Свет
(Oд минута во минута) Путин бара да се исполнат руските барања за прекин на огнот, пропадна обидот за евакуација
Единаесетти ден на руската инвазија на Украина
Клучни настани:
- И денешниот обид да се организира хуманитарен коридор од Мариупол не успеа, а проруските сепаратисти и Украинската национална гарда меѓусебно се обвинуваат за кршење на привременото примирје
- Едоган повика на итен прекин на огнот, Путин му одговори дека прво Украина треба да престане да се бори
- Зеленски до Западот: Ако не ни дадете авиони, сакате да не’ убијат
- Блинкен рече дека Украинците имаат план за континуитет на власта дури и ако Зеленски биде убиен
- Украина објави дека преговарачот Киреев загинал во специјална задача, негирајќи ги инормациите дека бил убиен оти бил руски шпион
- СЗО објави дека во Украина биле нападнати неколку болници
- OН: Најмалку 364 цивили убиени во руската инвазија од кои 25 деца
Развојот на настаните следете го на Макфакс:
21:52 САД и Полска размислуваат за испраќање на борбени авиони за Украина
Соединетите Држави „активно размислуваат“ за договор со Полска за испраќање полски борбени авиони од руско производство во Украина, потврди американскиот министер за надворешни работи Антони Блинкен.
Украинските пилоти знаат како да летаат со борбени авиони од руско производство, а Америка би можела за возврат да испрати свои заменски авиони во Полска, рече Блинкен.
21:29 Украинците: Русите ќе се обидат да го освојат Киев во следните неколку дена
Вадим Денисенко, советник на министерот за внатрешни работи на Украина, вели дека Русите ќе се обидат да го освојат Киев во следните неколку дена.
„Руските окупатори собраа доволно сили во близина на Киев и ќе се обидат да го освојат главниот град во следните неколку дена“, рече Денисенко.
Vadym Denysenko, advisor to interior minister of Ukraine:
“Russian occupiers gathered sufficient troops near Kyiv and will try to seize the capital in the next few days.”
— The Kyiv Independent (@KyivIndependent) March 6, 2022
21:24 Градоначалникот на Ирпин: Пред мои очи беа убиени две деца и двајца возрасни
„Семејство почина. Две деца и двајца возрасни починаа пред моите очи“, напиша тој.
21:07 Украински преговарач: Отворени сме за модел по кој нема да влеземе во НАТО
Украина нема да прави компромиси за нејзиниот територијален интегритет во преговорите со Русија, но е подготвена да преговара за не-НАТО модел за иднината на земјата, изјави Давид Арахами, еден од преговарачите на Украина, за „Фокс њуз“.
20:57 Повеќе од милион украински бегалци влегле во Полска
Денеска во 20 часот бројот на луѓе кои избегале од Украина во Полска надмина еден милион, соопшти полската гранична полиција.
„Тоа се милион човечки трагедии, милион луѓе протерани од своите домови поради војната. Милион луѓе кои откако ја преминале границата слушнале „безбеден си“, соопшти полската гранична полиција.
#Pomagamy??
Dzisiaj o godz.20.00 liczba osób,które uciekły z Ukrainy??do Polski?? przekroczyła milion.
To milion ludzkich tragedii,milion osób wygnanych z własnych domów przez wojnę.
Milion osób,które po przekroczeniu granicy usłyszały od #funkcjonariuszeSG „Jesteście bezpieczni” pic.twitter.com/gFUmOoHrbX— Straż Graniczna (@Straz_Graniczna) March 6, 2022
20:52 Русија: Дозвола за полетување на украински авиони е директен конфликт
Секоја земја што ќе одобри користење на нејзините аеродроми за украински авиони за напади врз Русија може да се смета за земја во конфликт, изјави денеска портпаролот на руското Министерство за одбрана Игор Конашенков.
Тој ја обвини Романија дека дозволува вакви полетувања.
20:22 Русија тврди дека Америка финансирала воена биолошка програма во Украина, Киев се обидел да ги уништи трагите
Руското Министерство за одбрана соопшти дека „за време на специјална воена операција биле пронајдени докази дека режимот во Киев сакал итно да уништи докази за воена биолошка програма во Украина финансирана од Министерството за одбрана на САД“.
