да заврши во рок од 15 дена, односно од 20 февруари до 6 март.
Непријателската единица мораше да слета од ВДК „Орск“ во реонот на населбата Степанивка-1 и да продолжи да дејствува со воените единици на 58. армија на Руската Федерација, односно со 177. посебна единица на Руската морнарица. Крајната цел на овие сили била блокада и преземање контрола над Мелитопол.
Така, кога еден од затворениците уште еднаш ќе каже дека дошол да учи и се изгубил – не верувајте! Знаеле, внимателно планирале и се подготвувале. А ние ќе им кажеме едно на руските окупатори: оставете ги вашата опрема и тајни документи. Ќе ни требаат првин за нашите бранители, а потоа и за Хаг“, напишаа на социјалната мрежа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во Албанија активни се 14 пожари, горат големи површини

Албанскиот министер за одбрана Пиро Венгу потврди дека во земјата 14 пожари се уште се активни и зафаќаат големи површини.
Во објава на социјалните мрежи, наведува дека во гаснењето на неколкуте големи пожар на југот на земјата, освен противпожарни единици, армиски, полициски сили и доброволци, вклучени се и хрватски и шведски авион „Канадер“.
Венгу додава дека се очекува пристигнување на два хеликоптери од воздухопловните сили на Обединетите Арапски Емирати, уште еден „Канадер“ од Грција и два хеликоптери од европскиот механизам од Чешка и Словачка.
Свет
Израелското преземање на Газа би предизвикало катастрофа, предупредува Советот за безбедност на ОН

Спроведувањето на израелскиот план за преземање контрола врз градот Газа на истоимената палестинска територија, каде што Израел војува речиси две години, се заканува да предизвика нова катастрофа што би се почувствувала во целиот регион, предупреди денеска високиот функционер на ОН Мирослав Јенча.
Јенча, заменик-генерален секретар на ОН за Европа, Централна Азија и Америка, на вонредната седница на Советот за безбедност на ОН во врска со овој план изјави дека во Појасот Газа се одвива хуманитарна катастрофа од големи размери.
Тој рече дека преземањето контрола врз градот Газа може да предизвика нова катастрофа во целиот Појас, предизвикувајќи понатамошно присилно внатрешно раселување и убивање цивили.
Израелскиот план беше остро осуден од претставникот на Словенија во Советот за безбедност и поранешниот министер за надворешни работи, Самуел Жбогар.
Во говорот во име на Данска, Грција, Франција и Словенија, тој рече дека секој обид за анексија, проширување на воените операции и кршење на меѓународното право дополнително ќе ги изложи на опасност сите цивили во Газа, вклучувајќи ги и преостанатите Израелци, заложници на милитантното исламистичко движење Хамас.
Свет
Силен земјотрес регистриран во западниот дел од Турција

Земјотрес со магнитуда од 6,1 степени е регистриран денеска во западна Турција во регионот Баликесир, соопшти Агенцијата за управување со катастрофи и вонредни состојби при Министерството за внатрешни работи на Република Турција (АФАД).
Земјотресот е почувствуван и во Истанбул и низ целиот регион на Мармара и Егејот.
Епицентарот на земјотресот бил на длабочина од 11 километри, на 52 километри од градот Баликесир.