Свет
Путин: Сите задачи за уништување на воената инфраструктура во Украина се речиси завршени
Претседателот на Руската Федерација, Владимир Путин, одлуката за специјална воена операција во Украина ја нарече тешка.
„Одлуката за специјалната операција беше многу тешка. Луѓето во Донбас не се кучиња скитници, годишно се убиваат 13-14 илјади луѓе“, рече претседателот на Русија.
Тој додаде дека наводите дека Русија нема да ги почитува договорите од Минск се „театар на апсурдот“.
„Украина има нуклеарна и ракетна надлежност уште од советско време. Луѓето кои се борат и ги положуваат своите животи се борат за нашата иднина“, рече Путин.
Тој посочи дека раководството на Киев мора да сфати дека, доколку продолжат во истиот дух, ќе се појави прашањето за украинската државност.
Путин испрати порака и до раководството во Киев.
„Денешното раководство во Киев мора да разбере – ако продолжат во истиот дух, ја доведуваат во прашање иднината на украинската државност, а ако тоа се случи, тоа целосно ќе биде на нивната совест“, рече тој.
Според него, постојат многу различни опции за демилитаризација на Украина. Тие се на преговарачка маса со Киев, се надеваме на позитивна реакција“, рече Путин.
Претседателот на Русија рече дека се обиделе да го решат конфликтот во Украина на мирен начин.
„Требаше да му се дозволи на Донбас да зборува руски и да живее на свој начин, но тие организираа блокада.
Тој додаде дека Русија не планира да воведе вонредна состојба.
„Не планираме да воведеме вонредна состојба, нема потреба од тоа“, рече тој.
Според него, во руската специјална операција во Украина учествуваат само офицери и изведувачи.
Како што наведе, „работата за уништување на воената инфраструктура во Украина е речиси завршена“.
„Операцијата се одвива според планираното од Генералштабот“, прецизираше претседателот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.