Тврдењето беше споделено на Твитер од руското Министерство за надворешни работи.
❗️ @mod_russia: During the course of the special military operation evidence of an emergency clean-up performed by the Kiev regime was found – aimed at eradicating traces of the military-biological programme, in Ukraine, financed by @DeptofDefense.
? https://t.co/4GE6uPvOVf pic.twitter.com/rldp9UMAkx
— MFA Russia ?? (@mfa_russia) March 6, 2022
Францускиот претседател Емануел Макрон во телефонски разговор со српскиот претседател Александар Вучиќ ја поздравил јасната позиција на Белград во меѓународните инстанци за војната во Украина и потребата од почитување на суверенитетот на државите, соопшти денеска Елисејската палата.
Макрон ја истакна блиската соработка меѓу двете земји и потсети на пријателството на Франција и неговата лична поддршка за Србија.
20.00 Украинската амбасадорка во САД ја нарече Русија терористичка држава
Украинската амбасадорка во САД денеска ја повика владата на американскиот претседател Џо Бајден да воведе посилни санкции кон Москва и да и достави повеќе оружје на Украина, а Русија ја нарече „терористичка држава“.
Амбасадорката Оксана Маркарова во интервју за „Фокс њуз“ повтори дека Русија врши воени злосторства против цивили и уништува болници и училишта, додавајќи дека Украина, заедно со САД и другите земји, собира докази.
19:23 Трамп: Да ставиме кинески знамиња на нашите авиони и да ја бомбардираме Русија
Поранешниот американски претседател Доналд Трамп предложил САД едноставно да ги покријат борбените авиони со кинески знамиња и да ја нападнат Русија, велејќи дека тоа ќе ги наведе Русите и Кинезите да се борат меѓу себе.
19.10 Меѓународната агенција: Длабоко сме загрижени за нуклеарната централа што ја освоија Русите
„Украина ја информираше МААЕ дека редовен персонал работи во нуклеарната централа Запорожжја, но раководството на централата добива наредби од руските сили кои ја контролираат областа. Директорот на МААЕ е длабоко загрижен за најновите случувања“, објави МААЕ на Твитер.
#Ukraine informs IAEA that regular staff continue to operate #Zaporizhzhya Nuclear Power Plant, but plant management is now under orders from commander of Russian forces controlling site. DG @RafaelMGrossi deeply concerned with latest developments. https://t.co/TDZlLpV10f
— IAEA – International Atomic Energy Agency (@iaeaorg) March 6, 2022
18:45 Украински министер објави фотографија: Руска бомба од 500 килограми падна врз станбена зграда
„Оваа ужасна руска бомба од 500 килограми падна врз станбена зграда во Чернихив. Таа не експлодира, но многу други – да. Убија невини мажи, жени и деца. Помогнете ни да го заштитиме нашиот народ од руските варвари. Помогнете ни да го затвориме небото. Дајте ни борбени авиони. Направете нешто!“, напиша Кулеба.
This horrific 500-kg Russian bomb fell on a residential building in Chernihiv and didn’t explode. Many other did, killing innocent men, women and children. Help us protect our people from Russian barbarians! Help us close the sky. Provide us with combat aircraft. Do something! pic.twitter.com/3Re0jlaKEL
— Dmytro Kuleba (@DmytroKuleba) March 6, 2022
18:41 Џонсон: Испраќаме повеќе оружје во Украина
По телефонскиот разговор со украинскиот претседател Володимир Зеленски, британскиот премиер Борис Џонсон ветил дека Велика Британија ќе испрати повеќе оружје во Украина за да се одбрани од руската инвазија, изјави портпаролот на кабинетот на Џонсон, пренесува Би-би-си.
18:39 Уништен муралот на Путин во Белград
Украинците имаат „план за континуитет на власта, што и да се случи“, дури и ако украинскиот претседател Володимир Зеленски биде убиен, изјави американскиот шеф на дипломатијата, Антони Блинкен како гостин на Си-Би-Ес.
18:30 Полскиот претседател ги смести украинските бегалци во пртседателските вили
Претседателот на Полска, Анджеј Дуда, на иницијатива на неговата сопруга Агата Корнхаузер-Дуда, ги смести украинските бегалци, кои ја напуштија својата земја поради руската агресија, во две претседателски вили, изјави денеска шефот на кабинетот на Дуда, Адам Квјатковски, пренесува Der Spiegel.
