Свет
Зеленски утре ќе се обрати во британскиот Парламент
Украинскиот претседател Володимир Зеленски, утре, во 18 часот, ќе одржи говор пред британските пратеници.
Изјавата, која ќе биде дадена преку видеоврска, вечерва ја потврди и претседателот на Претставничкиот дом на британскиот Парламент, сер Линдзи Хојл.
„Нема крв на нашето знаме. Нема да има црни дамки, нема да има свастики. Украинското знаме е земја, мирна, плодна, златна, без тенкови. Ова небо е мирно, чисто и сино без ракети. Така беше и порано, така ќе биде и сега“, рече Зеленски денеска во своето обраќање преку „Фејсбук“.
Тој рече дека отпорот на Украина одлучува за иднината на Европа и ги повика западните лидери да му дадат воени авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.