18:00 OН: Најмалку 364 цивили убиени во руската инвазија од кои 25 деца
Канцеларијата за човекови права на ОН ги ажурираше бројките на жртвите во руската инвазија на Украина. Најмалку 364 цивили, меѓу кои 25 деца, се убиени од 24 февруари, кога започна рускиот напад. Ранети се 759 цивили, соопштија ОН.
17:30 САД: Имаме информации за намерни руски напади врз цивили
Соединетите Држави виделе „многу веродостојни извештаи“ за намерни напади врз цивили, изјави денеска американскиот државен секретар Антони Блинкен, велејќи дека САД ги документираат извештаите за потенцијална истрага за воени злосторства.
„Видовме многу веродостојни извештаи за намерни напади врз цивили кои може да претставуваат воено злосторство“, рече Блинкен во емисијата „Состојбата на Унијата“ на Си-Ен-Ен. „Исто така, видовме многу веродостојни извештаи за употреба на одредени видови оружје“, додаде тој.
17.00 Блинкен: Размислуваме за одлука да престанеме да купуваме руска нафта
Американскиот државен секретар Ентони Блинкен денеска изјави дека Вашингтон ја разгледува одлуката со сојузниците во Европа да престане да купува руска нафта.
Блинкен објасни дека за време на неговото патување во Европа разговарал со сојузниците во Европската унија и НАТО за тоа како да се зголеми притисокот врз Русија, пренесе Спутник.
16:49 Протест во Украина против инвазијата
Жителите на некои руски градови и села окупирани од Русите излегоа на улиците да протестираат против инвазијата, пренесува украинската агенција Интерфакс.
Во јужниот град Нова Каховка, речиси 2.000 луѓе протестираа против инвазијата носејќи украински знамиња и ги повикаа руските сили да си заминат, објави агенцијата, цитирајќи локални сведоци.
16.30 Зеленски: Ако не ни дадете авиони, сакате да не’ убијат
„Ние сме луѓе. Вашата хуманитарна должност е да не’ заштитите. Можете да го направите тоа. Ако не го направите или барем не ни дадете авиони да се заштитиме, постои само еден заклучок: Сакате да не’ убијат“.
16:00 Пожарот во нуклеарната централа беше провокација, му рекол Путин на Макрон
Рускиот претседател Владимир Путин неколку часа разговараше со францускиот претседател, Емануел Макрон, пришто обвини за обиди за провоцирање од страна на, како што рече, украинските радикали околу нуклеарната централа.
Путин му рекол и на Макрон и дека Киев не се придржува до договорот за евакуација на цивили.
15:25 (Видео) Антивоен протест во Белград: „Слобда за Украина“
Во центарот на Белград се одржува антивоен собир за поддршка на Украина, а присутни се неколку стотици граѓани. Некои од нив носат украински знамиња и транспаренти „Stop Putin stop War“.
Razvija se zastava #SlavaUkraine pic.twitter.com/lYWvId1CY0
— Srdjan Cvijic (@srdjancvijic) March 6, 2022
15:10 Папа Франциск: Конфликтот во Украина не е специјална воена операција, туку војна
„Во Украина течат реки од крв и солзи. Ова не е само воена операција, туку војна која води до смрт, уништување и беда“, рече папата во своето неделно обраќање пред насобраните верници на плоштадот Свети Петар во Рим, пренесоа британските медиуми.
14:55 Во Русија приведени повеќе од 2.000 демонстранти
Anti-war protest in Moscow right now. It’s growing… pic.twitter.com/ziHEFF7FV8
— Mike Galsworthy ?? (@mikegalsworthy) March 6, 2022
14:20 Зеленски: Цивилниот аеродром западно од Киев е целосно уништен
Цивилниот аеродром во градот Винница, на околу 250 километри југозападно од Киев, е целосно уништен од руски проектили, изјави украинскиот претседател Володимир Зеленски.
Турскиот претседател Реџеп Таип Ердоган повика на итен прекин на огнот во Украина, за време на разговорите со рускиот колега Владимир Путин, кој е подготвен да го стори тоа само кога Украина ќе престане да се бори и ќе ги исполни руските барања.
13:40 Пропадна и денешниот обид за евакуирање на жителите на Мариупол
И денешниот обид да се организира хуманитарен коридор од Мариупол не успеа, а проруските сепаратисти и Украинската национална гарда меѓусебно се обвинуваат за кршење на привременото примирје.
Телевизијата „Украина 24“ прикажа борец на Националната гарда Азов, кој рече дека руските и проруските сили кои го опколиле пристанишниот град со околу 400.000 жители продолжиле да ги гранатираат областите кои требаше да бидат безбедни.
13:20 Зеленски предупреди дека Русите се подготвуваат за гранатирање на Одеса
Украинскиот претседател Володимир Зеленски изјави дека руските сили се подготвуваат да ја бомбардираат Одеса, град на брегот на Црното Море на Украина.
„Ракети против Одеса? Ова ќе биде воено злосторство“, рече Зеленски во телевизиско обраќање.
Тој истакна дека не е доцна руските граѓани да се обидат да ја запрат оваа војна.
12:58 Украински службеник: Русите испраќаат авиони на југ, сакаат да не’ oтсечат од морето
Украински безбедносен претставник изјави дека Русија ги собира своите сили за да го опколи источниот град Днепар.
Официјалниот претставник додаде дека руската воена команда го фокусира своето внимание на јужниот фронт со цел да ја отсече Украина од Црното Море.
12:36 ОН: Стотици илјади луѓе се во движење, коридорите не се доволни
Повеќе од 1,5 милиони луѓе сега ја напуштиле Украина поради војната. Сите индикации укажуваат дека протокот на луѓе ќе се зголеми во наредните денови.
12:16 УНХЦР: Ова е најбрзо растечката бегалска криза во Европа по Втората светска војна
Повеќе од 1,5 милиони бегалци од Украина се преселиле во соседните земји во последните десет дена, соопшти Високиот комесаријат за бегалци на Обединетите нации (УНХЦР).
Тоа е „најбрзо растечката бегалска криза во Европа од Втората светска војна“, напиша на Твитер комесарот на ОН за бегалци Филипо Гранди.
12:00 Сепаратисти: 300 луѓе го напуштија Мариупол со хуманитарен коридор
Проруските сепаратисти велат дека првите 300 луѓе го напуштиле опколениот град Мариупол во југоисточна Украина за време на новиот обид за прекин на огнот. Информациите не може да се проверат, а украинските власти се’ уште не даваат никакви бројки.
11:38 Гранатиран пункт за евакуација на цивили во близина на Киев
Утрово беше гранатиран пункт за евакуација на цивили кои се обидуваа да побегнат од областа Ирпин западно од Киев. Меѓународните медиуми снимале на местото кога паднало нешто што личело на артилериска граната.
Views from vicinity of the bridge in the city of Irpin, northwest of Kyiv, blasts a few meters away during civilians evacuation while ongoing Russian attacks on Ukraine
?: Emin Sansar pic.twitter.com/OPz6U4nPLg
— Anadolu Images (@anadoluimages) March 6, 2022
11.25 Во Молдавија пристигнале 250.000 бегалци од Украина
Молдавската претседателка Маја Санду рече дека повеќе од 250.000 бегалци се преселиле во источноевропската земја од Украина од почетокот на руската инвазија.
11:00 Зеленски до Украинците: Тргнете во офанзива онаму каде што непријателот напаѓа
Зеленски му се обрати на украинскиот народ
Украинскиот претседател Володимир Зеленски синоќа ги повика Украинците да го продолжат отпорот, велејќи: „Украинци! Во сите наши градови каде што непријателот нападна, тргнете во офанзива. Излезете на улиците. Мора да се бориме секогаш кога ќе имаме можност. ”
10:52 Блинкен вети американска помош за Молдавија за згрижување на украинските бегалци
Американскиот државен секретар Ентони Блинкен денеска во Молдавија вети дека САД ќе и помогнат на оваа поранешна советска република, која е наклонета кон Западот, да се справи со приливот на бегалци од Украина.
Блинкен денеска се среќава со високи претставници на Молдавија кои бараат меѓународна помош за згрижување на повеќе од 120.000 бегалци од Украина и безбедносни гаранции од можна руска агресија.
10:30„Виза“ и „Мастеркард“ ги прекинаа операциите во Русија
„Принудени сме да дејствуваме по неиспровоцирана руска инвазија на Украина и неприфатливите настани на кои бевме сведоци“, рече Алфред Кели – претседател и извршен директор на американската компанија за дигитално плаќање „Виза“.
10:00 Потпретседателот на британската влада: Војната може да трае со години
Војната во Украина би можела да трае со месеци, ако не и со години, изјави британскиот вицепремиер, Доминик Рааб за „Скај њуз“.
Тој рече дека сојузниците мора да покажат стратешка издржливост за да обезбедат неуспех на рускиот Владимир Путин.
Deputy Prime Minister Dominic Raab says ‘Putin must fail in Ukraine’ but that could take ‘months if not years’ so we need to show ‘some strategic stamina’.#Phillips: https://t.co/31OokSLksh
? Sky 501, Virgin 602, Freeview 233 and YouTube pic.twitter.com/1gKQ7Inyw9
— Trevor Phillips on Sunday (@RidgeOnSunday) March 6, 2022
09:30 Договорен е нов прекин на огнот во Мариупол
Цивилите ќе можат да го евакуираат градот по договорена рута од 12 часот по локално време. Сличен план беше објавен вчера, но набрзо пропадна поради бомбардирање.
09:20 Русија обвинува дека Украина подготвува нуклеарна бомба
Неименуван извор тврди дека Украина се приближува до создавање на нуклеарна „валкана бомба“, темелена на плутониум.
Веста ја пренесоа неколку руски медиуми, иако изворот не наведува докази за ваквото тврдење.
09:15 Украина тврди дека преговарачот Киреев загинал во специјална задача
Претходно медиумите јавија дека безбедносната служба на Украина го убила членот на својата делегација во преговорите бидејќи е руски шпион.
09:10 Џонсон претстави план за одговор на руската инвазија на Украина
Британскиот премиер Борис Џонсон ги повика лидерите на државите да се приклучат кон неговиот план од шест точки како одговор на руската инвазија на Украина, кој предвидува хуманитарна поддршка за Украина, како и нанесување на најголема можна економска штета на Москва, пренесе Ројтерс.
09:05 Путин нареди да се состави список на земји кои и’ наметнаа санкции на Русија
Рускиот претседател Владимир Путин вчера и’ нареди на владата да состави список на земји кои ја санкционираа Русија.
09.00 СЗО: Нападнати неколку болници во Украина
„Нападите врз здравствените установи или работници ја нарушуваат медицинската неутралност и претставуваат кршење на меѓународното хуманитарно право“,
.@WHO has confirmed several attacks on health care in #Ukraine, causing multiple deaths and injuries. Additional reports are being investigated. Attacks on healthcare facilities or workers breach medical neutrality and are violations of international humanitarian law. #NotATarget https://t.co/Wdc2jeoHIB
— Tedros Adhanom Ghebreyesus (@DrTedros) March 6, 2022
08:40 (Видео) Русите срамнија со земја украинска фабрика за тенкови
На околу 140 километри од Киев е Житомир, а има и украинска фабрика за тенкови. На видеото кое го пренесе Си-Ен-Ен, кое вчера беше објавено на социјалните мрежи, се гледа како дел од фабриката за тенкови е срамнет со земја по нападот на руските сили.
Ukrainian Tank factory demolished by Russian missiles in Zhitomir pic.twitter.com/lFOzgMXWDN
— ASB News / MILITARY〽️ (@ASBMilitary) March 5, 2022
08:20 Украинската војска објави извештај: Ги браниме Чернихив и Мариупол
Украинската војска го објави својот оперативен извештај, во 6 часот по локално време, истакнувајќи дека нејзините сили водат жестоки битки за одржување на одредени граници. Во тек е одбранбена операција во источниот дел на оперативната област Доњецк, а напорите се насочени кон одбрана на градот Мариупол, соопшти војската.
08:00 Зеленски разговараше со Бајден
Украинскиот претседател Володимир Зеленски објави дека разговарал со американскиот претседател Џо Бајден за безбедноста, финансиската поддршка за Украина и продолжувањето на санкциите против Русија.
„Како дел од постојаниот дијалог, имав уште еден разговор со претседателот“, објави Зеленски на Твитер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Атина без такси 48 часа: возачите на улица против даночните мерки
Таксистите во Атина најавија 48-часовен штрајк, објави „Катимерини“. Нивното незадоволство произлегува од новите даночни политики и задолжителниот премин кон електрични возила.
Синдикатот на таксистите во Атина (SATA) наведува дека задолжителното воведување електрични автомобили го загрозува опстанокот на секторот, поради недостаток на соодветна инфраструктура за полнење, прифатливи цени на електричната енергија и реални трошоци за возилата. Таксистите оценуваат дека ваквиот потег претставува економско уништување, а не зелена транзиција.
Возачите изразија загриженост и поради недостиг од јасна регулаторна рамка која ги раздвојува такси-услугите од возилата за изнајмување со возач. Според SATA, такси-возилата обезбедуваат превоз од точка до точка, додека приватните компании за изнајмување продаваат време на патување.
Синдикатот тврди дека мултинационалните апликации за споделено возење го нарушуваат пазарот, посочувајќи дека грчките професионалци работат под строг надзор, додека странските компании функционираат без доволна контрола или локална даночна основа.
Таксистите бараат и пристап до лентите за автобуси при превоз на патници, нагласувајќи дека такси-услугите се дел од јавниот превоз и дека ограничувањата ги зголемуваат сообраќајните гужви и негативното влијание врз животната средина. Во однос на оданочувањето, SATA истакнува дека возачите се соочуваат со неправичен третман и растечки трошоци за гориво, одржување и живот, наведувајќи дека секторот повеќе не може да издржи прекумерен даночен притисок.
Фото: pexels
Регион
Вучиќ од Абу Даби: Пандорината кутија е отворена; ќе дадам сѐ за да го зачуваме мирот и нашата земја
Претседателот на Србија Александар Вучиќ им се обрати на граѓаните од Абу Даби, каде што присуствуваше на отворањето на Неделата на одржливост 2026 и се сретна со претседателот на Обединетите Арапски Емирати, шеикот Мохамед бин Зајед.
Вучиќ изјави дека државата мора сериозно да се насочи кон развојот на вештачката интелигенција, нагласувајќи дека светот влегува во нова ера на големи промени.
„Големи промени се случувале и порано – од 15 век, кога Европа воспоставила доминација благодарение на научните откритија и освојувањето територии. Денес сите гледаат дека доаѓа ново време кое го носи вештачката интелигенција. Ние сме на 39. место во светот според индексите, што е подобро отколку што очекувавме“, рече Вучиќ, пренесе „Б92“.
Тој додаде дека тоа не е доволно и предупреди дека за шест месеци неработење Србија може да падне и на 70. место, нагласувајќи дека мора постојано да се работи и учи.
„Се соочуваме со две работи – огромен напредок и стравот кај луѓето дека ќе ги загубат работните места“, изјави Вучиќ.
Тој истакна дека државата мора да создаде рамка која ќе го поттикне развојот на вештачката интелигенција, но и ќе гарантира дека граѓаните нема да останат без работа. Посочи дека три проценти од енергијата во Европа се трошат на суперкомпјутери и дека ќе биде неопходно зголемување на енергетските капацитети.
„Важно е да го подготвиме теренот за децата што доаѓаат по нас, за да можат рамноправно да се натпреваруваат со другите во светот“, додаде тој.
Вучиќ информираше дека имал кратка средба со шеикот Мохамед бин Зајед и изрази благодарност за гостопримството, додавајќи дека наскоро се надева на добри вести поврзани со НИС.
„Мораме да ги зголемиме капацитетите на ЕПС, но и да склучуваме договори со други за да ги обезбедиме нашите потреби“, изјави српскиот претседател.
Осврнувајќи се на меѓународната ситуација, Вучиќ зборуваше за Гренланд и Иран, оценувајќи дека светот влегува во период на голема неизвесност.
„Не се радувам на ништо од тоа што се случува. Се плашам од времето во кое влегуваме. Пандорината кутија е отворена и повеќе никој не може да ја контролира“, рече Вучиќ, додавајќи дека ќе вложи целосна енергија за да ги зачува мирот и државата.
Тој нагласи дека граѓаните на Србија не треба да се грижат и дека државата внимателно ја следи ситуацијата. Потврди и дека утре ќе има билатерална средба со претседателот на Обединетите Арапски Емирати.
„Станува збор за двајца лични пријатели. Разговараме како да ја унапредиме соработката. Не заборавајте дека дел од дроновите ги набавуваме од тука“, изјави Вучиќ.
На крајот, тој се осврна и на критиките од дел од медиумите, нагласувајќи дека Србија успеала да издржи и во најтешките моменти, дури и кога 94 дена немало испорака на нафта, без граѓаните да го почувствуваат тоа.
Свет
Два мистериозни случаи на Кипар: смрт во руската амбасада и исчезнување на бизнисмен
Руската амбасада на Кипар вчера соопшти дека минатата недела починал еден од вработените во амбасадата, додека локалните медиуми наведуваат дека причината за смртта била самоубиство.
Во соопштението на амбасадата се наведува дека вработениот, идентификуван само како А. В. Панов, починал во четврток, а неговата смрт е опишана како „длабока лична трагедија за семејството и најблиските“. Дипломатската мисија не ја наведе причината за смртта, истакнувајќи само дека е во тек постапка за враќање на телото во Русија.
Кипарските медиуми, повикувајќи се на анонимни полициски извори, објавија дека дипломатот се обесил во својот кабинет. Според тие извори, Панов наводно оставил проштална порака, но руската амбасада не ја споделила со полицијата, туку соопштила дека ќе биде испратена во Москва на разгледување.
Изворите тврдат дека дипломатскиот персонал не им дозволил на локалните истражители да влезат во амбасадата за да го прегледаат местото на наводното самоубиство. Телото, наводно, ѝ било предадено на полицијата во дворот на амбасадата.
Потрага по бизнисмен
Во меѓувреме, на Кипар трае потрага по 53-годишниот руски бизнисмен Владислав Баумгертнер, кој во средата го напуштил својот дом во Лимасол, облечен во кратки црни панталони и црна маица, по што исчезнал и не се вратил дома.
Спасувачи, полиција и волонтери, со помош на полициски хеликоптер и дронови, од саботата трагаат по Баумгертнер. Потрагата е фокусирана на тежок терен во близина на селото Писури, каде што последен пат бил забележан сигналот од неговиот мобилен телефон.
Баумгертнер дипломирал на Уралскиот технички универзитет, а кариерата ја започнал во компанијата Ураленерго. На почетокот на 2000-тите стекнал магистерски дипломи по бизнис администрација и финансиски менаџмент во Обединетото Кралство, по што се вработил во компанијата за производство на калиумови соли Уралкали.
Во 2003 година станал комерцијален директор, а во 2005 година претседател на управата и извршен директор на компанијата. Во 2005 година Уралкали, заедно со белоруската компанија Беларукали, ја основал Беларус Поташ Компани (BPC) – заедничка фирма која во еден период контролирала повеќе од 40 отсто од светскиот извоз на калиумови соли.
Уапсен во 2013 година во Белорусија
Партнерството се распаднало во 2013 година поради несогласувања околу стратегијата – дали да се ограничи производството за одржување на цените или да се зголемат количините за поголем приход.
Во јули 2013 година Баумгертнер објавил дека Уралкали се повлекува од BPC, што предизвикало пад на цените на глобалниот пазар. „Тоа е како Саудиска Арабија да го напушти ОПЕК“, изјавил тогаш за Ројтерс трговецот Дмитриј Рижков.
Повлекувањето на Уралкали било тежок удар за белорускиот претседател Александар Лукашенко. Во август 2013 година, еден месец по повлекувањето од BPC, Баумгертнер пристигнал во Минск на преговори со тогашниот белоруски премиер Михаил Мјасникович.
По неуспехот на преговорите, полицијата го уапсила на аеродромот, наводно по лична наредба на Лукашенко. Баумгертнер поминал еден месец во самица, по што бил префрлен во куќен притвор. Истрагата против него подоцна била запрена, по што тој се вратил во деловниот сектор.
Фото: depositphotos
МНР со апел до македонските државјани да го напуштат Иран во прва можна прилика
Министерството за надворешни работи апелира сите македонски државјани од Иран да ја напуштат земјата поради влошената состојба. „Поради влошената безбедносна...
Обвинителството бара притвор за лицето што ја искрши влезната врата на бугарската Амбасада
Основното јавно обвинителство Скопје поведе постапка против 55-годишник осомничен за кривично дело – Оштетување туѓи предмети од член 243 став...
Техничката влада мора да остане, велат од СДСМ
Техничката влада мора да остане. Таа е единствена шанса, единствен обид за некакви минимални услови за фер избори, велат од...
Со паричка во погача, голем број семејства вечерва ќе ја дочекаат Старата Нова година
Според Јулијанскиот календар, по кој се водат православните христијани, вечер се дочекува православната нова година, кај народот позната уште како...
Во Кавадарци се води истрага за два случаи на сексуално насилство врз деца
Кавадаречкото Обвинителство споведува истрага за два одвоени случаи во кои има сомненија за силување на дете кое не наполнило 15...
Словачките лидери едногласни: Крај на воената помош за Украина
Највисоките словачки функционери – претседателот Петер Пелегрини, премиерот Роберт Фицо и претседателот на парламентот Рихард Раши – потврдија единство околу...
Претседателката на Молдавија: На референдум би гласала за обединување со Романија
Претседателката на Молдавија, Маја Санду, изјави дека би гласала за обединување со Романија доколку тоа прашање некогаш се најде на...
Германија предупредува: Плановите на Трамп за Гренланд може да го загрозат НАТО
Германскиот министер за надворешни работи Јохан Вадефул изјави дека сојузниците во НАТО мора да соработуваат кога станува збор за безбедноста...
Конгресмен предлага закон за анексија на Гренланд
Републиканскиот конгресмен Ренди Фајн предложи закон до американскиот Конгрес со кој на САД би им се овозможила анексија на Гренланд...
18-годишникот кој усмрти жена во Капиштец избега од државата, МВР распиша потерница
Министерството за внатрешни работи распиша меѓународна потерница по 18-годишникот кој прегази жена во Скопје и избега од местото на настанот....
Уапсен жител на Богданци за убиство на сопствената мајка
Полицијата уапси 39-годишен жител на Богданци, осомничен за убиство на сопствената мајка. Според информациите од МВР, денеска во Полициската канцеларија...
Уапсено лицето што го оштети стаклото на влезната врата на бугарската амбасада во Скопје
Полициски службеници од МВР денеска (12 јануари 2026 година) во 12:40 часот на улицата Кирил и Методиј во Скопје го...
Како членка на НАТО, не ни прилегаат технички влади, а предвремените избори носат нестабилност, рече Гаши
Претседателот на Собранието Африм Гаши изјави дека е поборник на идејата за одржување редовни избори, оценувајќи дека честите предвремени избори...
„Една битка по друга“, „Хамнет“ и „Адолесценција“ доминираа на Златните глобуси
Во неделата беа доделени престижните награди Златен глобус. Филмот „Една битка по друга“ (One Battle After Another) беше прогласен за...
Непознати глутници се појавија преку ноќ – пронајдени улични кучиња од Албанија во Скопје, се бара истрага и проверка на безбедносните камери
Здружението за заштита на животните Анима Мунди алармира и јавно бара итна, темелна и независна истрага поради сериозни индиции за...
Водата се повлекува во повеќе региони, дел од патиштата затворени поради поплави, одрони и снег
Центарот за управување со кризи информира дека по обилните врнежи, состојбата на терен е стабилизирана во дел од регионите, а...
Алиу: Предлог-законот за заштита од пушење објавен на ЕНЕР, отвораме јавна расправа пред неговото усвојување
Министерството за здравство информира дека предлог-законот за заштита од пушење е објавен на електронскиот национален регистар на прописи (ЕНЕР), каде...
Минусни температури низ целата земја, на Попова Шапка измерени -16 степени
Утрово најстудено било на Попова Шапка кадешто се измерени -16 степени целзиусови, -14 било во Mаврови Анови, -13 во Kрушево,...
Трамп: Иран нè контактираше за преговори
Американскиот претседател Доналд Трамп во неделата изјави дека Иран побарал да започне разговори со САД, додека земјата се справува со...
Иранската револуционерна гарда му се закани на Трамп
Иранската револуционерна гарда јавно му се закани на Доналд Трамп поради неговото споменување на потенцијална американска воена акција против владата...
